1 Chronicles 26

1Queja ni quinxelojque nopa tlamocuitlahuiani ipan puertas ica grupos: Meselem'ias elqui itlayacanca nopa achtohui grupo. Meselem'ias elqui icone Cor'e, tlen elqui icone Ebiasaf, tlen elqui se iteipa ixhui nopa seyoc Cor'e tlen huejcajquiya. 2Huan itelpocahua Meselem'ias inintoca eliyayaj: Zacar'ias nopa achtohui ejquetl, teipa Jediael, Zebad'ias, Jatniel, 3Elam, Johan'an huan Elioenai. 4Huan Obed Edom elqui inintlayacanca seyoc grupo tlen puerta tlamocuitlahuiani. Huan iachtohui ejca telpoca quitocajtiyayaj Sema'ias huan itelpocahua tlen teipa tlacajtiyajque elque: Jozabad, Joa, Sacar, Natanael, 5Amiel, Isacar huan Peultai. Huan Toteco Dios miyac quitiochijtoya Obed Edom huan quimacac miyac iconehua. 6Sema'ias iachtohui cone Obed Edom, quinpixqui itelpocahua tlen tlahuel mosemacayayaj huan itztoyaj tlayacanani ipan ininfamilia. 7Huan itelpocahua Sema'ias inintoca eliyayaj: Otni, Rafael, Obed, Elzabad huan iteixmatcahua Eli'u huan Samaqu'ias. Nochi ni tlacame moneltlaliyayaj. 8Ica nochi elque 62 iconehua huan iixhuihua Obed Edom. Huan nochi eliyayaj tlacame tlen tlahuel yolchicajtoque para quichihuase inintequi. 9Huan Meselem'ias huan 18 iconehua huan iteixmatcahua elqui se grupo tlen tlacame tlen nojquiya tlahuel motemacayayaj. 10Huan Hosa tlen eliyaya ipan nopa hueyi familia tlen iixhuihua Merari, quitlapejpeni Simri para ma quinyacanas iconehua yonque yajaya ax achtohui ejquetl. 11Nopa sequinoc iconehua inintoca eliyayaj: Hilc'ias tlen iompaca telpoca huan teipa Tebal'ias huan Zacar'ias tlen nelteipa ejquetl. Huan para nochi iconehua huan iicnihua Hosa eliyayaj 13. 12Queja ni quinxelojque nopa tlamocuitlahuiani para tequitise ipan tiopamitl. Huan sesen grupo quihuicayaya itoca itlayacanca huan inijuanti quipixque inintequi para tequipanose ipan ichaj Toteco queja ne sequinoc levitame. 13Quintequimacaque ma tlamocuitlahuica ipan sesen puerta por rifa. Huan ax quichihuiliyayaj cuenta tlaque tlanahuatili quipiya sesen, niyon quesqui xihuitl quipixque. Quintequimacaque queja tlen quintocaro ipan nopa rifa. 14Selem'ias huan igrupo quintocaro quimocuitlahuise nopa puerta tlen mocahua ica campa quisa tonati. Huan ica nopa rifa quitocaro Zacar'ias icone Meselem'ias para quimocuitlahuis nopa puerta tlen mocahua ica norte. Yajaya eliyaya se tlacatl tlen tlahuel tlalnamiqui. 15Huan quitocaro Obed Edom para quimocuitlahuis nopa puerta ica tlani. Huan iconehua quintocaro para quimocuitlahuise nopa cuartos campa quiajcocuij nochi tlamantli tlen iaxca nopa tiopamitl. 16Huan quintocaro Supim ihuaya Hosa quimocuitlahuise nopa puerta campa calaqui tonati tlen itoca Salequet campa eltoc nopa ojtli tlen ixtlejco. 17Mojmostla quintequitlaliyayaj chicuaseme para quimocuitlahuise nopa puerta tlen mocahua ica campa quisa tonati. Nahui para quimocuitlahuise nopa puerta tlen mocahua ica norte. Nahui para nopa puerta tlen mocahua ica tlani huan ome para quimocuitlahuise sesen nopa cuartos campa quiajcocuij tlamantli tlen motequihu'ia ipan nopa tiopamitl. 18Nojquiya quintequitlaliyayaj chicuase levitame para quimocuitlahuise nopa puerta campa calaqui tonati, nahui para tlamocuitlahuise ipan nopa puerta ica norte huan nahui para campa nopa ojtli tlen yahui para calaquis tiopamitl huan ome para quinmocuitlahuise nopa tlamapamitl. 19Huajca nica eltoc quejatza quinxelojque nopa tlamocuitlahuiani tlen quimocuitlahu'iaj puertas ipan nopa tiopamitl tlen hualajque ipan ifamilia Cor'e huan ifamilia Merari. 20Nojquiya Ah'ias quinyacanayaya sequinoc levitame tlen quipiyayayaj inintequi para quiselise nochi tlamantli tlen nopa tlacame quihualicayayaj queja ofrendas para Toteco Dios. 21Huan Jehiel elqui tlayacanquetl tlen nopa tlacame tlen hualajque ipan nopa familia Laad'an huan nopa huejcapantata Gers'on. 22Huan Jehiel quinpixqui ome itelpocahua tlen inintoca eliyayaj Zetam huan Joel. Huan inijuanti quipixque ininmaco nopa tomi tlen iaxca tiopamitl. 23Ama nimechilhuis catl'ia tlayacanani hualajque tlen nopa familias Amram, Izhar, Hebr'on huan Uziel. 24Nopa achtohui tlayacanquetl para quimocuitlahuis itomi nopa tiopamitl elqui Sebuel tlen hualajque tlen nopa familia tlen Gers'on, tlen elqui icone Mois'es. 25Iteixmatcahua tlen quipixque ieso Eliezer inintoca eliyayaj Rehab'ias, Jesa'ias, Joram, Zicri huan Selomit. 26Selomit huan iicnihua quipixque ininmaco nochi tlamantli tlen patiyo huan nochi tlamantli tlen tlaiyocatlalili para TOTECO tlen quimacatoyaj Tlanahuatijquetl David, nopa tlayacanani ipan huejhueyi familias, nopa tlayacanani tlen tlatehuijca tlacame huan nopa soldados. 27Ni tlacame quimacatoyaj sequin nopa tlamantli tlen moaxcatijtoyaj huan quicuitoyaj ipan tlatehuijcayotl para ica quicualtlalise nopa tiopamitl. 28Nojquiya Selomit huan iicnihua quipiyayayaj nopa tequitl para quimocuitlahuise sequinoc tlamantli tlen tlaiyocatlalili para Toteco. Ni tlamantli quiiyocatlalijtoyaj nopa tiocamanalojquetl Samuel, Sa'ul, icone Cis; Abner, icone Ner; huan Joab, icone Sarvia. Huan nojquiya quimocuitlahuijque nochi tlamantli tlen ajqueya hueli quiiyocatlaliyaya para TOTECO. 29Quenan'ias tlen hualajqui ipan iteipa ixhuihua Izhar elqui se tlayacanquetl. Huan yajaya huan iconehua elque queja tequichihuani para tetlajtolsencahuase campa hueli ipan tlali Israel. 30Hasab'ias huan mil 700 iteixmatcahua eliyayaj iteipa ixhuihua Hebr'on huan quintequitlalijque para quipiyase tlanahuatili ipan tlali Israel ipan nopa tlali tlen mocahua nechca atemitl Jord'an ica campa calaqui tonati. Nojquiya quipixque inintequi para quitlachilise quejatza tlacame nopona tequipanohuaj ipan itequi TOTECO huan ipan itequi nopa tlanahuatijquetl. 31Huan Jer'ias elqui tlayacanquetl tlen iteipa ixhuihua Hebr'on. Quema Tlanahuatijquetl David yahuiyaya para 40 xihuitl tlanahuatis, quitemohuayayaj ipan nopa lista huan quinpantijque para itztoyaj miyac tlacame tlen nopa familia Hebr'on ipan altepetl Jazer ipan tlali Galaad tlen tlahuel quipiyayayaj chicahualistli huan tlen tlahuel motemacayayaj. 32Eliyayaj ome mil 700 tlacame tlen motemacayayaj huan Jer'ias elqui inintlayacanca. Huan Tlanahuatijquetl David quintitlanqui ipan nopa tlali ipan seyoc nali atemitl Jord'an para campa quisa tonati. Huan quipixque inintequi para quitlachilise nopa huejhueyi familias tlen Rub'en, Gad huan nopa tlajco familia tlen Manas'es para quintlachilise quejatza quitequipanohuaj Toteco Dios huan nopa tlanahuatijquetl.

will be added

X\