Wↄnnyinakee 6

1Bawa ndaa nya na Mbↄↄpↄ wre hlɛ kre nyu yii yirɛ kↄↄnashin yire, ŋga ki yiɛ klu kre kun, a ndaa loo na yurɛ jijirɛ pre wa paara, a kra tin na nyiɛ twanraa yi mbo, "Pan!" 2Ŋga ni yo mbe le kre, na soo fiun prupru waa ŋmba. A u nduufun wre bɛŋɛ na sinimi yii kɛɛ, a pra u le swa nyjɛ juulee, a wra yili na ŋunↄshↄfun wi, mu sɛ ŋunↄ shↄ. 3A Mbↄↄpↄ wre na ndru mu hlɛ kre nyu yii yirɛ yire shiin wo kun, a ndaa lo na yurɛ jijirɛ pre shiin wo paara mbo, "Pan!" 4A soo shiin wo na ye mu yili, na wre nyina piipii. A pra u nduufun wre ŋga jaŋga na u pan na ŋunↄ ni tra mbe leele na peyɛ kuu. A pra u ŋga brↄfiɛn yiɛshiin badaaŋga ka. 5A Mbↄↄpↄ wre na ndru mu hlɛ kre nyu yii yirɛ yire taarɛ wo yii mu kun, a ndaa loo na yurɛ jijirɛ pre taarɛ wo paara mbo, "Pan!" A ndaa nya na sowↄↄ kprikpri waa wa mu yili, a pɛlɛ ŋga ni pe yirɛ kraa wa u nduufun wre kɛɛ. 6A ndaa yira ka tiŋge loo na leele maalɛɛ yi, a kraa tini yurɛ jijirɛ pre lalaa na yuu mbo, "Lewo we u ble nunu fↄtↄↄrↄ wru, mbe sɛ bleju lakaja nunu chom lↄ, ndee mbe sɛ yuwa lakaja taarɛ gbi lↄ, la simi na simi gbↄ wo rɛ, pia shia yi pe yaka." 7Mbↄↄpↄ wre na ndru mu hlɛ kre nyu yii yirɛ jijirɛ wo kre yii mu kun, a ndaa loo na yurɛ pre jijirɛ wo wre yuu mbo, "Pan!" 8Ŋga mbe nya na soo waa ŋmba, wra pe haan, a u nduufun wre mɛɛ naa kumu, a ndro wa naa wa mu taa u kro, u mɛɛ naa kuulo ndoo. Na pe leele mblɛ pee wa tra yↄↄlɛ jijirɛ, mu soo nduufun wre na ŋmba u taa u kro kre ŋga jaŋga, na pe ŋunↄ, na klo, na yira, na tra yurɛ mblɛ pe nyaai tɛɛ mbe tra leele yↄm nunu gbo. 9Ŋga Mbↄↄpↄ wre na ndru mna hlɛ kre nyu yii yirɛ yire kunↄ wo kre kun kre, ndaa leele mblɛ praa Nyiɛkpↄↄ kee yuu na u dansiɛrɛ lii, a pra yila ki na mna pe gbo kre ŋumu nya sragbunu kre jaara. 10A pra mana kpↄↄ tɛɛ na yuu mbo, "O Tafun jaŋgafun, ŋu mu pe cheche, mu pe kprafun, kena leele mblɛ pee wa tra, mna o yii mu gbo kre, nyjila ŋgi nu mu pe kpra kun mbe pe ndie tini hin?" 11Leele pre ndaa nya kre, na pe pe ŋga dodonyi finyi titnↄnyi a pe le, a wra kna mna yo pe pan mbo, "E tni, e na wuui chiɛri e sɛ su na pie e ŋmbilɛ sumifɛɛnlɛ mblɛ pee wa tra na kre gbo imi na pra e gbo kre, mbe e nyu paan fni tun." 12A ndaa Mbↄↄpↄ wre nya na u hlɛ kre nyu yii yirɛ yire kↄↄnanu wo kre kun. Titɛɛ kre nu, na tra seeri poŋgo, a yila wↄ na yoŋgo wↄↄ yi, a nyiɛpↄ nyina poŋgo na nyimi yi. 13A wↄɛlɛɛ na yire nyjeeri na klↄ na tuuri tra imi na fuflɛ badaaŋga we na gbuun, mbe tinyi sɛnyi na knumu bibre mbra woni tra kre. 14A nyjeeri na fun ni yiɛ na, a pra ki kru na dɛŋglɛ yi, a nyuaɛ, na kooyↄↄsu kro naa klↄ yi titɛɛ. 15A waŋgra ŋulo, na lebiile, na sojae loplombo, na swafɛɛnlɛ, na faŋgafɛɛnlɛ, leele mblɛ mu chin ŋga kro, tinlɛ na mblɛ pe n pe tinlɛ kro, praa feni na ndra dnɛ weele, na nyuaɛ ndoolo. 16Na gble leni na nyuɛ na dnɛ yeeri mbo, "E klↄ e pan e o fɛɛri mbe ŋmba uu wa mu tni ŋujↄↄn kre na kre wa o nya, mbe o jaa shↄ Mbↄↄpↄ wre krↄ kↄↄn kre kɛɛ. 17Yaka ma ki tia, Nyiɛkpↄↄ wre, na Mbↄↄpↄ wre krↄ kun ble kre da, ŋmbi we jaa yiree ki shie hin?"

will be added

X\