Jemisi Hlɛ 4

1Ŋgi ki paan ŋunɛ na kakrↄɛ nyjɛ ni e nu ŋga hin? E sisam niŋge nyjɛ yii wa e lam, na wii e nu kre yi paan na yi ni. 2E yirɛ chaa, la, e na yi ta, ki tia e na eyɛ kuu. E yiɛ nyinai yirɛ na, a yaa jaa yi ta, ki tia e na kakrↄ na nunↄ wii. E na yirɛ nyjɛ e chaa ta, ŋgi na, na e n na Nyiɛkpↄↄ tali. 3Na e u tali kuraa kre, yaa yi ta, na e na u tali kolo ŋga wre titi chaa na, la, yire titi yɛshↄↄrↄ kolo yirɛ nyjɛ e chaa e u tali. 4Ayɛtefɛɛnlɛ, e n chin na, na wa taa waŋgra yirɛ kro, we kaari Nyiɛkpↄↄ loŋgo ree? Kena ŋmba u chaa mbe taa waŋgra yirɛ kro kre, u uyɛ piin Nyiɛkpↄↄ loŋgo. 5Yaa shia punu mbe jawa na Nyiɛkpↄↄ kee kre pe nyunↄ mu tɛɛ kre, na kee waara yi. Mbo, "Ŋumu ŋmba Nyiɛkpↄↄ tun na u paan tni o nu kre, Nyiɛkpↄↄ chiin pan u chaa mbe o tni." 6La, Nyiɛkpↄↄ o dumi kpↄↄ, imi na pe ki nyunↄ Nyiɛkpↄↄ hlɛ kre nu mu tɛɛ kre, mbo, "Mblɛ pe peyɛ kpↄↄri kre, 2 Nyiɛkpↄↄ pe toni kolo. Mu mblɛ pe peyɛ nyjiri kre dumi kpↄↄ." 7Kena e eyɛ nyjii e Nyiɛkpↄↄ ŋga, e Sutna tↄ kolo, mbe u fɛ mbe laa e na. 8Yire yiɛnyumufɛɛnlɛ e fɛ e pan Nyiɛkpↄↄ jaara, we mbra e na. E e kɛnyi je e yili nɛɛrɛ nu, e sisam kee wↄ e jawala nu, 9E ti mbe e yiɛ je, mbe e na fooro lii, mbra nyɛni, e ti mbe e titɛɛrɛ kaari nyɛnɛɛ, mbe e yɛshↄↄrↄ kaari fooro e sisam kepele ndra na. 10E eyɛ nyjii e Nyiɛkpↄↄ ŋga, we e kpↄↄ. 11Ni wolo, wa waa shia paara mbe u ŋmbrↄ taan, ŋmba we paara mbe u ŋmbrↄ taan, ndee mbe u ŋmbrↄ gbun na pimi ni kre, kena ufun paara na Nyiɛkpↄↄ mbra yire taanla, na chaa mbe nyina u kee kre wɛ mbra yire na. La na e paara na mbra yire taanla kre, kena e n na lii mbra yire na. 12Nyiɛkpↄↄ chiin u u mbra kaan, a wre chiin we jaa pimi kun. Wre chiin we jaa o ŋmaa shↄ, ndee na u chaa mbe u o kla. Kena kolo ŋgi ni ŋu nyi mbe jaa mu ŋmbrↄ gbun na pimi ni hin? 13E le, yire mblɛ e yuu na aŋga, ndee baŋga oo sɛ chia ŋga imi sembremu na, oo li yɛlɛ, mbe tni wa mbe jafa li mbe swa ta kre, 14e chin imi na nyiŋge we see? E n chin na pan e ŋmaa nyi na bnimi nyu sugbeŋge yi ree? Na ki wo maa, to na ki ndru mu fun yiɛ na. 15Kee ŋga ki fna mbe e na yuu yi na, "Na o Tafun li ki na, oo ŋmaa ta, mbe yira ŋga imi sembremu pe." 16La, fuŋgaami ŋga, e ndra tna e na, a e na eyɛ kpↄↄri, a kre kpↄↄmu ŋga, ki pe Nyiɛkpↄↄ pan sisam. 17Kena lewo ŋmba u chichie chin a u n ki pe kre, ki pe sisam mu u ŋga.

will be added

X\