1 David huan nopa israelita tlayacanani quintequimacaque huicani tlen nopa familias tlen Asaf, Hem'an huan Jedut'un. Elqui inintequi para teyolmelahuase ica huicatl tlen panos teipa. Huan sequinoc quintequimacaque para tlatzotzonase ica c'itaras, arpas huan c'imbalos quema nopa huicani huicayayaj. Huan nica eltoc inintoca nopa tlacame huan tlaque elqui inintequi: 2 Zacur, Jos'e, Netan'ias huan Asarela eliyayaj iconehua Asaf huan huicayayaj huan tlatzotzonayayaj imaco inintata, Asaf. Asaf nojquiya elqui se tiocamanalojquetl huan quiseliyaya tlajtoli tlen TOTECO. Huan Tlanahuatijquetl David quinahuati ma teyolmelahua ica huicatl nopa tlajtoli tlen TOTECO quimacayaya. 3 Huan Jedut'un quinpixqui chicuase itelpocahua: Gedal'ias, Zeri, Jesa'ias, Hasab'ias, Matat'ias huan Simei. Inijuanti tequitiyayaj imaco inintata para quitlascamatise huan quihueyichihuase Toteco. Huan Jedut'un elqui se tiocamanalojquetl huan nopa tlajtoli tlen quiseliyaya tlen TOTECO teyolmelahuayaya quema seyoc tlatzotzonayaya ipan arpa. 4 Huan Hem'an quinpixqui iconehua tlen inintoca eliyayaj: Buqu'ias, Matan'ias, Uziel, Sebuel, Jeremot, Hanan'ias, Hanani, Eliata, Gidalti, Romanti Ezer, Josbecasa, Maloti, Hotir huan Mahaziot. 5 Hem'an elqui nopa tiocamanalojquetl tlen quitequipanohuayaya Tlanahuatijquetl David huan quema quinequiyaya quimatis se tlamantli, elqui ya tlen quitlajtlaniyaya Toteco Dios. Huan Toteco Dios quitiochijtoya Hem'an miyac pampa quimacac 14 itelpocahua huan eyi iichpocahua. 6 Nochi ni tlacame tequitiyayaj ipan ichaj TOTECO inintempa inintatahua. Inintequi elqui para huicase huan tlatzotzonase ica c'imbalos, arpas huan c'itaras. Huan Asaf, Hem'an huan Jedut'un quimacayayaj cuenta nopa tlanahuatijquetl. 7 Inijuanti huan ininteixmatcahua momachtijtoyaj cuali quejatza huicase para quihueyichihuase TOTECO. Para nochi eliyayaj 288 tlacame huan nochi cuali quiyecohuayayaj quejatza tlatzotzonaj. 8 Huan ica rifa quisencajque quema tequitisqu'ia sesen grupo tlen nopa huicani. Huan quema quintocaro ma huicaca huan ma tlatzotzonaca, ax quichihuilijque cuenta quesqui xihuitl quipixqui se tlacatl. Yonque huehuentzi o telpocatl, huan yonque tlamachtijquetl tlen huicatl huan tlatzotzonalistli o san momachtijquetl, sesen grupo quiseli itequi ipampa nopa rifa. 9 Quema mahuiltijque iixpa TOTECO, quimatque tlaque tlayacanquetl huan igrupo achtohui tequitise huan ajqueya quitoquilis. Huan sesen tlayacanquetl quinyacanqui itelpocahua huan iteixmatcahua huan san sejco mochijque se grupo tlen 12 tlacame. Huan queja ni yajtiyajqui inintoca nopa tlayacanani tlen sesen grupo ipan nopa lista para quejatza tlatequipanojtiyase. Achtohui tequitis Jos'e tlen hualajqui ipan ifamilia Asaf ica igrupo. Teipa tequitis Gedal'ias ica igrupo. 10 Teipa Zacur. 11 Teipa Izri. 12 Teipa Netan'ias. 13 Teipa Buqu'ias. 14 Teipa Jesarela. 15 Teipa Jesah'ias. 16 Teipa Matan'ias. 17 Teipa Simei. 18 Teipa Azareel. 19 Teipa Hasab'ias. 20 Teipa Subael. 21 Teipa Matat'ias. 22 Teipa Jeremot. 23 Teipa Hanan'ias. 24 Teipa Josbecasa. 25 Teipa Hanani. 26 Teipa Maloti. 27 Teipa Eliata. 28 Teipa Hotir. 29 Teipa Gidalti. 30 Teipa Mahaziot. 31 Huan teipa Romanti Ezer.
