Efisoe Hlɛ 5

1Ŋga Nyiɛkpↄↄ biile mblɛ u kori lɛ yire ŋga, e gbeŋmba e na u twan. 2E ti mbe koroo tni e nu, imi na Kristo o kori, mu yila o na mu ku kre. U kumu kre pe na yira ndiom taan ŋga pe tɛɛ mu sra wↄ mu Nyiɛkpↄↄ ŋga, a u yiɛ shↄ ki na yi. 3Ŋga e ta mu pe Nyiɛkpↄↄ leele ŋga, yaa ti mbe pe tiɛrɛɛ, ndee nɛɛrɛ kee, ndee jajaara kee pini, a yaa na yi kee yuu, ŋgi na, yire kee nyjɛ n fna na Nyiɛkpↄↄ leele ni. 4A yaa ti mbe kee sisaa, ndee jijiere paaraa, ndee mbe kefuɛn na yilii e nyuu. La, e na Nyiɛkpↄↄ kaan mboo. 5Yire titi e ja mu chin na, tɛtiɛrↄↄ, ndee nɛɛrɛ kee pefun, ndee jajaarafun wa le Nyiɛkpↄↄ ŋunumu kre nu, ŋgi na, pan yirɛ kro jajaara pee nyi na sɛɛn sumiɛ yi. 6Yaa shia ti mbe ndro kewɛɛ yɛ tɛɛ mbe e fana. Ŋgi na, yire sisam nyjɛ ndra na Nyiɛkpↄↄ krↄ kuↄn sisaa kre paan mblɛ ndie ki kan na kre. 7Kena pre leele pre nyini, yaa da pe na kuraa. 8Yire titi chↄↄ wↄmu nu e na nyi fa, la, ŋga e pan mu pe o Tafun wre wolo ŋga, kania na e nyi. Kena ki fna mbe e pe na kania wolo lɛ yire. 9Ŋgi na, kania ŋga kii wa e nu kre saara na, kee ŋga ki nyu, mu fraka, mu pe kpra, chiin ee na pini. 10E gbeŋmba na ee nyjɛ yi o Tafun wre yiɛ nyi chin. 11E eyɛ wↄ e yili wↄmu kewɛɛ nyjɛ leele pini yire nu. La, e yi wↄ fimi na. 12Kee nyjɛ pe ndra na pini kre, yi kee yoo pe nyifɛɛrɛ ni kuraa mu tro. 13Na e kee yire kro wↄ mu pan kania kre na kre, kie yi kee kro wↄ fimi na mbe ndro kro nya. 14Yira ŋga kie yili wↄmu nu, mbe pan kania kre na kpan, kie nya chasi mbe pe kania kre wo, kre ki tia pe ki yo mu tɛɛ mbo, "Ŋu ŋmba mu sni kre nyi, nyi mu yili kuulo nu, Kristo we pe kania mbe mu ŋga." 15Kena e e tnimu dↄↄta, yaa pe na jijiele lɛ, la, e pe na kachimblɛ lɛ. 16Kolo chiɛri ŋga ee ta kpan, e kee ŋga ki fna pe, ŋgi na, ble nyjɛ nu o nyi ŋga sheli. 17Kena yaa pe na e n jawala ni, la, e gbeŋmba na ee kee ŋga o Tafun wre chaa mbe e pe chin. 18Yaa simi gbↄ mbe to, kla lawee simi shie na lewo ni, la, e ti mbe Kpra Ŋumu wre tni e nu. 19E na mɛɛ nyjɛ e koni na Nyiɛkpↄↄ kaan mɛɛ yire kee tɛɛ e na paara eyɛ pan. E e na mɛɛ koni, e na o Tafun wre kaan mɛɛ e lolonyi nu. 20Nyjila kro nu, e yire o Tafun Yesu Kristo wre mɛɛ na e na O lɛ Nyiɛkpↄↄ wre kaan mboo kee kro na. 21Leŋgefɛɛnlɛ, Kristo fiɛrɛ na, e eyɛ nyjii e eyɛ ŋga. 22Chiɛlɛ, e eyɛ nyjii e e pilɛ ŋga, imi na e eyɛ nyjii mu Kristo ŋga kre. 23Ŋgi na, blↄ wree wa na jaŋga ni u chↄ na, imi na Kristo wree jaŋga ni u sumifɛɛnlɛ na kre, a Kristo wre titi wi sumifɛɛnlɛ mblɛ lɛ u wejiŋge kre ŋmaashↄfun. 24Kre ndra na, ki fna mbe chiɛlɛ peyɛ nyjii poŋgo mbe pe pilɛ ŋga, imi na sumifɛɛnlɛ peyɛ nyjii mu Kristo ŋga kre. 25Bilɛ leŋgefɛɛnlɛ, e e chiɛlɛ kori imi na Kristo u sumifɛɛnlɛ pre kori, mu ku pe tlo kre. 26Mu yire u kumu kre na mu sumifɛɛnlɛ pre pe cheche, mu yire u nyu kee na mu pe ndrɛ je. 27Imi kie pe mbe sumifɛɛnlɛ pre pe u wolo, mbe pe yiɛnyiŋge ta, mbe pe cheche, mbe nɛɛrɛ kee ka wa pe wa na. 28Bilɛ leŋgefɛɛnlɛ fna mbe pe chiɛlɛ kori na pre titi wejinyi yi. Lewo blↄ ŋmba u u chↄ kori kpan, mu chin na u uyɛ kori. 29Ndro n wa mu u wejiŋge pra, ndro kro u wejiŋge le chichie, mbe ki ŋga sro, imi na Kristo u sumifɛɛnlɛ pre pini kre. 30Ŋgi na, o pe u wejiŋge kre kokoe yɛ. 31Imi na Nyiɛkpↄↄ kee kre pe nyunↄ mu tɛɛ kre yo kre mbo, "Kre ndra na blↄ we u lɛ, na u lo ti, mbe wre na u chↄ sɛ mbra, mbe pe kro shiin sɛ pe nunu." 32Kre kee ŋga pe kpra kee ŋga ki ndra, a Nyiɛkpↄↄ ki wↄ mu nyina, a ni shↄ mu li na Kristo na sumifɛɛnlɛ pre kee ki yuu. 33Kena ndro kro u u chↄ kori na u wejiŋge yi, mbe chlↄ kro na u plↄ nyifɛɛrɛ piin.

will be added

X\