Hebrie 5

1A Judae Sↄfu Lopom titi kpan, u leele nu pe u woni mbe u yire pe jeelee na mbra Nyiɛkpↄↄ kaan yirɛ, mbra pe sisam sra woni. 2Ŋga u kooloe nyjɛ na u tro pe na u leele pre lɛ kre ndra na, we jaa uyɛ nyjii mbe mblɛ pe n chin, mu fun kolo kre na kre ŋga. 3Ŋga u sisam piin na leele pre lɛ kre ndra na, wre na u leele pre kro sisam sra u woni. 4Ndro n wa mbe ja mbe uyɛ ŋga kpↄↄmu mbe pe sↄfu lopom titi, fↄŋga Nyiɛkpↄↄ u ŋga ki yi, imi na Nyiɛkpↄↄ na Aarↄn ŋga ki yi kre. 5Ki tia Kristo wre nsra uyɛ kpↄↄ na we pe sↄfu lopom titi, la, Nyiɛkpↄↄ wra u ŋga kre kpↄↄmu kre, mna yo u pan, mbo, "Ni Pↄ wi ŋu, a mu Lɛ wi mi aŋga." 6Imi na wra yo lawee fↄŋgↄ nu na mbo, "Sↄfu wi ŋu nyjila kro nu, imi na Mɛlchisɛdɛk nyi kre." 7Nyjila ŋga ni Yesu naa wa waŋgra nu kre, wra nyiɛtalaa na nyɛnɛɛ kpↄↄ, na yetunyi tɛɛ mna Nyiɛkpↄↄ ŋmba wra ja mu u shↄ kumu kɛɛ kre tali. A imi na wra uyɛ nyjii mu Nyiɛkpↄↄ ŋga kre ndra na, kra tia wra loo u pan. 8Nyiɛkpↄↄ Pↄ na wi, wra yire u kanyana ŋga wra nya kre na mna buuro twan. 9Ŋga wra yirɛ kro pe mu kↄ kre, wra pe ŋmba na mblɛ pie li u kee kre na kro we taa mbe blenyini ŋmaa ta. 10A Nyiɛkpↄↄ u pe sↄfu lopom titi, imi na Mɛlchisɛdɛk na nyi kre. 11Kaa oo wa na kaalɛɛ ni mbe yo tataara kee nyjɛ o yo nyjɛ haa, a na e kala nↄↄloo haa sheli kre ndra na, ki tia kee kre nↄↄ nyinaa sheli. 12E da mbra pe nyinafɛɛnlɛ, a nde ki fna mbe ndro e nyina kejle yire tun. Mna e da da kre, ki fna mbe e naa sro shelee lii, a nde nyinimi nyumu e ŋgoorii tɛ. 13A lewo ŋmba u ŋgoorii kpan pe pↄ Nyiɛkpↄↄ kee kre nu, u n chichie na sisaa lalaa chin. 14Loplombo mblɛ pe twan mu chichie na sisam chin kre, pre pe sro shelee lii.

will be added

X\