Jemisi Hlɛ 3

1Ni wolo, yaa ti mbe e nɛɛrɛ pe nyinafɛɛnlɛ. Ŋgi na, wre mblɛ o leele nyina kooloe nyjɛ na ki fna pe tro kre, oo kee nɛɛrɛ nyu wↄ Nyiɛkpↄↄ yiɛ imi na ki fna. 2Ŋgi na, o kro punu kooloe tataara na, a ŋmba u pe lewo chiriri wi lewo ŋmba wraa punu u paaraa nu, kpra na, wre u jani na uyɛ dↄↄ taa kooloe kro na. 3Pan ki nyi, na lewo chaa mbe soo pe imi u chaa kre, krafi we le u nyu na, mbe krafi kre ti u sɛ chichie. 4E yiɛ wa e krↄɛ kpↄɛ nyjɛ yi tro epo yiɛ na ŋga le, imi na yi kpↄↄ kpↄↄ mu da, a fuflɛ kpↄↄ ja na yi ŋunↄ, la, yiɛ kna yirɛ fiɛn fiɛn wa yi pan, a yi ŋmaafɛɛnlɛ pre na teeri na yi ŋmaai na shie mna pre titi chaa. 5Pan chↄↄ lewo ndile ŋga kii wa u nyuu ŋga nyi na, pan ki nyi fiɛn imi, a nde ki kekpↄɛ yuu. A e le, imi na nyaa kpↄↄ mu da kpan, kanhuun fiɛn we jaa ti ki shↄ. 6Pan lewo ndile nyi na kanhuun yi u nyuu, kre nu waŋgra sisam kee kro ŋga yilii na paan, a kii wa tnihaa ni o nu, mu na paan sisam ni o tnimu nu, mu na nɛɛrɛ teeri na o toni. A ndile sisam kee kro Sutna lawee ki yiri na paan. 7Lewo jani na yurɛ nyina kee, puɛ yurɛ, hanyiɛlɛ, gbun fulo yurɛ, na lↄↄ yurɛ kro, 8la, lewo wa jaa u ndile ŋga kii wa u nyuu nyina ŋga ki fna ki pe. Ki pe yira ŋga ki sisam piin nyjila kro nu, kraa wuu ndee mbe jaa tni komm, ki pe yira sisaa ŋga ki paan na kumu ni. 9Lewo ndile ŋga, kre ni u o Tafun na o Lɛ Nyiɛkpↄↄ kaan mɛɛ, kre ni chↄↄ u leele mblɛ Nyiɛkpↄↄ gbeele wre titi wrumu na kre tɛɛlɛ. 10Nyu ŋga lam ndile nyi kre, bawa fↄↄn na chichie yilii na paan. Ni wolo, ki n fna mbe pan ma. 11Ŋgi na, nyumu taan na nyumu susrom wa jaa chaa yili blo nunu nu. 12Ni wolo, fig tiŋge wa ja Olive sɛ, a Olive tiŋge wa jaa fig sɛ. Pan chↄↄ ma jaa nyumu chichie ko mbe yili nyumu fↄↄn lawee. 13Na waa wa e nu mu kala chin kre, e ti mbe u kepele chichie na u nyjiimu ki nyina na kachiŋu wi. 14La, na ufun lam suro, a uu wa na nyibinyiɛ sisaa ni, na uyɛ kpↄↄ kre, kena waa na u gbun sini mbra kala fnɛ kpra kre yiɛ. 15Ŋgi na, kre kachindɛ ŋga sembremu, Nyiɛkpↄↄ pan ma ki yiri, waŋgra kachindɛ yi, Sutna pan ki yiri. 16Mna nyibinyiɛ sisaa nyi, a ndro kro na wii wre nunu yira na kre, mu chin na nyu nunu n wa bawa, sisam nyininyini kro mu yi nya wa. 17La, kachindɛ ŋga ki yiri Nyiɛkpↄↄ pan kre pe cheche, na wejinyiŋge chaa, na ki yɛ nyjiri, na lewo chaa, mu lewo fooro chin tataara, na kee chiriri pini nyjila kro nu, a kra ki jawala pe shiin, mbra lewo fana. 18A mblɛ pe paan na wejinyiŋge ni kre, pie wejinyiŋge sɛŋgɛ luu, a sɛŋgɛ ŋga ki pe cheche pie kun.

will be added

X\