Luka 3

1Ŋga Kaisari Tiberio na waŋgra ŋunumu li kre, u yɛlɛ kɛmbↄkunↄ wo nu kre, na Pontio Pilato wi Judea ŋunu. Kre nyjila kre chↄↄ na Hɛrodi wi ŋunu Galilii na, a na u chunu Filipo wi ŋunu Iturea na Trankoniti tra yire nu na. Lisania na wi Abilene ŋunu, 2A Anaasi na Kaifa na lɛ Judae sↄfue loplombo. Kre nyjila kre Nyiɛkpↄↄ na tia u kee na pan Zakaria pↄ Jↄn nu fimi lawee yire nu. 3A Jↄn naa kila Jↄↄdan lↄↄ kre tra nu na yuu mbo, "E e jawala chinɛ e laa e sisam kro, mbe pe e ndrɛ je, kre ee sisam tinkɛɛ ta." 4Imi na pra ki nyunↄ Yisaia Nyiɛkpↄↄ kee nyanyofun wre hlɛ kre nu kre mbo, "Ndro wa mana yilii fimi lawee kre nu na, e o Tafun kolo kre gbeele, e u trohaa kre fraka. 5Weele na nyuɛ kro we pe mbrɛrɛ, a kooloe nyjɛ yi ŋmaala mu kla kla yire kro, pie yi fraka, mbe yi gbeele kama. 6A lewo kro we Nyiɛkpↄↄ ŋmaashↄmu kre nya." 7A lenɛɛrɛ na yili mna sɛ Jↄn pan mbe u pe ndrɛ je, a wra kna mna yo pe pan mbo, "Yire leesaala mblɛ! Ŋmbi u yo e pan na e fɛ mbe yili kanyana ŋga ki paan e pan ŋga nu hin? 8E na kepele nyjɛ yi nyina na e laa e sisam kro pini. Yaa tni mbra yuu na, 'Abraham nanae lɛ wre!' E ti ni yo e pan mbe e loo, Nyiɛkpↄↄ we jaa dnɛ kaari nanae mbe Abraham ŋga. 9E le, pe gbana kan tiŋge kre didinyi na, kena tiŋge ŋga ki n sɛŋgɛ chichie sɛ kre, pie ki kun mbe chan, mbe ki le kanhun." 10A lenɛɛrɛ pre na kna mu u wie mbo, "Kena ŋgi ki fna o pe hin?" 11A wra kna mna yo pe pan mbo, "Ŋmba pan dodonyi shiin nyi kre, u ŋmba u n ka ni kre ŋga nunu. A ŋmba u sro ta kre, u u ŋmbrↄ ŋmba u n ka ta kre ŋga ka." 12Bawa lampooshↄfɛɛnlɛ plɛ na pan mbe u pe ndrɛ je, a pra kna mu Jↄn wie mbo, "Nyinafun, kee ŋgi ki fna o pe hin?" 13A Jↄn na kna mbo, "Yaa na shio mbra weni nyjɛ pe kun mu e ŋga na." 14A sojae na pan mna u wie mbo, "A wre hin? Mni ki fna mbe o pe hin?" A wra kna mna yo pe pan mbo, "Yaa shia swa dnumu ndro pan jaŋga na, ndee mbe kala fnɛ mbe taa ndro na mbe u yii, a fↄtↄↄrↄ ŋga ee ta kpan e ti mbe ki e yiɛ nyi." 15Ŋga leele pre kro kro naa Kristo wre paan kre sri kre ndra na, kra tia praa jawa na aada Jↄn wi Kristo wre. 16A Jↄn na kna mna yo pe kro pan mbo, "Mi rɛ, nyumu ni ni e ndrɛ jee, la, ŋmba uu wa na jaŋga ni mu wɛ mi na kree wa kro na paan, ni n fna kple na mbe kɛ taa u kpawrɛ na, wre we e ndrɛ je na Kpra ŋumu wre na kanhun ni. 17U kↄↄŋgↄↄ ŋga ni u yirɛ foo wa u kɛɛ, mbe u tɛɛ mbe yirɛ bie yire fↄ mbe yi wↄ mbe tɛɛ, mbe sɛ fue yire le kanhun ŋga kra fii nu." 18Jↄn na paara tataara mna leele pre jaari, mna ketaan kre yo pe pan. 19La, wra paara mna waŋgra ŋunu Hɛrodi taan. Ŋgi ndra na hin? Na u u chunu chↄ ŋmba praa yeeri Hɛrodias wre shↄ mu leŋge, mna sisam tataara pe mu ya. 20Nyjɛ krɛɛrɛ kↄkro kre, sisam kpↄↄ ŋga Hɛrodi na pe yi na wra tia pra Jↄn yii mna sɛ le nyuŋgo. 21Ŋga Jↄn na lenɛɛrɛ pre ndrɛ je mu kↄ kre, Yesu na pan a wra u ndra je. Ŋga wraa nyiɛ tali titɛɛ kre nu wa to, nyjeeri na nyaa, 22a Kpra Ŋumu wre na tii u na, mna pe na katoo kotro wi. A mana ka na yiri nyjeeri mbo, "Ŋmba wi ni pↄ ŋmba ni kori, a ni yiɛ shↄ u na kre." 23Ŋga Yesu na u tnumu nↄↄ hle kre, na we pe yɛlɛ fulo na kɛ, Heli pↄ Josɛf wre pↄ na wi Yesu. Pan leele naa jawa. 24Heli lɛ na wi Matat, a Matat lɛ na wi Levi, a Levi lɛ na wi Melchi, a Melchi lɛ na wi Janai, a Janai lɛ na wi Josɛf. A Josɛf lɛ na wi Matatias. 25Matatias lɛ na wi Amↄs, a Amↄs lɛ na wi Nahum. Nahum lɛ na wi Hɛsli, Hɛsli lɛ na wi Nagai, Nagai lɛ na wi Maati. 26Maati lɛ na wi Matatias, Matatias lɛ na wi Semein, Semein lɛ na wi Josɛk, Josɛk lɛ na wi Joda. 27Joda lɛ na wi Joanan, Joanan lɛ na wi Resa, Resa lɛ na wi Zerubabel, Zerubabel lɛ na wi Shealtiel, Shealtiel lɛ na wi Neri, Neri lɛ na wi Melchi. 28Melchi lɛ na wi Adi, Adi lɛ na wi Kosam, Kosam lɛ na wi Elmadam, Elmadam lɛ na wi Er, Er lɛ na wi Joshua. 29Joshua lɛ na wi Eliezar, Eliezar lɛ na wi Jorim, Jorim lɛ na wi Matat, Matat lɛ na wi Levi, Levi lɛ na wi Siimiↄn. 30Siimiↄn lɛ na wi Juda, Juda lɛ na wi Josɛf, Josɛf lɛ na wi Jonam, Jonam lɛ na wi Eliakim. 31Eliakim lɛ na wi Melia, Melia lɛ na wi Mena, Mena lɛ na wi Matata, Matata lɛ na wi Natan, Natan lɛ na wi Devid, 32Devid lɛ na wi Jɛsi, Jɛsi lɛ na wi Obɛd, Obɛd lɛ na wi Boaz, Boaz lɛ na wi Salmↄn, Salmↄn lɛ na wi Nashon, Nashon lɛ na wi Aminadab. 33Aminadab lɛ na wi Admin, Admin lɛ na wi Aani, Aani lɛ na wi Hezrↄn, Hezrↄn lɛ na wi Perez, Perez lɛ na wi Juda, Juda lɛ na wi Jekↄb. 34Jekↄb lɛ na wi Isaki, Isaki lɛ na wi Abraham, Abraham lɛ na wi Tera, Tera lɛ na wi Nahↄↄ, 35Nahↄↄ lɛ na wi Serug, Serug lɛ na wi Reu, Reu lɛ na wi Pelɛg, Pelɛg lɛ na wi Eber, Eber lɛ na wi Shela Shela lɛ na wi Kainan. 36Kainan lɛ na wi Afaksad, Afaksad lɛ na wi Shem, Shem lɛ na wi Noa, Noa lɛ na wi Lamek, Lamek lɛ na wi Metusela. 37Metusela lɛ na wi Enↄku, Enↄku lɛ na wi Jared, Jared lɛ na wi Mahalaleel, Mahalaleel lɛ na wi Kenan, 38Kenan lɛ na wi Enↄs, Enↄs lɛ na wi Set, Set lɛ na wi Adam, Adam lɛ na wi Nyiɛkpↄↄ.

will be added

X\