Romae 2

1Lewo ŋmba mu mu ŋmbrↄ gbuun na pimi ni kre, nyu wↄↄ ka n wa mu pan, imi na mu nyi kpan. Ŋgi na, mu yila kee ka na mbe mu ŋmbrↄ gbun na pimi ni, a mu sɛ kre kee kre ka pe, kena mu muyɛ gbun na pimi ni. 2Nyiɛkpↄↄ fraka na wre kre leele mblɛ gbun na pimi ni. 3Kena ŋu ŋmba mu mu ŋmbrↄ gbun pini ni kee ka na, mbe kↄↄ sɛ kre kee kre ka pe kre, mu jawa na mu shↄ Nyiɛkpↄↄ pimi kuↄn kre nu ree? 4Ndee e Nyiɛkpↄↄ lɛɛnyiŋge kpↄↄ kre, na u fooro chiɛn, na u frↄ kre le yira fiɛn ree? Nyiɛkpↄↄ lam tna na e ni, wraa chaa mbe e e jawala chinɛ mbe laa e sisam kro. 5La, e ndikana kpↄↄ mu tro. Ki tia e na kanyana kpↄↄ chaa na teeri eyɛ pan Nyiɛkpↄↄ krↄ kuↄn, na u kpra kun ble kre nu. 6Nyiɛkpↄↄ we ndro kro kepele le mbe u fↄlↄ tↄ imi na ki fna. 7Mblɛ pe peyɛ yii mu na chichie pini, mu na yɛnyiŋge, na mɛɛ, na blenyini ŋmaa chaa kre, pre Nyiɛkpↄↄ we ŋga blenyini ŋmaa kre. 8La, leele plɛ kpoŋmbooro wru mu kekpra kre je, mu taa kefuɛn kro, pre na Nyiɛkpↄↄ krↄ kuↄn kpↄↄ kre we tuu. 9Kanyana, na wejiwrɛ kpↄↄ we pan leele mblɛ pe sisaa pini kro na. Judae na kie klu mbe yire, mbe chiin da mblɛ pe n pe Judae pre na. 10La, Nyiɛkpↄↄ we mblɛ pe chichie pini kre kro ŋga yɛnyiŋge, na kpↄↄmu, na wejinyiŋge, a Judae pie yiɛ klu, mbe mblɛ pe n pe Judae pre chiin taa. 11Ŋgi na, Nyiɛkpↄↄ na leele yiɛ le mbe pe kpra kun. 12Leele mblɛ pe sisaa pe, a pe n wa Mbose mbra jaara kre we ku, la, Mbose mbra nu ma Nyiɛkpↄↄ we pe kpra kun, a mblɛ pe yire Mbose mbra na mu sisaa pe kre, Mbose mbra yire na Nyiɛkpↄↄ we yire mbe pe kpra kun. 13Kena mblɛ pe Mbose mbra yire ndru kre ma pe fraka Nyiɛkpↄↄ yiɛ, la, mblɛ pe yi kepele piin kre, pre pe fraka. 14Mblɛ pe n pe Judae kre nsra Mbose mbra yire ta, la, nyjila ka nu praa yire pre titi jawala na, na taari nyjɛ mbra yire yo na, kena pre titi kaari mbra mu peyɛ ŋga, nde kii wa na Nyiɛkpↄↄ nsra pe ŋga Mbose mbra yire. 15Pe kepele nyina na kee nyjɛ Mbose mbra yire nyina yiree wa pe lolonyi nu. Pe lɛɛ kee dansiɛrɛ lii na yɛŋgɛ yi. Ŋgi na, Nyjila ka nu pe jawala kee dansiɛrɛ lii na pe taanla, na pe kaan tamu nyjila ka nu. 16Imi ketaan ŋga ni kpali kre nyina kre, brikana Nyiɛkpↄↄ we yire Yesu Kristo na mbe leele ndrandra kee kro kpra kun. 17La, na mu muyɛ yeeri Judae ndro, mu muyɛ pe Mbose mbra chinfun, mu Nyiɛkpↄↄ wru na muyɛ kpↄↄri, 18na mu chin kee ŋga Nyiɛkpↄↄ chaa mbe mna pini, a mu twan mu yili mbra yire nu, mu chichie chin, 19a mu shↄ mu li na ŋu mu fuunlo nyina kolo, mu pe kania mu mblɛ pee wa wↄmu nu ŋga, 20mu na jijiele kna, na biile nyina, ŋgi na, mu shↄ mu li na mu kpra kee ŋga kii wa mbra yire nu kre krɛrɛ chin. 21Kena ŋu ŋmba mu pe leele nyinafun ŋga, mu muyɛ nyina ŋgaa? Ŋu ŋmba mu yo pia na juu kre, ŋu titi juu ree? 22Ŋu ŋmba mu yo na ndro waa tiɛri kre, ŋu titi tiɛri ree? A ŋu ŋmba mu sɛɛnlɛ fun kre, mu sɛɛn yirɛ juu yi nyinyi nu. 23Ŋu ŋmba mu muyɛ kpↄↄri na Nyiɛkpↄↄ mbra ni kre, mu Nyiɛkpↄↄ mbra taanla na u piin fiɛɛn ra? 24Ke ka ma, pra ki nyunↄ Nyiɛkpↄↄ hlɛ kre nu na, "Yire Judae kepele na, mblɛ pe n pe Judae paara na Nyiɛkpↄↄ mɛɛ klai." 25Na mu li Mbose mbra na kre, fɛkↄↄnrↄ pe tnu ni, la, na mu n li mbra yire na kre, kena mu fɛkↄↄnrↄ pe waara. 26Na ndro n pe Judae ndro, a pe n u fɛŋgɛ kun, na u li mbra yire na, kena Nyiɛkpↄↄ wa u shↄ na fɛkↄↄn wi ra? 27Kena mblɛ pe n pe Judae, a pe n pe fɛnyi knumu, a pe li mbra yire na kre, pie Judae mblɛ pra mbra yire nyunↄ mu ŋga, mna pe fɛnyi kunumu kre gbun na pimi ni. Ŋgi na? Pe mbra yire taan. 28Kena ŋmba pe chin Judae wo, ndee ŋmba fɛŋgɛ pe kun wre ma pe yeeri Judae wo. 29Judae wo titi wi ŋmba u uyɛ pe Judae ndro u lam, a fɛkↄↄn titi wi ŋmba u yire Nyiɛkpↄↄ ŋumu na mu u fɛŋgɛ kun loloŋgo nu. Wrefun wre, wa mɛɛ ta lewo pan, Nyiɛkpↄↄ pan we mɛɛ ta.

will be added

X\