Efisoe Hlɛ 4

1Mi Pↄↄl, O Tafun wre sumiɛ na pe yila mu ni yii mu le nyuŋgo, kena ni e tali, e ti mbe e tnimu nyu, mbe fna na yeeree ŋga pe e yeeri kre ni. 2E eyɛ nyjii e eyɛ pe fiɛn fiɛn, e na frↄ nyjila kro nu. E yire koroo na e na eyɛ yiri mbe e krↄ wa na kuun nyaanyaa. 3Kpra Ŋumu wre wejinyiŋge ŋga u e ŋga mu tia e pe nunu kre, e gbeŋmba na ee ti mbe ki kro ma. 4Wejiŋge ŋga nu o nyi kree nunu, a Kpra Ŋumu wre o ta wree nunu, a dankna ŋga o ta o yeeree kre nu kree nunu. 5O Tafun wree nunu, a o shↄnliee nunu, a ndrajee nunu o ta, 6a Nyiɛkpↄↄ wree nunu, a u pe o kro Lɛ, mu pe o kro Tafun, a uu wa o kro nu, na tnumu tuni o nu. 7La, Kristo ndro kro ŋga u Ŋumu yirɛ nyjɛ u kaan kre imi na u chaa. 8Imi na Nyiɛkpↄↄ kee kre pe nyunↄ mu tɛɛ kre yo kre mbo, "Ŋga Kristo na jaŋga ta u loŋgoolo na kre, wra sɛ nyjeeri wa, mna yire wa mu leele ŋga Ŋumu yirɛ nyjɛ u kaan yire," 9Na pe yo "wra sɛ nyjeeri wa" ki nↄↄ yi ŋgi hin? Ki nyina na Kristo na yire nyjeeri wa mu tii mu pan tra mna. 10Kena wre ndro ŋmba wra yiri nyjeeri wa mu tii mu pan tra mna kre, wre ndro wre chↄↄ wra ndru mu sɛ nyjeeri wa kre, imi kie pe mbe pe u nya yira kro nu waŋgra ŋga nu. 11Wre chↄↄ u leele ŋga Ŋumu yirɛ nyjɛ u kaan yire, u plɛ wↄ a pe pe u bitumblↄ, mu plɛ wↄ Nyiɛkpↄↄ kee nyanyofɛɛnlɛ, a plɛ pe ketaan kre kpalifɛɛnlɛ, a plɛ pe Sↄfue na nyinafɛɛnlɛ. 12Wra yire kee nyjɛ krɛrɛ pe mu tɛɛ, imi kie pe mbe u Nyiɛkpↄↄ leele pre kro gbeele mbe pe ja mbe u tnumu ŋga ki fna tun, mbe ki ti sumifɛɛnlɛ mblɛ pe pe Kristo wejiŋge kre lɛ. 13Na ki pan ma kre, o kro we yire shↄnlie, na Nyiɛkpↄↄ Pↄ wre chiɛn na mbe pe nunu, mbe lɛ, mbe wre na Kristo wre paan pe nunu kolo kro na. 14Kena waa pe biile na, mbe kafinɛfɛɛnlɛ kee nyjɛ pe nyina yire fuflɛ na o wru mbra shie mbra paan, pre leele mblɛ, pre pe yire pre titi kooloe nyjɛ pe cha na, mu tia leele na punu. 15Na o taa kpra na koroo na kre, kolo kro na oo lɛ, mbe pe na Kristo wi. Wre wi o ndra. 16Wre na wejiŋge kokoe hɛnyi nyjɛ kro yire mu sooloe ta mu kan yi yɛ na, kena na wejiŋge kokoe yire kro tnumu tuni imi na ki fna kre, kena wejiŋge kre kro we yire koroo na, mbe kiyɛ yii mbe mbra, mbe lɛ. 17O Tafun wre mɛɛ nu ni kre kee ŋga mbe yo ŋga yuu na e jaari. Yaa ti mbe e tnimu pe na leele mblɛ pe n Nyiɛkpↄↄ chin pre lɛ na, kewɛɛ yii wa pe jawala nu, 18a pe jawala nyaa Nyiɛkpↄↄ kee kre na. Ŋmaa ŋga Nyiɛkpↄↄ kaan kre, pe haa le na ki ni, ŋgi na hin? Pe ndie kan, ki tia pe n yaka chin. 19Nyifɛɛrɛ ka n wa pe yiɛ na, ki tia chachaara kolo ŋga mu chin ŋga kro, pe tro ki na, na nɛɛrɛ kee nyjɛ mu chin ŋga kro pini. 20Yire kee nyjɛ ma e twan Kristo pan. 21U kee e na loo, mna taa u kro, a pra e nyina kpra ŋga kii wa u nu. 22Kena e laa e kelɛɛlɛ yire kro, yire kee yire yira tia e naa nyjɛ yi n fna pini, yira e kla, mna e fana, mu tia e na taa e niŋge sisaa na. 23E fna mbe e lolonyi na e jawala chinɛ, mbe yi pe fↄnyi. 24Ki fna e yili eyɛ, mbe pe na Nyiɛkpↄↄ wi, mbe fraka mbe pe cheche. 25Yaa na kala fnɛ na, ndro kro fna mbra kpra yuu u ŋmbrↄ pan, ŋgi na, o kro pe Kristo wejiŋge kre kokoe yɛ. 26Na mu krↄ kun kre, maa shia sisaa pe, a maa ti mbe krↄ mu kun mbe yila paan to ki na, 27a maa shia Sutna ŋga kolo. 28Lewo ŋmba u juu kre, u juuro ti, u tnumu chiriri tun na u kɛnyi ni, mbe ki ti u jaa ya shianfɛɛnlɛ na. 29Yaa ti mbe yolo fuɛn na yilii e nyuu. E ta kee nyjɛ yi nyu, mbe jaa lewo le gbeŋmbaa yuu, mbe e nyu kee jaa ya lewo na. 30A wa waa shia Nyiɛkpↄↄ Kpra Ŋumu wre pe mbe u yiɛ je, ŋgi na, Kpra Ŋumu wre ni Nyiɛkpↄↄ tɛɛ mu mu tnↄ, na u wo wi ŋu, a ble kaa wa na paan mbe u ti o oyɛ ta. 31Yaa ti mbe e lɛɛ sro, e eyɛ wↄ e yili gbun sisaa, na krↄ kuↄn nu. Yaa na fuuru ndee mbra leele tɛɛlɛ. A yaa ti mbe prara, ndee loŋgooro kee ka tni e nu. 32La, e na nyↄↄ e eyɛ na, e eyɛ fooro chin, e na eyɛ sisam tii e na kee, imi na Nyiɛkpↄↄ yire Kristo na mu e sisam ti mu e kɛ kre.

will be added

X\