Wↄnnyinakee 17

1A bitumblↄ kↄↄnashin pre pra kotie kↄↄnashin yire yii kre nunu na ni yeeri mbo, "Pan mbe ni mu nyina imi sembremu Nyiɛkpↄↄ we tɛtiɛrↄↄ kpↄↄ wre uu wa mu tni lↄɛ na kre ndie tini mbe da. 2Ŋulo mblɛ pee wa tra na kro tiɛri na tɛtiɛrↄↄ kpↄↄ wre ni, a leele mblɛ pee wa tra kro u sisam simi kre ka gbↄ mu to." 3Bawa nyjeeri bituŋu wre na ni ŋumu bali mna sɛ fimi lawee yire nu. Bawa ndaa chlↄ wa nya na uu wa mu tni yurↄ nyiɛ wa na. Na jiɛnlɛ mɛɛ bribri pe nyunↄ u na poŋgo. Na u ndrɛɛ kↄↄnashin, a u nyamblɛ kɛ. 4Chlↄ wre na yoŋgo nyiɛ faa, na nyiɛ piipii paari, mna swa nyiɛ yirɛ, na dnɛ chaara chaara nyjɛ yiraa chiɛnri tɛɛ mna uyɛ san. Mna swa nyiɛ gbↄyira ka yii kɛɛ. Afunyi kee na u tiɛrɛɛ kee bribri yira ki nyi. 5Pra ndrandra mɛɛ ka nyunↄ chlↄ wre nduwe na mbo, "Babilↄn kpↄↄ kre, tiɛrifɛɛnlɛ na tra afunyi kee lo." 6Ndaa chlↄ wre nya na u Nyiɛkpↄↄ leele pre, mblɛ praa Yesu dansiɛrɛ lii kre gbo mna pe nyimi gbↄ mu to. Ŋga ndaa u nya ma kre, kra ni pe kawako ni. 7A nyjeeri bituŋu wre na kna mu ni wie mbo, "Ŋgi ki tia kee ŋga mu pe kawako ni ŋga hin? Mbe mu nyina chlↄ wre na yurↄ ŋmba na u tni a u ndrɛ kↄↄnashin a u nyamblɛɛ kɛ kre ndrandra kee. 8Yurↄ ŋmba mna nya kre naa wa na le fa, la, u n wa fuŋgaami, a kia mu kuraa, we yili wee ŋga ki n nyukↄↄrↄ ni kre nu mbe pan, mbe pe sɛ na u ni u kla ndoo. A leele mblɛ pee wa tra na, a pe n pe mɛɛ nyunↄ ŋmaa hlɛ kre nu mu yire waŋgra gbeele nyjila kre, na pe waa yurↄ wre nya, kie pe pe kawako ni, ŋgi na, yurↄ wre naa le fa, la, u n wa fuŋgaami na, nde uu wa mbe kↄↄ pan na. 9Kena e yire kee nyjɛ le chichie, e yi nↄↄ loo. Yurↄ wre ndrɛ kↄↄnashin yire, yii wa mu yire mu nyuɛ kↄↄnashin nyjɛ na chlↄ wre jiin ŋga. A yii wa mu yire wa mu ŋulo kↄↄnashin ŋga na. 10A ŋulo kↄↄnashin pre, pe knↄ ŋunumu lie to, a pe nunuu wa na u ŋunumu lii tɛ, a haŋu wre n ta mu pan tun, a na wre waa pan wa mu. 11Wre yurↄ ŋmba wraa wa fa, a u n wa na kre, wre wi kↄↄnataarɛ wo, la, ŋulo kↄↄnashin pre nu u yili, a pie sɛ na u ni u kla ndoo. 12A nyamblɛ kɛ yire mna nya kre, ŋulo kɛ lɛ, la, pre n ta mu yiri tun. La, pie pre na yurↄ wre ŋga jaŋga mbe pe ŋunumu li nyjila chiɛri. 13Pre ŋulo kɛ mblɛ jawalaa nunu, a pie pe faŋga, na pe jaŋga kro wru mbe yurↄ wre ŋga. 14Pre na Mbↄↄpↄ wre we ŋunↄ wi, la, Mbↄↄpↄ wre we pe ja. Ŋgi na, wre wi Tafɛɛnlɛ kro Tafun, na ŋulo kro ŋunu. A mblɛ u yeeri mu pe wↄ, a pe pe u shↄnlifɛɛnlɛ kre we tni u jaara. " 15A nyjeeri bituŋu wre na kna mu yo ni pan mbo, "Lↄɛ nyjɛ mna nya a chlↄ tɛtiɛrↄↄ wre naa wa mu tni yi na kre, waŋgra na sele na yolo kro leele lɛ. 16A nyamblɛ kɛ yire mna nya, na yurↄ wre ni kre, pie chlↄ tɛtiɛrↄↄ wre le nyibie, mbe yirɛ nyjɛ yii wa u pan kro shↄ mbe u ti wejiwaara. Pie u kaara ka, mbe u sro na kanhun ni. 17Ŋgi na nyiɛkpↄↄ u pre ŋulo kɛ pre ŋga kre jawala kre, mbe pe kre jawala nunu kre ta, mbe pe jaŋga kro wru mbe yurↄ wre ŋga, mbe hɛ su nyjila ŋga nu nyjɛ Nyiɛkpↄↄ yo mu tɛɛ yire kro we pe. 18A chlↄ wre mna nya kre, wre wi chia kpↄↄ ŋga ŋunumulie ki waŋgra ŋga ŋulo kro juule kre."

will be added

X\