Wↄnnyinakee 4

1Nyjɛ kↄkrↄ kre, ndaa nya na pe krↄ ka nyaa nyjeeri. Bawa ndaa mana kpↄↄ ka loo a kraa paara ni pan, na tini na bnↄ ŋga mana ndaa klu mu loo jle kre yi mbo, "Nduu mu pan mna mbe ni mu nyina kee nyjɛ yie pan kee nyjɛ kↄkro." 2Titɛɛ kre nu, a Kpra Ŋumu wre na ni bali mna sɛ nyjeeri. Bawa ndaa ŋujↄↄn ka nya na ndro tni ki na. 3Na ŋmba uu wa mu tni ki na kre yiɛ chiɛnri na dnɛfiŋge prupru yi, mu ndru chaa pe na grazaan yi, a jlaŋgoli pe na wrɛ nyiŋge yi mu fɛ mu ŋujↄↄn kre kun. 4Ndaa ŋujↄↄn nununu fulo na jijirɛ nya, na loplombo fulo na jijirɛɛ wa mu tni yi na, mu dodonyi finyi prupru, na swa nyiɛ juulee juule juule mu tni mu ŋujↄↄn kre wa lalaa. 5A ndaa nya na nyiɛ nyini na tini, mu na twanri, a mana ka naa yilii ŋujↄↄn kre lawee. Na kaniɛ kↄↄnashin wa mu yire ŋujↄↄn kre yiɛ na nyini. Yira yire Nyiɛkpↄↄ ŋumu kↄↄnashin pre titɛɛ. 6A ndaa yira ka nya ŋujↄↄn kre yiɛ na epo yi, a kra fniŋge prupru na chɛnri na dwanle yi. Ndaa nya na yurɛ jijirɛɛ wa mu ŋujↄↄn kre le lalaa, a nyiɛlɛ kan kan pe yiɛ na pe kro tataara. 7Yurↄ jle wo wre na pe na blɛkpↄↄ wi. A ŋmba wra taa shiin kre na pe na nuu pↄ wi. A taarɛ wo wre yiɛ na pe na Lewo yiɛ yi. A jijirɛ wo wre na pe na nyuu wi. 8A yurɛ jijirɛ pre kro naa kuɛn kↄↄnanu ni, a nyiɛlɛ kan kan pe wejinyi na, lam na fimi na kro. Praa nyu tↄ. Mɛɛ pe koni lafo na ble mbo, "Cheche! Cheche! O Tafun Nyiɛkpↄↄ jaŋgafun wre, u pe cheche. Wre wraa wa fa, mu wa tɛ, mu wa na paan mbakↄ." 9Kena na yurɛ jijirɛ pre mɛɛ kↄ mu ŋmba uu wa mu tni ŋujↄↄn kre na kre ŋga yɛnyiŋge, na kpↄↄmu na mboo kre, 10mbe loplombo fulo na jijirɛ pre na kosie kani ŋmba uu wa mu tni ŋujↄↄn kre na, a uu wa nyjila kro nu kre yiɛ, mbra u sumi, mbra pe juulee yire laari mbra waa tra u yiɛ, mbra mɛɛ koni mbo, 11"O Tafun na o Nyiɛkpↄↄ, ŋu mu fna o ŋga yɛnyiŋge na kpↄↄmu na jaŋga. Ŋgi na? Ŋu mu yirɛ kro kro gbeele, a mu chaara na yi kroo wa."

will be added

X\