1 Chronicles 2

1Huejcajquiya Israel quinpixqui iconehua tlen inintoca eliyayaj: Rub'en, Sime'on, Lev'i, Jud'a, Isacar, Zabul'on, 2Dan, Jos'e, Benjam'in, Neftal'i, Gad huan Aser. 3Huan Jud'a mosihuajti ica Bets'ua tlen elqui iichpoca S'ua tlen tlali Cana'an. Huan Jud'a huan Bets'ua quinpixque inintelpocahua tlen inintoca eliyayaj: Er, On'an huan Sela. Pero Er, tlen achtohui ejquetl, quichijqui tlen fiero iixpa Toteco huan yeca TOTECO quimicti. 4Huan miyac xihuitl teipa Tamar, isihua cahual Er, quiconemacac iyextat, Jud'a. Huan quintlacatilti cuateme tlen inintoca eliyayaj Fares huan Zera. Huajca para nochi, Jud'a quinpixqui macuilti iconehua. 5Huan Fares quinpixqui iconehua tlen inintoca eliyayaj Hezr'on huan Hamul. 6Huan Zera quinpixqui macuilti iconehua tlen inintoca eliyayaj: Zimri, Et'an, Hem'an, Calcol huan Dara. 7Zera quipixqui se iixhui itoca Carmi. Huan Carmi quipixqui icone tlen quitocajtiyayaj Ac'an tlen quichijqui ma huala tlatzacuiltilistli ipan nochi israelitame pampa moaxcati tlamantli tlen Toteco tlanahuatijtoya ma quitlamixolehuaca. 8Et'an quipixqui icone tlen itoca eliyaya Azar'ias. 9Huan Hezr'on quinpixqui iconehua tlen inintoca eliyayaj Jerameel, Ram huan Quelubai. 10Huan Ram quipixqui icone tlen itoca Aminadab. Huan Aminadab quipixqui icone tlen itoca Naas'on tlen elqui inintlayacanca nochi iixhuihua Jud'a. 11Huan Naas'on quipixqui se icone tlen itoca Salm'on. Huan Salm'on quipixqui se icone tlen itoca Booz. 12Huan Booz quipixqui icone tlen itoca Obed. Huan Obed quipixqui se icone itoca Isa'i. 13Huan Isa'i quipixqui iachtohui telpoca tlen itoca eliyaya Eliab. Huan teipa tlacajtiyajque iconehua tlen inintoca Abinadab, Simea, 14Natanael, Radai, 15Ozem huan teipa David. 16Huan tlen san se isihua, Isa'i nojquiya quinpixqui ome iichpocahua tlen inintoca eliyayaj Sarvia huan Abigail. Huan nopa ichpocatl, Sarvia, quinpixqui eyi iconehua tlen inintoca eliyayaj: Abisai, Joab huan Asael. 17Huan Abigail mocuili Jeter tlen elqui se iixhui Ismael huan quipixque se inintelpoca tlen itoca eliyaya Amasa. 18Huan Caleb quinpixqui ome isihuajhua; se itoca Azuba huan nopa seyoc itoca Jeriot. Huan Caleb ihuaya Azuba quinpixque inintelpocahua tlen inintoca eliyayaj: Jeser, Sobab huan Ard'on. 19Teipa quema Azuba mijqui, Caleb mocuili Efrata para isihua. Huan Efrata quipixqui icone tlen itoca Hur. 20Huan Hur quipixqui se icone itoca Uri. Huan Uri quipixqui icone tlen itoca Bezaleel. 21Quema Hezr'on quipiyayaya 60 xihuitl, mocuili iichpoca se tlacatl itoca Maquir, huan quipixqui se icone itoca Segub. Nopa tlacatl Maquir nojquiya quipixqui se icone itoca Galaad. 22Segub quipixqui se icone itoca Jair tlen quinnahuati 23 altepetini ipan tlali Galaad. 23Pero Gesur huan Aram moaxcatijque nochi ialtepehua Jair. Huan nojquiya, moaxcatijque nopa altepetl Kenat ihuaya 60 ipilaltepehua tlen quiyahualojtoyaj. Nochi ya ni elque iconehua Maquir tlen itata Galaad. 24Quema Hezr'on, itata Caleb, ya mijqui ipan altepetl Caleb ipan tlali Efrata, isihua Hezr'on tlen quitocajtiyayaj Ab'ias quitlacatilti se oquichpil tlen itoca Asur. Huan quema motlacachijqui Asur quipixqui se icone tlen itoca Tecoa. 25Jerameel iachtohui cone Hezr'on quinpixqui iconehua tlen inintoca eliyayaj: Ram iachtohui ejca, teipa Buna, Or'en, Ozem huan Ah'ias. 26Nojquiya Jerameel quipixqui seyoc isihua tlen itoca Atara, huan Atara quipixqui icone tlen itoca Onam. 27Ram icone Hezr'on quinpixqui iconehua tlen inintoca eliyayaj: Maaz, Jam'in huan Equer. 28Onam, iixhui Hezr'on, quinpixqui iconehua tlen inintoca eliyayaj Samai huan Jada. Huan Samai quinpixqui iconehua tlen inintoca eliyayaj Nadab huan Abisur. 29Abisur huan isihua Abihail quinpixque ininconehua tlen inintoca eliyayaj Ahb'an huan Molid. 30Nadab quinpixqui iconehua tlen inintoca eliyayaj Seled huan Apaim. Seled mijqui, niyon ax quinpixqui iconehua. 31Huan Apaim quipixqui se icone tlen itoca Isi. Huan Isi quipixqui icone tlen itoca Ses'an. Huan Ses'an quipixqui se icone tlen itoca Ahlai. 32Jada, iicni Samai, quinpixqui ome iconehua tlen inintoca eliyayaj Jeter huan Jonat'an. Huan Jeter mijqui, niyon ax quinpixqui iconehua. 33Pero Jonat'an, quena, quinpixqui ome iconehua. Se itoca Pelet huan nopa seyoc itoca Zaza. Ya ni elque iconehua Jerameel. 34Ses'an ax quinpixqui telpocame, san quinpixqui ichpocame. Nojquiya quipixqui se itelpoca tlatequipanojca tlen itoca Jarha tlen ejqui tlali Egipto. 35Huan Ses'an quimacac se iichpoca para ma eli isihua Jarha huan inijuanti quipixque se inincone tlen itoca Atai. 36Huan Atai quipixqui se icone tlen itoca Nat'an. Huan Nat'an quipixqui se icone tlen itoca Zabad. 37Huan Zabad quipixqui icone tlen itoca Eflal. Huan Eflal quipixqui icone tlen itoca Obed. 38Huan Obed quipixqui se icone tlen itoca Jeh'u. Huan Jeh'u quipixqui se icone tlen itoca Azar'ias. 39Huan Azar'ias quipixqui icone tlen itoca Heles. Huan Heles quipixqui icone tlen itoca Elasa. 40Huan Elasa quipixqui icone tlen itoca Sismai. Huan Sismai quipixqui icone tlen itoca Salum. 41Huan Salum quipixqui icone tlen itoca Jecam'ias. Huan Jecam'ias quipixqui icone tlen itoca Elisama. 42Caleb, iicni Jerameel, quipixqui icone tlen itoca eliyaya Mesa tlen achtohui ejquetl huan quipixqui seyoc icone tlen itoca eliyaya Maresa tlen teipa ejquetl. Huan Mesa teipa elqui itata Hebr'on. 43Huan Hebr'on quinpixqui iconehua tlen inintoca eliyayaj: Cor'e, Tap'ua, Requem huan Sema. 44Sema quipixqui icone tlen itoca Raham. Huan Raham quipixqui se icone tlen itoca Jorcoam. Huan Requem quipixqui icone tlen itoca Samai. 45Huan Samai quipixqui se icone tlen itoca Ma'on. Huan Ma'on quipixqui icone tlen itoca Bet Sur. 46Huan Efa, isihua tlatequipanojca Caleb, quinpixqui iconehua tlen inintoca eliyayaj Har'an, Mosa huan Gazez. Huan Har'an quipixqui icone tlen nojquiya itoca Gazez. 47Huan Jahdai quinpixqui iconehua tlen inintoca eliyayaj: Regem, Jotam, Gesam, Pelet, Efa huan Saaf. 48Huan Caleb quipixqui seyoc isihua tlatequipanojca tlen itoca Maaca, huan yajaya quinpixqui iconehua tlen inintoca eliyayaj Seber, Tirhana, 49Saaf, tlen elqui itata Madmana, Seva, tlen elqui inintata Macbena huan Gibea. Huan Caleb nojquiya quipixqui se iichpoca tlen itoca Acsa. 50Inijuanti elque iixhuihua Caleb. Hur eliyaya iachtohui ejca Caleb ihuaya isihua Efrata. Huan Hur quinpixqui iconehua tlen inintoca eliyayaj Sobal, tlen teipa elqui itata Quiriat Jearim; 51Salma, tlen teipa quinpixqui iconehua tlen inintoca eliyayaj Bel'en huan Haref tlen teipa quipixqui icone itoca Bet Gader. 52Sobal, tlen elqui itata Quiriat Jearim, nojquiya quipixqui icone tlen itoca Haroe. Huan iixhuihua Sobal elque nopa tlacame tlen quintocajt'iaj manahetitame. 53Huan nopa familias tlen hualajque tlen Quiriat Jearim elqui nopa itritame, futitame, sumatitame huan nopa misraitame. Huan tlen ni familias teipa hualajque nopa tlacame zoraitame huan estaolitame. 54Salma quipixqui iteipa ixhui tlen itoca eliyaya Bel'en. Huan tlen Salma hualajque nopa tlacame netofatitame, Atrot Bet Joab, huan ne seyoc tlajco nopa manahetitame huan nopa zoraitame. 55Huan ipan iixhuihua nojquiya itztoyaj nopa tlajcuilohuani tlen itztoyaj ipan altepetl Jabes, nopa tlacame tirateos, simeateos huan sucateos. Nochi ya ni eliyayaj nopa ceneos tlen hualajque tlen Hamat itata nopa familia tlen itoca Recab.

will be added

X\