Luka 21

1Suminyuŋgo wa kre, Yesu na yiɛ yire mna swafɛɛnlɛ nya pra paan na swa leni swa leyira kre nu. 2Bawa wra lekuchↄ shianfun wa nya, a wra pan mna damba le. 3A Yesu na kna mbo, "Kpra na ni yuu e pan, lekuchlↄ shianfun ŋmba swa le a ki wɛ leele mblɛ kro wee na. 4Ŋgi na, leele mblɛ kro, pe swɛ nyjɛ pe ta a yi kuɛn kro yire yɛ ni pe pan. La, chlↄ ŋmba rɛ u shian kro nu, swa ŋga na u kaan kro u pan mu le kre." 5Bawa Yesu sumifɛɛnlɛ pre plɛ naa sumi nyuŋgo kre kee yuu, imi na pra ki san na dnɛ chichiele ni, na yirɛ chichiele nyjɛ praa Nyiɛkpↄↄ kaan kre. 6A Yesu na kna mbo, "Yirɛ nyjɛ e nyaa ŋga, nyjila ka paan, pia dnɛ ka ti ki ŋmbrↄ na, pie yi juari peii." 7A u twanfɛɛnlɛ pre na u wie mbo, "Nyinafun, nyjila ŋgi nu yire kee nyjɛ we pe hin? A na yire kee nyjɛ paan mbe pe, kawako kee nyji oo nya mbe chin na nyjila kre da hin?" 8A wra kna mbo, "E eyɛ dↄↄta, mbe ndro waa shia e waafun. Lenɛɛrɛ we pan na ni mɛɛ ni mbra yuu mbo, 'Mi wi Kristo wre!' Kena e chin na nyjila kre da. La yaa shia taa pe na. 9A na e waa na ŋunɛ na kakrↄɛ kee ndru kre, yaa ti mbe fiɛrɛ e yii. Ki fna mbe yire klu mbe pan tun, nde nyjila kre n da tun." 10A Yesu na kna mna yo pe pan mbo, "Waŋgra na waŋgra we to peyɛ na, mbe ŋunu na ŋunu to peyɛ na. 11Tra we na seeri lawee lawee nu kpↄↄ. A klo we to, mbe yira pan, mbe fiɛrɛ na kawako kee na pini nyjeeri." 12"La, mi ndra na pie klu mbe e yii mbe e fiŋge, mbe e le fninyinyi yire loplombo kɛɛ, mbe pe e le nyuŋgo. A pie sɛ na e ni ŋulo na abani loplombo yiɛ, mbe yire kaalɛɛ nyjɛ chiin pan. 13Kre nyjila kre nu ee jaa ni dansiɛrɛ li pe yiɛ na." 14"Kena yaa kluu tni mbra yi kee jawa, mbra kawa na kee nyjɛ ee yo ni. 15Ŋgi na, mbe e ŋga nyu, na kachindɛ, mbe kee ŋga ee yo kre, e loŋgoolo wa ja mbe e kↄ ki na. 16E sefɛɛnlɛ kuraa we e wↄ mbe ŋga. E nyjↄↄlↄ na e chinlɛ, na e sele leele, na e nↄↄlↄ kro we e wↄ mbe ŋga, mbe pe e plɛ gbo. 17Mi ndra na, leele kro we e pra. 18La, e wa ndra nyjuro ka wa fun. 19Frↄ ŋga ee ta na, ee ŋmaa ta." 20"La, na e waa nya na ŋunↄwifɛɛnlɛ Jerusalɛm kun mu le lalaa kre, kena e chin na ki kla nyjila dani. 21Kena e ti mbe mblɛ pee wa Judea na kre na feni mbra nyuɛ ndru. A mblɛ pee wa Jerusalɛm lam kre, ki fna pra feni. A mblɛ pee wa haka kre, waa shia le chia kre na. 22Ŋgi na, yire ble yire nu Nyiɛkpↄↄ we pe ndie tini kpↄↄ. Yire yie pan mbe ti mbe kee yire pe nyunↄ mu tɛɛ yire pe kpra. 23Ki ble kre siirefɛɛnlɛ na mblɛ biile pe ŋgoorii, pe atɛ. Ŋgi na, kanyana kpↄↄ we pan tra, a Nyiɛkpↄↄ krↄ we kun na pe ni. 24Pie plɛ gbo na brↄfiɛn ni, a pie plɛ yii mbe sɛ na pe ni waŋgrɛ nu. A leele mblɛ pe n Nyiɛkpↄↄ chin kre we Jerusalɛm kla peii, mbe sɛ su ŋga pe nyjila we tro." 25"Ki ble kre kawako kee we pe yila na yeŋge na wↄɛlɛɛ na, ki ble kre kanyana kpↄↄ we pan tra, lewo wa chin imi we uyɛ pe. Epo we na kani, mbe fiɛrɛ leele yii mbe pra jirei. Ŋgi na, jaŋga ŋga kii wa nyjeeri kro, Nyiɛkpↄↄ we ki nyaara. 27Kre nu pie Lewo pↄ wre nya na u paan sugbeŋge, na yɛnyiŋge kpↄↄ nu. 28Na yire kaalɛɛ nyjɛ waa na pini kre, e yiri e yire, e na le nyjeeri, na e shↄ nyjila kre da." 29A Yesu na u twanfɛɛnlɛ pre gbun yomini ka mbo, "E na tinyi le. 30Na e waa nya na yi wrɛ funi kre, e chin na ndram wrɛm nyjila da. 31Pan chↄↄ na e waa nya na yire kaalɛɛ nyjɛ waa na pini kre, kena e chin na Nyiɛkpↄↄ ŋunumu kre da mna. 32Kpra na ni yuu e pan, aŋga leele mblɛ wa kↄ fio, fↄna yire kaalɛɛ nyjɛ pe tun. 33Nyjeeri na tra we kla, la, ni nyu kayolo wa nyjila kro nu." 34"La, e eyɛ dↄↄta, mbe yaa na eyɛ lii kpↄↄ, mbra gboo mbra bru. A yaa ti mbe waŋgra ŋga yirɛ keshiɛn wɛ e na. Na kre ma ble kre we paan e fo imi na pɛlɛ yurↄ foni na u yiri kre. 35Ŋgi na, leele mblɛ pee wa tra ŋga na kro, ble kre we pan mbe pe fo. 36La, e eyɛ shie nyjila kro nu, e na nyiɛtali na ee faŋga ta mbe eyɛ shↄ mbe yili yire kaalɛɛ nyjɛ yie pe yire nu, mbe jaa yire Lewo Pↄ wre yiɛ." 37A ble nyini ŋga wraa shie na leele nyina Nyiɛkpↄↄ kee kre suminyuŋgo wa. Na ble wↄ kpan mbe u sɛ tni nyua ŋga praa yeeri Olive kre na. 38A na nyiŋge se bnimi kre, leele pre kro we sɛ u pan suminyuŋgo wa, mbe sɛ u kee yire loo.

will be added

X\