1 Chronicles 11

1Huajca nochi israelitame mosentilijque ipan altepetl Hebr'on campa itztoya David para quicamahuise. Huan quiilhuijque: "Tojuanti timoteixmatcahua. 2Yonque Sa'ul eliyaya tlanahuatijquetl, elqui ta tlen tiquinyacanayaya isoldados para tlatlanise ipan tlatehuijcayotl. Huan TOTECO Dios tlen itztoc moTeco ya mitzilhuijtoc para ta tielis totlamocuitlahuijca tiisraelitame huan ta tielis totlanahuatijca." 3Huan ajsicoj campa David itztoya ipan altepetl Hebr'on nochi nopa huehue tlacame tlen quihuicayayaj tequitl ipan tlali Israel. Huan iixpa TOTECO, David quichijqui se tlajtoli ininhuaya. Huan quitequilijque aceite ipan itzonteco David para quitequimacase ma eli inintlanahuatijca israelitame. Huan nochi mochijqui san queja TOTECO quiilhuijtoya Samuel. 4Teipa David huan nochi nopa israelitame yajque ipan altepetl Jerusal'en tlen quitocajtiyayaj Jeb'us pampa ipan nopa tonali itztoyaj nopona tlacame tlen inintoca eliyayaj jebuseos. 5Huan nopa jebuseos quiilhuijque David para ax hueli calaquis nopona. Huajca David pejqui quintehu'ia huan moaxcati nopa cali tlen m'as cuali tlasencahuali ipan nopa barrio tlen itoca Sion tlen ama quitocajt'iaj Ialtepe David. 6Huan David quinilhui isoldados: "Catl'ia hueli tlen imojuanti tlen tlayacanas ipan nopa tlatehuijcayotl ica nopa jebuseos, nijchihuas ma eli tlayacanquetl tlen nochi nosoldados." Huan Joab, icone Sarvia, tlayacantiyajqui ipan tlatehuijcayotl huan David quitequitlali ma quinyacana isoldados. 7Huan David mocajqui para itztos ipan nopa cali tlen m'as tetic huan m'as temachtli huan yeca quitocajtiyayaj nopa barrio Ialtepe David. 8Huan David quichijchijqui para nopa altepetl ma quiyahualo nopa cali tlen temachtli. Quipehualti campa itoca Milo huan quicualtlali hasta campa nopa tepamitl. Huan Joab quicualtlaliyaya nochi sequinoc lugares ipan altepetl Jerusal'en. 9Huan pampa TOTECO Tlen Quinyacana Ielhuicac Ejcahua Ma Tlatlanitij itztoya ica David, yajaya mochijqui m'as chicahuac ipan itequi queja tlanahuatijquetl huan mochijqui m'as hueyi iniixpa tlacame pampa nochi quitlepanitayayaj. 10Huan nica eltoc inintoca nopa soldados tlen tlahuel motemacayayaj ipan tlatehuijcayotl. Elque inijuanti tlen quinyolchicajque nopa tlayacanca israelitame ma quitlalise David queja inintlanahuatijca senquistoc queja TOTECO quinnahuatijtoya. 11Nopa achtohui soldado tlen tlahuel motemacac ipan tlatehuijcayotl elqui Jasobeam, icone Hacmoni. Yajaya eliyaya inintlayacanca nopa Eyi tlen m'as motemacayayaj tlen nochi sequinoc. Se tonali Jasobeam quinmicti 300 tlacame ica icuatlami tlen huehueyac. 12Nopa ompaca soldado tlen nopa Eyi tlen tlahuel motemacayayaj eliyayaj Eleazar tlen icone Dodo huan iixhui Ahoh. 13Quema David quintehuiyaya nopa filisteos ipan tlali Pasdamim, Eleazar itztoya nopona ihuaya. Nopa tlatehuijcayotl elqui ipan se cebada mili huan nopa israelita soldados cholojtejque iniixpa nopa filisteos. 14Pero Eleazar huan David tlatehuijque chicahuac ipan nopa cebada mili huan quintlanque nopa filisteos pampa TOTECO quinpalehui huan quinchijqui ma tlatlanica. 15Se tonali quema Tlanahuatijquetl David motlatijtoya ipan nopa mijca ostotl ipan tlali Adulam huan ajsicoj nopa Eyi soldados. Nopa Eyi tlen motemacayayaj itztoyaj ipan nopa 30 soldados tlen tlahuel motemacayayaj. Huan nopa Eyi yajque quinamiquitij David campa nopa hueyi tetl huan nochi nopa filisteo soldados mochijtoyaj nechca ipan nopa tlamayamitl ipan tlali Refaim. 16Huan ipan nopa tonali David itztoya ipan nopa lugar tlen temachtli quema nopa filisteos ya moaxcatijtoyaj altepetl Bel'en. 17Huajca David tlahuel amiquiyaya huan ax moilhui tlen quiijtohuayaya. San quiijto: "Nel'ia cuali elisqu'ia se quentzi atl tlen huala ipan nopa pila campa ipuertajyo altepetl Bel'en." 18Huajca nimantzi nopa Eyi soldados tlen tlahuel motemacaj quisque huan ixtacatzi panotiyajque campa nopa filisteo soldados huan quiquixtijque atl ipan nopa pila tlen eltoc campa ipuertajyo altepetl Bel'en huan quihualiquilijque David. Pero nel'ia moyolcoco ica tlen quiijtojtoya huan ax quinejqui quiis nopa atl. San quitoyajqui tlalchi para ma eli queja se tlacajcahualistli para TOTECO. 19Huan yajaya quiijto: "Toteco Dios, moixpa nitlatestigojquetza para ax niquis ni atl. ┬┐Quejatza niquisqu'ia ni atl tlen tlahuel ipati? Hueltosqu'iaj quitoyajtosqu'iaj inieso ni tlacame para quicuitoj. Elisqu'ia queja san nicahuilmati ininyolis ni tlacame huan hueltosqu'iaj quinmictijtosqu'iaj. Yeca ax quinamiqui para niquis." Huan nel'ia ax quiic. Queja nopa quichijque nopa Eyi soldados tlen tlahuel motemacaj. 20Abisai, iicni Joab, elqui inintlayacanca nopa 30 soldados tlen motemacaj. Se tonali yajaya quinmicti 300 tlacame ica icuatlami tlen huehueyac huan mochijqui tlen nel'ia hueyi huan nochi quitlepanitayayaj queja quintlepanitaj nopa Eyi. 21Huajca nochi tlacame m'as quitlepanitayayaj Abisai que nopa 30 soldados. Huan Abisai itztoya inintlayacanca nopa 30 tlen motemacayayaj, pero yajaya ax motemacayaya queja nopa Eyi tlen m'as motemacaj. 22Nojquiya itztoya Bena'ia, icone Joiada, tlen ehuayaya ipan altepetl Cabseel. Yajaya cuali quiixmatqui quejatza tlatehuis huan quichijqui miyac huejhueyi tlamantli. Se tonali quinmicti huejhueyi tlacame tlen altepetl Moab tlen itztoyaj queja tecuanime. Seyoc tonali quema tlasehuetziyaya, Bena'ia motlalojtiyajqui huan quitoquili se tecuani tlen mahuilili hasta ipan se ostotl. Huan yonque tlaalahua campa hueli, quiajsic nopa tecuani huan quimicti. 23Seyoc huelta ica se cuahuitl imaco quimicti se Egipto ejquetl tlen quipixqui nechca ome metro huan tlajco ihuejcapanca yonque nopa Egipto ejquetl quihualicayaya se cuatlamintli tlen huehueyac huan tlahuel patlahuac, huan Bena'ia san quihuicayaya se cuatopili. Quinechcahui campa nopa Egipto ejquetl huan quicuili nopa hueyi cuatlamintli tlen huehueyac tlen quihuicayaya imaco huan ica quimicti. 24Queja ni elqui nopa tlamantli tlen quichijqui Bena'ia para nochi quiixmatise queja nojquiya quinixmatque nopa Eyi tlen tlahuel motemacayayaj. 25Yeca Bena'ia quiseliyaya m'as tlatlepanitacayotl tlen nopa 30 soldados, pero ax eliyaya queja nopa Eyi tlen tlahuel motemacayayaj. Huan David quitlapejpeni Bena'ia ma eli itemach o itlamocuitlahuijca. 26Nica eltoc inintoca nopa sequinoc tlatehuiani tlen eliyayaj isoldados David: Asael, iicni Joab; Elhanan, icone Dodo, tlen ehuayaya altepetl Bel'en; 27Samot tlen ehuayaya tlali Harod; Heles tlen hualayaya altepetl Pel'on; 28Ira, icone Iques, tlen huala altepetl Tecoa; Abiezer tlen ehuayaya altepetl Anatot; 29Sibecai tlen ehuayaya altepetl Husat; Hai tlen ehuayaya altepetl Ahoh; 30Maharai tlen ehuayaya altepetl Netofa; Heled, icone Baana, tlen ehuayaya altepetl Netofa; 31Itai, icone Ribai, tlen altepetl Gabaa ipan tlali Benjam'in; Bena'ia tlen ehuayaya altepetl Pirat'on; 32Hurai tlen ehuayaya nechca atemitl Gaas; Abiel tlen ehuayaya altepetl Arbat; 33Azmavet tlen eliyaya se Barhumita tlacatl; Eliaba tlen ehuayaya altepetl Saalbon; 34Iconehua Hasem tlen ehuayayaj altepetl Giz'on; Jonat'an, icone Sage, tlen ehuayaya altepetl Arar; 35Ah'iam, icone Sacar, tlen nojquiya ehuayaya altepetl Arar; Elifal, icone Ur; 36Hefer tlen ehuayaya altepetl Mequerat; Ah'ias tlen ehuayaya altepetl Pel'on; 37Hezro tlen ehuayaya altepetl Carmelo; Naarai, icone Ezbai; 38Joel, iicni Nat'an; Mibhar, icone Hagrai; 39Selec tlen ehuayaya altepetl Am'on; Naharai tlen ehuayaya altepetl Beerot huan quihuicac iyolixtzajca Joab tlen eliyaya icone Sarvia. 40Ira tlen ehuayaya altepetl Itra; Gareb tlen nojquiya ehuayaya altepetl Itra; 41Ur'ias tlen eliyaya se heteo tlacatl; Zabad, icone Ahlai; 42Adina, icone Siza, se iixhui Rub'en tlen quinyacanayaya 30 tlacame tlen nojquiya hualajque ipan nopa hueyi familia tlen Rub'en; 43Han'an, icone Maaca; Josafat, tlen ehuayaya altepetl Mitna; 44Uz'ias, tlen ehuayaya altepetl Astarot; Sama huan Jehiel, iconehua Hotam, tlen ehuani altepetl Aroer; 45Jediael, icone Simri; huan Joha, iicni, tlen ehuayayaj altepetl Tiza; 46Eliel tlen ehuayaya altepetl Mahavi; Jerebai huan Josav'ia, iconehua Elnaam; Itma tlen ehuayaya altepetl Moab; 47huan Eliel, Obed huan Jaasiel tlen ehuayayaj altepetl Mesoba.

will be added

X\