Galatie Hlɛ 5

1O oyɛ ta, a Kristo u tia o oyɛ ta. Kena e yire gbiŋmbi, e ti mbe ndro kro chin na e eyɛ ta, a yaa shia eyɛ pe tinlɛ na. 2E loo, mi Pↄↄl ni paara e pan kre. Na e waa tia pra e fɛnyi knumu mbe e yire ki na mbe ŋmaashↄmu ta kre, kena ki nyina na Kristo kee ka n tnu ni e pan. 3Ni e jaari shiin wo na, ndro ŋmba we ti mbe pe u fɛŋgɛ kun kpan, kena ki fna u li Mbose mbra yire kro na. 4Yire mblɛ e chaa mbe li Mbose mbra yire na, mbe yire yi na mbe fraka Nyiɛkpↄↄ yiɛ kre, e eyɛ kun Kristo wre na, mu fɛ mu yili Nyiɛkpↄↄ wre jaara. 5Wre rɛ, o dankna na Nyiɛkpↄↄ we o fraka u yiɛ, ŋgi na, Kpra Ŋumu wa o nu a o shↄnli. 6Na wre na Kristo ta mu pe nunu mu kↄ, na o fɛnyi knumu o, na o n fɛnyi knumu o, ka n pe ke shian yira. Ŋga ki shian yi na, oo Kristo shↄ mbe li, mbe leele kori. 7E naa gbeŋmba, kena ŋmbi wra tia e na laa kpra kre kro hin? A kolo ŋgi na wra tro mu e laa hin? 8Nyiɛkpↄↄ ŋmba wra e yeeri kre, wre ma wra ki pe. 9Pe yuu na, "Yiisi fiɛn ja mbe mimi bↄtↄ poŋgo tin." 10La, nii wa na kaan e na, ŋga wre na O Tafun wre pe nunu ŋga, ni dankna na yaa kee fↄŋgↄ ka yii. A ŋmba u e jawala klai kre ndro ŋmba nyini wi kpan, Nyiɛkpↄↄ we u ndie tini. 11Ni wolo, kena na nii wa na kpali na fɛkↄↄnrↄ nyu, kena kaa yira ŋgi ki tia a pe ni pra ŋga hin? Na kra pe yɛŋgɛ na pan ni yuu kre, kaa Kristo kanyana kumu kaan kre kee ni kpali kre, kia na pe kee ka Judae pan. 12Na ki kro mi na, e ti mbe mbe mblɛ pe e jawala klai kre na peyɛ sani. 13Ni wolo, yire rɛ, Nyiɛkpↄↄ e yeeri mu tia a e eyɛ ta, la, yaa eyɛ taara kre wru, mbe taa wejiniŋge yirɛ kro. La, e ti mbe e koroo ti mbe e na yaa e yɛ na. 14Ŋgi na, Mbose mbra yire kro, yii wa mbra nunu nu mbo, "Mu Ŋmbrↄ kori na mu wejikaara yi." 15La, na e pini na yurɛ mblɛ pe nyaai lɛ yire, na eyɛ niↄ na knumu kre, e dↄↄta na kre ma, ee eyɛ kla peii. 16Kee ŋga ni yuu yi na, e ti mbe Kpra Ŋumu wre yiɛ klu e pan. Mbe yaa taa lewo niŋge yirɛ na. 17Ŋgi na? Yira ŋga niŋge kii wa lewo na kre, Nyiɛkpↄↄ Ŋumu n na ki chaa, a yira ŋga Nyiɛkpↄↄ Ŋumu chaa kre niŋge ma kii wa lewo na. Yi kro shiin yire na fni, ki tia chichie ŋga mu na chaa mbe pe kre, ma jaa ki pe. 18Na Kpra Ŋumu wre yiɛ klu mu pan kre, kena mu n wa Mbose mbra jaara. 19Kee nyjɛ lewo niŋge pini yire pe kee nyjɛ yi nyaa chasi. Yire yi, tiɛrɛɛ, na nɛɛrɛ kee, na kepele fↄↄn, 20na sɛɛn sumiiɛ, na tuwe waa, na prara, na loŋgooro, na kɛyira, na krↄ sisaa, na yirɛ chaara, na yↄↄlɛɛ. 21Yɛnyiɛ sisaa, simi gbↄntoo, na pnaa fuɛn, na nyjɛ yi ya na kre. Ki tia ni e jaari na jle kre yi, mblɛ pe nyjɛ pini kre wa Nyiɛkpↄↄ ŋunumu kre ta mbe li. 22La, Kpra Ŋumu wre yirɛ nyjɛ wre kaan yi, koroo, yɛshↄↄrↄ, wejinyiŋge, frↄ, latam pee, chichie pee, shↄnlie, 23nyjiimu, yɛyie. Mbra ka n wa, mbe jaa yire kee nyjɛ tↄ kolo. 24Leele mblɛ pe pe Yesu Kristo wolo kre, pe wejiniŋge yirɛ na yi kepele kro gbo. 25Kpra Ŋumu wre o ŋga ŋmaa, kena Kpra Ŋumu wre ki fna u yiɛ klu o pan. 26O n fna mbe oyɛ kpↄↄ, ndee mbra oyɛ pini krↄ kee, ndee mbe oyɛ pra.

will be added

X\