Wↄnnyinakee 11

1A pra kaan ŋga ni pe yirɛ kra le ni kɛɛ, mna kna mu yo ni pan mbo, "Yiri mu Nyiɛkpↄↄ suminyuŋgo kre, na sragbuɛnlɛɛ yire kra, mu mblɛ pe sumi ki nu kre kro tↄↄnri. 2La, maa shia sumi nyuŋgo kre fimi lawee kre kra, bawa kre ti. Bawa pe waŋgrafɛɛnlɛ mblɛ pe n Nyiɛkpↄↄ chin kre ŋga mbe pe kre na chia cheche kre taanla nyiɛpↄ fuloe shiin na shiin. 3Mbe ni bitumblↄ shiin tun, mbe pe kumu yonyi tↄ mbe paan Nyiɛkpↄↄ kee yo ble kagbeŋge na lafɛɛshiin na fuloe taarɛ yire nu." 4Bitumblↄ shiin pre lɛ Olive tinyi shiin yire, na kaniɛ taa yirɛ shiin nyjɛ yi yire waŋgra kro Tafun wre yiɛ kre. 5Ŋmba we na chaa mbe pe kla kre, kanhun we yili pe nyuu mbe paan pe loŋgoolo pre suro. A na ndro chaa mbe pe fiŋge kolo ka na kre, pan kanhun we u sro mbe gbo. 6Jaŋgaa wa pre leele mblɛ pan mbe pe jaa nyjeeri tↄ mbe nyiɛ wa pan ble nyjɛ nu pie Nyiɛkpↄↄ kee kre kpali yire nu. A jaŋgaa wa pe pan mbe pe jaa nyumu kaari nyimi, mbe jaa ti kanyana ŋga nyini pe chaa kpan pan tra. 7Na pe waa pe kee kre kpali mu kↄ kre, yurↄ ŋmba uu wee ŋga ki n nyukↄↄrↄ ni kre nu kre we yili mbe paan wi na pe ni. We pe ja mbe pe gbo, 8a pe gboolo we kro chia kpↄↄ ŋga mɛɛ pe tɛɛ Sodom, na Egypt kre lete na, mna pra pe Tafun wre kan kanyana kumu kaan na kre. 9Leele mblɛ pe yiri waŋgrɛ nu, na yolo nyini nyini leele, na sele sele leele we na pe kaara yire le lete na wa, ble nunu taarɛ na yↄↄ pia kolo ŋga mbe pe pe wru mbe sɛ le. 10Waŋgra leele kro yiɛ we shↄ pre leele shiin mblɛ kumu na. Pie pe kumu kre ble li na yɛshↄↄrↄ ni, mbra pe yɛ kee yirɛ ki ble kre. Ŋgi na, pre Nyiɛkpↄↄ kee nyanyofɛɛnlɛ shiin pre tia waŋgra leele kala nya tataara. 11Ble taarɛ na yↄↄ kↄkro kre, Nyiɛkpↄↄ ŋmaa ŋumu na pan mu le pe nu a pra nyi, fiɛrɛ na leele mblɛ pra pe nya kre kro yii. 12Bawa Nyiɛkpↄↄ kee nyanyofɛɛnlɛ shiin pre na mana ka loo na ki yiri nyjeeri na yuu pe pan mbo, "E pan mna!" Pe loŋgoolo pre tataara na yire na pe le, a pra yiri, mna le tloe nu mu sɛ nyjeeri. 13Titɛɛ kre nu wa to, a tra na seeri badaaŋga, na mu chia kre yↄ kɛ, ki nunu na juari, a leele kagbeŋ kↄↄnashin na ku. Fiɛrɛ na leele hamblɛ pre yii, a pra na Nyiɛkpↄↄ kaan mɛɛ. 14Kanyana shiinwo tro, la, e le, kanyana taarɛ wo paan. 15Bituŋu kↄↄnashin wo wre na u bnↄ kre fↄ, a ndaa maalɛɛ badɛnyi yɛ loo nyjeeri mbo, "O Tafun wre na u Kristo wre, pre wo yi waŋgra ŋunumu lie kro faŋga, a we ki ŋunumu li nyjila kro nu." 16A loplombo fulo na jijirɛ mblɛ praa wa mu tni pe ŋujↄɛn na Nyiɛkpↄↄ yiɛ wa kre, na yiɛ juule tra mna Nyiɛkpↄↄ sumi mbo, 17"O Tafun Nyiɛkpↄↄ Jaŋgafun, ŋu muu wa, a mnaa wa fa, o mu kaan mboo, na mu mu jaŋga kpↄↄ tɛɛ na ŋunumu lii. Waŋgra leele krↄ na kun na mu ni, a fuŋga mu krↄ kun nyjila da, mbe mu paan gboolo kpra kun, mbe paan mu tinlɛ mblɛ pe pe mu kee nyanyofɛɛnlɛ, na mu chinfɛɛnlɛ na mblɛ pe mu mɛɛ kre fiɛ kre pe fiɛn fiɛn na pe lekpↄɛ kro ŋga fↄtↄↄrↄ chichie. A mblɛ pe tra kre kla kre, mbe mu paan pe kla na." 19Ndaa nya na Nyiɛkpↄↄ suminyuŋgo kre nyu nyaa nyjeeri, a ndaa u nyu nunu pee daka kre nya ki lam. A nyiɛ naa nyini na twanri, na tini, a tra na seeri, a nyiɛ subie naa woni tataara.

will be added

X\