1 Chronicles 5

1Rub'en eliyaya iachtohui cone Israel, pero quipolo nopa tlanahuatili tlen quipixqui huan quipolo nopa tlamantli tlen quiselijtosqu'ia queja achtohui ejquetl pampa motejqui ihuaya isihua tlatequipanojca itata. Yeca nochi tlamantli tlen yajaya quiselijtosqu'ia, quiselijque iconehua Jos'e tlen eliyaya seyoc icone Israel. Huajca Rub'en ayoc quiitayayaj para achtohui ejquetl. 2Jud'a tlen quitoquili Rub'en quema tlacatqui, quipixqui m'as chicahualistli que iicnihua huan ipan iixhuihua ya hualajqui se Tlanahuatijquetl, pero ax quiseli nopa tlanahuatili tlen achtohui ejquetl. Elqui Jos'e tlen mocajqui ica nopa tlanahuatili queja achtohui ejquetl. 3Rub'en quinpixqui iconehua tlen inintoca eliyayaj: Hanoc, Fal'u, Hezr'on huan Carmi. 4Huan Joel, se iixhui Rub'en, quipixqui icone tlen itoca Sema'ias. Huan Sema'ias quipixqui icone tlen itoca Gog. Huan Gog quipixqui se icone tlen itoca Simei. 5Simei quipixqui icone tlen itoca Mica'ia. Huan Mica'ia quipixqui icone tlen itoca Rea'ia. Huan Rea'ia quipixqui se icone tlen itoca Baal. 6Baal quipixqui icone tlen itoca Beera. Beera elqui tlayacanquetl ipan iixhuihua Rub'en quema huetzqui imaco nopa tlanahuatijquetl tlen tlali Asiria tlen itoca Tiglat Pileser huan quihuicaque ilpitoc para tlatequipanoti. 7Huan iicnihua Beera mochijque huejhueyi familias. Huan nica eltoc inintoca nopa tlayacanani ipan sesen familia: Jeiel, Zacar'ias, 8Bela elqui icone Azaz, tlen elqui icone Sema, tlen elqui icone Joel. Iixhuihua Rub'en tlen nica ijcuilijtoc inintoca, itztoyaj ipan nopa tlali tlen yajqui tlen Aroer hasta tepetl Nebo huan hasta Baal Me'on. 9Huan momiyaquilijque miyac ihuacaxhua Joel ipan tlali Galaad, huan yeca yajqui m'as ica campa quisa tonati para quintlamacas. Teipa yajqui hasta nechca nopa huactoc tlali huan hasta campa nopa atemitl 'Eufrates. 10Huan ipan nopa tonali quema Tlanahuatijquetl Sa'ul tlanahuatiyaya, iteipa ixhuihua Rub'en yajque huan quintehuijque iteipa ixhuihua Hagar huan quintlanque. Teipa mocajque para itztose ipan ininyoyoncalhua nopona campa quisa tonati ipan tlali Galaad. 11Huan iixhuihua Gad itztoyaj ipan tlali Bas'an hasta altepetl Salca tlen mocahua iniixmelac iixhuihua Rub'en. 12Huan Joel elqui nopa achtohui tlayacanquetl ipan tlali Bas'an, huan nopa ompa tlayacanquetl elqui Saf'an, teipa Jaanai huan teipa Safat. 13Huan nopa tlacame quinpixque ininteixmatcahua tlen inintoca eliyayaj: Micael, Mesulam, Seba, Jorai, Jac'an, Z'ia huan Heber. Para nochi eliyayaj chicome. 14Nochi ni chicome tlacame elque iteipa ixhuihua Abihail tlen elqui icone Huri, tlen elqui icone Joroa, tlen elqui icone Galaad, tlen elqui icone Micael, tlen elqui icone Jesisai, tlen elqui icone Jahdo, tlen elqui icone Buz. 15Huan Ah'i, icone Abdiel huan iixhui Guni, elqui nopa tlayacanquetl ipan ininfamilias. 16Huan nochi ni tlen eliyayaj iteipa ixhuihua Gad itztoyaj ipan Galaad ipan tlali Bas'an huan ininpilaltepehua. Nojquiya itztoyaj campa hueli ipan potreros ipan tlali Sar'on. 17Nochi inijuanti quiijcuilojque inintoca ipan nopa amatl ipan nopa tonali quema Jotam tlanahuatiyaya ipan tlali Jud'a ica tlani huan quema Jeroboam tlanahuatiyaya ipan tlali Israel ica norte. 18Itelpocahua Rub'en huan Gad huan nopa tlajco familia tlen Manas'es eliyayaj tlacame tlen tlahuel motemacayayaj. Quinpixque 44 mil 760 soldados tlen quihualicayayaj yolixtzajcayotl, machetes, huan cuahuitoli tlen huejhueyi. Inijuanti tlahuel quiixmatiyayaj quejatza tlatehuise. 19Ni tlacame quintehuijque iteipa ixhuihua Hagar ininhuaya nopa jeturitame, afisitame huan nopa nodabitame. 20Huan iixhuihua Rub'en, Gad huan Manas'es quitzajtzilijque Toteco Dios para ma quinmaca chicahualistli ipan nopa tlatehuijcayotl, huan yajaya, quena, quinmacac pampa motemachiyayaj ipan ya. Huan yeca quintzontlamiltijque nochi iteipa ixhuihua Hagar nepa ihuaya nochi tlen quinpalehuiyayaj. 21Huan quema ya quintlantoyaj quihuicaque tlen eliyaya iniaxca huan elqui: 50 mil camellos, 200 mil borregojme, 2 mil burrojme huan 100 mil tlacame. 22Huan mijque miyac iteipa ixhuihua Hagar pampa Toteco Dios quintehuiyaya. Huan queja nopa iixhuihua Rub'en mocajque ipan inintlal iteipa ixhuihua Hagar huan nopona itztoyaj hasta ipan nopa tonali quema quinquixtijque huan quinhuicaque ipan sejcoyoc. 23Nopa tlajco familia tlen Manas'es tlahuel momiyaquili. Huan itztoyaj tlen altepetl Bas'an huan hasta Baal Herm'on, huan Senir huan hasta nopa tepetl Herm'on. 24Huan nopa tlayacanani ipan ininfamilias tlen iniixhuihua Manas'es eliyayaj: Efer, Isi, Eliel, Azriel, Jerem'ias, Hodav'ias huan Jahdiel. Sesen tlen ni tlacame nel'ia motemacayayaj huan quipiyayayaj miyac chicahualistli para tlatehuise huan nochi quinixmatiyayaj. Huan eliyayaj tlayacanani ipan ininfamilias. 25Pero inijuanti mosisinijque ica Toteco Dios tlen elqui ininTeco ininhuejcapantatahua huan quiixpanoque nopa tlajtoli tlen quisencajqui ininhuaya. Quinhueyichijque teteyome huan tlaixcopincayome tlen quinhueyichihuayayaj nopa tlacame tlen Toteco Dios quinquixtijtoya iniixpa ininhuejcapantatahua. 26Yeca Toteco Dios quicahuili Tlanahuatijquetl Pul tlen tlali Asiria tlen nojquiya quitocajtiyayaj Tiglat Pileser, para ma moaxcati nopa tlali huan ma quinquixti iconehua Rub'en, Gad huan nopa tlajco familia tlen Manas'es. Huan Pul quinhuicac ipan tlaltini tlen inintoca eliyayaj Halah, Habor huan Hara huan hasta nopa atemitl Goz'an huan nopona itztoque hasta ama.

will be added

X\