Wↄnnyinakee 7

1Kee nyjɛ kↄkro kre, ndaa nyjeeri bitumblↄ jijirɛ nya, na pe yire yire tra nyu kokoo jijirɛ yire kro na, mu fuflɛ jijirɛ nyjɛ yi gbuun na tro tra na kre tↄ kolo, mbe fuflɛ wa jaa gbun mbe tro tra, ndee epo yiɛ na, ndee mbe gbuun tro tinyi nu. 2A ndaa ndru mna nyjeeri bituŋu wa nya na u yiri yila finhaa na paan, a yira ŋga ni Nyiɛkpↄↄ yirɛ tnↄ wa u kɛɛ. A wra mana kpↄↄ tɛɛ mu nyjeeri bitumblↄ jijirɛ mblɛ Nyiɛkpↄↄ ŋga jaŋga na pe tra, na epo kla kre yeeri, 3na yuu pe pan mbo, "Yaa shia tra, ndee epo, ndee tinyi yire ka kla, fↄna o Nyiɛkpↄↄ sumifɛɛnlɛ pre tnↄ nduweele na mu kↄ." 4Pra ni nyina leele mblɛ nduweele na Nyiɛkpↄↄ tnↄmu na nyi kre nyu, na pee kagbeŋ lafaa na fuloeshiin na jijirɛ, a pe kro na yiri Israel sele kɛmbↄshiin yire nu. 5Leele pre kagbeŋ kɛmbↄshiin na yiri Juda sele nu, a kagbeŋ kɛmbↄshiin na yiri Rubin sele nu, a kagbeŋ kɛmbↄshiin na yiri Gad sele nu, 6a kagbeŋ kɛmbↄshiin na yiri Ashɛ sele nu, a kagbeŋ kɛmbↄshiin na yiri Naftali sele nu, a kagbeŋ kɛmbↄshiin na yiri Manasɛ sele nu, 7a kagbeŋ kɛmbↄshiin na yiri Siimↄn sele nu, a kagbeŋ kɛmbↄshiin na yiri Levi sele nu, a kagbeŋ kɛmbↄshiin na yiri Isacha sele nu, 8a kagbeŋ kɛmbↄshiin na yiri Zebulↄn sele nu, a kagbeŋ kɛmbↄshiin na yiri Josɛf sele nu, a kagbeŋ kɛmbↄshiin na yiri Benjamin sele nu. 9Nyjɛ kↄkro kre, ndaa leele tataara plɛ nya, imi na pra nɛɛ mu da kre, ndro wa jaa pe tↄↄnri, waŋgra waŋgra leele, sele kro leele, yolo kro leele, na tra kro leele, na pe kro pan mu fni ŋujↄↄn kre na Mbↄↄpↄ wre yiɛ. A pe kro dodonyi titnↄnyi finyi le le, mu shuɛ tinyi klɛ yii kɛɛ. 10A pe kro na mana kpↄↄ tɛɛ na yuu mbo, "O ŋmaashↄmu kre, Nyiɛkpↄↄ ŋmba uu wa mu tni ŋujↄↄn kre na kre, na Mbↄↄpↄ wre pan ki yiri." 11A nyjeeri bitumblↄ pre na yire mu ŋujↄↄn kre na, loplombo pre, na yurɛ jijirɛ pre kro kun mu le lalaa, na kosie kani ŋujↄↄn kre yiɛ, na Nyiɛkpↄↄ sumi. 12A praa yuu mbo, "Kpra yi! Dwamu na yɛnyiŋge, na kachindɛ, na mboo, na mɛɛ, na jaŋga, na kpↄↄmu yi o Nyiɛkpↄↄ wo nyjila kro nu. Amin!" 13Bawa loplombo pre nunu na kna mu ni wie mbo, "A leele mblɛ pe dodonyi finyi nyjɛ le le ŋga, mblɛ lɛ hin? A sena pe yiri hin?" 14A ndaa kna mna yo u pan na, "Ni n chin, ni Tafun. Ŋu, mu pe chin." A wra kna mna yo ni pan mbo, "Leele mblɛ pe yili kanyana kpↄↄ kre nu mu pan kre lɛ. Pre pe pe dodonyi je Mbↄↄpↄ wre nyimi ni, a yi fniŋge prupru kre. 15Kre ki tia pe ja mu yire Nyiɛkpↄↄ ŋujↄↄn kre yiɛ, na u sumi lafo na blee u sumi ndoo kre nu. A ŋmba uu wa mu tni ŋujↄↄn kre na kre we pe le mbe yaka waa pe ta fio. 16Klo waa pe ta na fio, a gbↄↄ waa pe ta na, a yila ndee tra wrɛm wa pe sro na. 17Ŋgi na? Mbↄↄpↄ wre uu wa ŋujↄↄn kre jaara tata kre, we pe pe lefun, mbe sɛ na pe ni ŋmaa nyumu lawee, a Nyiɛkpↄↄ wre titi we pe kro yotunyi tlu pe nyiɛlɛ."

will be added

X\