Galatie Hlɛ 3

1Yire Galatie jijiele, ndro ŋmbi u e wa mu fun ma hin? E yiɛ na mna ni e nyina kumu ŋga Yesu na ku kanyana kumu kaan na kre kee kro. 2E ni kee nunu ŋga nyu wↄ. Kee nyjɛ Mbose mbra yire yo yire na e na li mna Nyiɛkpↄↄ ŋumu wre ta ree? Ndee ketaan ŋga e loo mu shↄ mu li kre na yi hin? 3Kena yira ŋgi ki tia a e daŋga ma hin? Nyiɛkpↄↄ ŋumu ni e nↄↄ hle, na chaa mbe sɛ e ŋmaa kre nyu le na yire titi jaŋga ni. 4Kena kaalɛɛ nyjɛ e nya yire kro sɛ pe finfin ree? Ni n shↄ mu li na yie pe finfin ma. 5Kena ŋga e na li Mbose mbra yire na kre, kre na Nyiɛkpↄↄ na yila mna e ŋga u ŋumu wre, mna kawako kee pe e nu ree? ndee ŋga e na ketaan kre loo mu shↄ mu li kre na yi hin? 6Pan pe Abraham kee nyunↄ Nyiɛkpↄↄ hlɛ kre nu mu tɛɛ, mbo, "Abraham na Nyiɛkpↄↄ shↄ mu li, a u shↄnlie na Nyiɛkpↄↄ na u shↄ na u fraka." 7Kena ki fna mbe e chin na mblɛ pe Nyiɛkpↄↄ shↄ mu li kre, pre lɛ Abraham nanae. 8Nyiɛkpↄↄ kee kre pe nyunↄ mu tɛɛ kre, kra klu mu ki nyina na Nyiɛkpↄↄ we yire shↄnlie na, mbe leele mblɛ pe n pe Judae pre fraka. Ki tia Nyiɛkpↄↄ kee kre na klu mu u ketaan kre yo Abraham pan. Mbo, "kie yire mu na, mbe Nyiɛkpↄↄ waŋgra ŋga leele kro dwan." 9Abraham na shↄ mu li, a Nyiɛkpↄↄ na u dwan, kena ki tia mblɛ pe shↄ mu li kro, pie dwamu ta na wre wi. 10Mblɛ pe peyɛ wru mu taa Mbose mbra yire na, na lii yi kee na, mbe Nyiɛkpↄↄ pe shↄ kre, pe atɛ. Ŋgi na? Pe ki nyunↄ mu tɛɛ Nyiɛkpↄↄ kee kre nu mbo, "Ŋmba u n li kee nyjɛ pe nyunↄ Mbose mbra yire kro na nyjila kro nu kre, pe u sun." 11Kena fuŋga o kro ki chin chasi na ndro wa jaa yire Mbose mbra yire na mbe fraka Nyiɛkpↄↄ yiɛ, ŋgi na? Pe ki nyunↄ Nyiɛkpↄↄ hlɛ kre nu mu tɛɛ mbo, "Ŋmba we yire shↄnlie na mbe fraka Nyiɛkpↄↄ yiɛ kre we ŋmaa." 12La, na lewo li Mbose mbra yire na, ki koloo ki kiyɛ na Nyiɛkpↄↄ shↄnlie ni. A imi na pe ki nyunↄ Nyiɛkpↄↄ hlɛ kre nu mu tɛɛ, mbo, "Lewo ŋmba we li nyjɛ Mbose mbra yire yo na kro kre, we yire yi na mbe ŋmaa ta." 13La, pe Kristo sun mu o ŋga, a ki tia u o shↄ mu yili suŋgↄ kɛɛ, ŋga o Mbose mbra yire taanla kre na. Ŋgi na, pe ki nyunↄ Nyiɛkpↄↄ hlɛ kre nu mu tɛɛ mbo, "Lewo ŋmba pie kan kaan na kpan, Nyiɛkpↄↄ u sun." 14Pra Kristo pe ma, mbe ki ti mbe Nyiɛkpↄↄ dwamu ŋga wra yo we Abraham ŋga kre, mbe leele mblɛ pe n pe Judae pre yire Yesu Kristo na mbe ka ta, mbe o shↄnlie na mbe Kpra Ŋumu ŋmba kee Nyiɛkpↄↄ na yo wre ta. 15Ni wolo, ni chaa mbe kee ŋga leele pini tɛɛ mbe kee ŋga nyina. Na leele fni, mu nyu nunu pe kee ka na kre, ndro wa jaa pan mbe kre nyu nunu kre kla, ndee mbe ka ya kre nyu nunu kre na. 16Nyiɛkpↄↄ na nyu yo Abraham na u nana pan gbee tataara. Nyiɛkpↄↄ kee kre pe nyunↄ mu tɛɛ kre, ki n na nyina na Abraham na u nanae pan u ki yo. Kra nyina na, Abraham na u nana pan Nyiɛkpↄↄ na u nyu yo, a wre wi Kristo wre. 17Kee ŋga ni yuu yi na, Nyiɛkpↄↄ na nyu nunu pe na Abraham ni, mna u nyu yo na we li ki na. Kena Mbose mbra nyjɛ yira kↄ mu pan yɛlɛ lafɛɛ jijirɛ na fulo na kɛ kↄkro kre, yia jaa Nyiɛkpↄↄ nyu nunu kre wra pe kre kla, mbe u nyu ŋga wra yo kre kun. 18Kena yirɛ nyjɛ Nyiɛkpↄↄ kaan yire, na Mbose mbra na yi yire na paan waa, kena nyu ŋga u yo kre na ma hin? La, nyu ŋga Nyiɛkpↄↄ na yo Abraham pan kre na wra le mna u ŋga yira ŋga wra yo we u ŋga kre. 19Kena Mbose mbra yire tnumu na yi ŋgi hin? Nyiɛkpↄↄ na yire ŋga mu ya, mbe yi lewo nyina u sisam ŋga u pini. Mbra yire na pan mbe lewo nyina u sisam, mbe hɛ su na Abraham nana ŋmba pan Nyiɛkpↄↄ na nyu yo wre we pan. Nyjeeri bitumblↄ na Nyiɛkpↄↄ na yire mna Mbose mbra yire ŋga, a Mbose na leele pre ŋga mbra yire. 20La, ŋga Nyiɛkpↄↄ na u nyu yo Abraham pan kre, wre nunu chom wra ki pe, u nsra yire nyjeeri bituŋu na, ndee mna yire ndro wa na. 21Kena ki nyina na Mbose mbra yire pan mu Nyiɛkpↄↄ nyu ŋga u yo kre taan ree? Pan ma ki nyi. Na mbra ka naa wa mbra jaa lewo ŋga ŋmaa kre, lewo wra yire mbra na mbra fraka Nyiɛkpↄↄ yiɛ. 22La, Nyiɛkpↄↄ kee kre pe nyunↄ mu tɛɛ kre nyina na, waŋgra leele kro sisaa pe, ki tia Nyiɛkpↄↄ nyu ŋga u yo kre, u yire Yesu Kristo shↄnlie na mu ki ŋga. 23Nyjila ŋga ni Yesu Kristo nsra ta mu pan kre, na Mbose mbra yire o pe na nyuŋgo yi o yii mu le, mbe hɛ su na Nyiɛkpↄↄ we Yesu Kristo shↄnlie kre wↄ mbe o nyina. 24Ki tia Mbose mbra yire na pe na lewo wi na o le, a Kristo na chin mu pan, mbe ki ti o yire Kristo shↄnlie na mbe fraka Nyiɛkpↄↄ yiɛ. 25La, ŋga Yesu Kristo shↄnlie nyjila kre pan ŋga, Mbose mbra yire jaŋga n wa o na na. 26Yesu Kristo shↄnlie ki tia e kro pan mu pe Nyiɛkpↄↄ biile, a yire na wre Kristo wre pe nunu. 27Pra e ndrɛ je mbe yire na Kristo wre pe nunu, ki tia e Kristo kepele kro wru. 28Ki tia Judae, na leele mblɛ pe n pe Judae kre pe nunu, a tinlɛ na mblɛ pe n pe tinlɛ kro pe nunu, a bilɛ na chiɛlɛ kro pe nunu, a e kro na Yesu Kristo kro pan mu pe nunu. 29Ŋga yire na Kristo pe nunu ŋga, Abraham nanae lɛ yire, a ee yira ŋga nyu Nyiɛkpↄↄ na yo Abraham pan kre ta.

will be added

X\