Filemↄn Hlɛ 1

1Mi Pↄↄl ŋmba pe yii mu le nyuŋgo Yesu Kristo saara na kre, na o ŋmbrↄ sumifun Timotio pan hlɛ ŋga yiri na shie o nunu, na o ŋmbrↄ tnumu tunfun Filimↄn, 2na sumifɛɛnlɛ mblɛ pe fni mu katoo kre, na o jaa Apia, na o ŋmbrↄ soja Achipo pan. 3O lɛ Nyiɛkpↄↄ, na O Tafun Yesu Kristo wre pe e ŋga dumiɛ na wejinyiŋge. 4Filimↄn, na ni nyiɛtali kpan, ni mu sↄↄnri, na ni Nyiɛkpↄↄ kaan mboo mu ndra na. 5Ŋgi na, ni mu koroo ŋga mu Nyiɛkpↄↄ leele pre kro kori kre, na mu shↄnlie ŋga mu ta O Tafun Yesu Kristo nu kre loo. 6Ni nyiɛtalaa yi na, ŋga o kro pe shↄnlifɛɛnlɛ, mu pe nunu ŋga, mbe kra yire ki na mbe mna dwamu ŋga o na ta o tnimu nu Kristo nu kre, nↄↄloo kpↄↄ. 7Ni ŋmbrↄ ŋmba ni kori, mu koroo kre tia ni yɛshↄↄrↄ kpↄↄ ta, mu ni le gbeŋmbaa. Mu tia Nyiɛkpↄↄ leele pre kro yiɛshↄ. 8Kre kee ŋga ndra na, mbe na gbun ta, ŋga ni pe mu ŋmbrↄ Kristo sumifun kre ndra na, mbra yo mu pan na mu kee ŋga ki fna pe. 9La, koroo ŋga ni mu kori kre ndra na, ki fna mbe ni mu tali, mbe jaa tro kolo ka na mbe ki paara mu pan, ŋgi na, mi Pↄↄl blɛlↄↄ ŋmba nyini, pe yila Yesu Kristo na mu ni yii mu le nyuŋgo. 10Ni tali na Onismↄsi kaan, ni pↄ wi Kristo nu, ŋgi na, ŋga ndaa wa nyuŋgo kre, ndaa pe u lɛ. 11Nyjila ka nu, na u kee n tnu ni mu mu ŋga, la, fuŋgaami ŋga u kee tnu ni mu mi na ŋu ŋga. 12Ni u tuni mbe u ndruu pan mu pan wa, u pe ndro ŋmba ni kori. 13Ŋga pe ni yii mu le nyuŋgo ketaan kre saara na kre, ni chaa mbe wra tni ni jaara, mbra yire mu jeele na, mbraa yaa ni na. 14La, ni n na chaa mbe mu ya ni na jaŋga na, ni chaa mbe ŋu titi mu chaara tɛɛ mbe ki pe. Ki tia ni n na chaa mbe kee ka pe, fↄna mu li ki na tun. 15Aada kre kee ŋga kra tia Onismↄsi na laa mu na chiɛri, mbe ndruu paan tni mu jaara. 16Fuŋgaami u n pe na tnu wi na, u wɛ tnu na. Fuŋga u pe o ŋmbrↄ Kristo sumifun ŋmba ni kori. U nyu mu ni ŋga, pan ni chin na we nyu mbe mu ŋga kpↄↄ. Tnu wi chↄ, nde mu ŋmbrↄ Kristo sumifun wi. 17Kena na mu ni jawa na tnumu nunu mi na ŋu tuni kre, imi na mna ni le kre, u le ma. 18Na wra mu pe sisaa, ndee na u mu fↄlↄ ka li kre, ki nyu gbun mu pan mu ni ŋga. 19Mi Pↄↄl titi kɛ nyunↄmu yi kre, fↄlↄ ŋga u li kpan, mbe ki tↄ mbe mu ŋga. Mba jawa na mu ŋmaa ŋga mu yire ni na mu ta kre, na ki fↄlↄↄ wa mu na. 20Kena jande, o Tafun wre saara na, kre kee ŋga pe ni pan, ti mbe ni yiɛshↄ na ni ŋmbrↄ Kristo sumifun wi ŋu. 21Ŋga ni kre kee ŋga nyunↄi ŋga, ni shↄ mu li na mu kee ŋga ni mu tali kre pe mbe ni ŋga. A ni chin na mu pe mbe ki wɛ ma na. 22Ŋga ki taa yi na, ni chaa mbe mu nyuŋgo gbeele mbe tɛɛ ni pan, ŋgi na, ni dankna na Nyiɛkpↄↄ we e nyiɛtalaa yire kro loo, mbe ni wↄ mbe e ŋga. 23Epafra ŋmba pe yii mu le nyuŋgo Yesu Kristo saara na, na mi wi kre mu shaari. 24Pan chↄↄ ni ŋmbilɛ tnumu tunfɛɛnlɛ Marko, na Aristako, na Dɛma, na Luka kro mu shaari. 25Yire na O Tafun Yesu Kristo dumiɛ e tni.

will be added

X\