Wↄnnyinakee 10

1Ndaa ndru mna nyjeeri bituŋu faŋgafun wa nya na u yiri nyjeeri na tiri tra, a tloe na u tↄ. A jlaŋgoli na u ndra fɛ mu kun, u yiɛ naa kani na yila yi, a u jeelee naa chiɛnri na kanhun yi. 2Na pe hlɛ ka nyaa mu le u kɛɛ. A wra u jele kalie wo kan epo yiɛ na, a u kamɛŋɛ jele naa wa mu kan tra yiɛ na. 3Bituŋu wre na gblee le badaaŋga na blɛkpↄↄ u nyɛni. Ŋga wra gblee kre le ma kre, a nyiɛ twanraa nununu kↄↄnashin na chaa mu tin badaaŋga, a praa paara ki nu. 4Ŋga yira tin ma kre, to, a ndaa chaa mbe kee yire nyunↄ mbe tɛɛ. Bawa mana ka na yiri nyjeeri mna yo ni pan mbo, "Kee nyjɛ mu loo nyiɛ twanraa yire nu kre ti mu ndra, maa shia yi nyunↄ." 5A ndaa yiɛ wa mna nyjeeri bituŋu ŋmba wra jele kan epo na tra yiɛ na kre nya, na u kalie kɛ yire nyjeeri, 6mna Nyiɛkpↄↄ ŋmba uu wa mu tni nyjila kro nu kre, ŋmba wra nyjeeri na tra na epo na yirɛ nyjɛ yii wa yi nu kro gbeele kre da. A nyjeeri bituŋu wre na kna mbo, "Ni da na nyjila kre wa mu kuraa mbe da. 7La, na nyjeeri bituŋu kↄↄnashin wo wre waa u bnↄ kre fↄ kre, kre Nyiɛkpↄↄ we u ndra ndra kee nyjɛ wra yo u kee nyanyofɛɛnlɛ pan yire kro pe." 8Bawa ndaa mana jle ŋga kra yiri nyjeeri mu paara ni pan kre loo, na ki paara ni pan mbo, "Sɛ nyjeeri bituŋu ŋmba uu wa mu yire epo na tra yiɛ na kre pan mu sɛ hlɛ ŋga pe nyaa mu le u kɛɛ kre shↄ." 9A ndaa sɛ yo bituŋu wre pan na u ni ŋga hlɛ kre, a wra kna mna yo ni pan mbo, "Ki shↄ mu ka, kie tna mu nyuu na srɛ yi, la, na mu ki jↄli kre, kie sro mu lɛɛ krakra." 10A ndaa hlɛ fiɛn kre shↄ mna ki ka, a kra tna ni nyuu na srɛ yi, la, ŋga ndaa ki jↄli kre, a kra sro ni lɛɛ. 11A pra kna mna yo ni pan mbo, "Leele, na waŋgrɛ, na kayolo nyini nyini leele, na ŋulo tataara kee nyjɛ yie pan pe na kre nya mu yo pe pan na."

will be added

X\