Efisoe Hlɛ 2

1Jle kre e ndikana, na e sisam ndra na, e na ku ku. 2Kre nyjila kre na waŋgra sisam kro e taa, mna ndie tɛɛ sutna ŋmba u ŋunumu lii fuflɛ na kre pan, u ŋumu ki tnumu tuni leele mblɛ pe ndikana pini Nyiɛkpↄↄ kee na kre nu. 3Pan o kro na nyi chↄ, mna taa o sisam niŋge kro. Mna taa kee nyjɛ o wejinyi, na o jawala naa chaa na. Pan Nyiɛkpↄↄ krↄ na kun na o ni na chↄↄ, ŋgi na, pan o kepele na nyi na leele hamblɛ pre lɛ. 4La, Nyiɛkpↄↄ foorochiɛn, na u koroo kpↄↄ mu tro. 5Ki tia nyjila ŋga ni o ndikana na tia a o na ku, a wra yire Kristo na mu pan na o ni ŋmaa nu. Nyiɛkpↄↄ dumiɛ na ki yire a e ŋmaa ta. 6Ŋga wre na Yesu Kristo pe nunu kre na, Nyiɛkpↄↄ wre na Kristo chaa mu nyi, mbe wre na wre sɛ ŋunumu li nyjeeri wa. 7Nyiɛkpↄↄ na kre kee ŋga pe, mbe ki tɛɛ mbe mbakↄ nyjila ŋga kie pan mbe u imi na u dumiɛ, na u koroo yire Yesu Kristo na mbe kpↄↄ kre nyina. 8Ŋgi na, Nyiɛkpↄↄ dumiɛ saara na, e yire shↄnlie na mu ŋmaa ta. Ki n pe kee nyjɛ e pe na yi, la, Nyiɛkpↄↄ wre u e kɛ ŋmaa kre. 9Kena kee ka n wa mbe e ta mbe eyɛ kpↄↄ, ŋgi na? Kee ŋga e pe ma ki tia. 10Nyiɛkpↄↄ u o gbeele mbe wre na Kristo pe nunu, mbe kee nyjɛ yi fna pe, yire kee yire Nyiɛkpↄↄ klu mu yi pe mu tɛɛ mbe o tro yi na. 11Yire mblɛ pe nsra e se Judae kre, Judae mblɛ praa peyɛ yeeri fɛnyi knumufɛɛnlɛ kre, pre praa e pini na e n fɛnyi knumu. 12E sↄↄnri imi e na nyi fa, kre nyjila kre, na yire na Kristo haale, kre nyjila kre, na fumblↄ lɛ yire, na e n chaa Israel leele mblɛ Nyiɛkpↄↄ na wↄ pre nu. Na e kɛ n chaa Nyiɛkpↄↄ nyu nunu pee ŋga nyu wra yo u leele pan kre nu. Kre nyjila kre na ee wa waŋgra ŋga nu finfin, na kaan haa ka n wa e pan, a e nsra Nyiɛkpↄↄ chin. 13La, ŋga yire na Yesu Kristo pan mu pe nunu ŋga, yire mblɛ haa kra le kre, Kristo kumu tia a yire na Nyiɛkpↄↄ mbra aŋga. 14Kristo wre titi u o ŋga wejinyiŋge, mu tia Judae, na mblɛ pe n pe Judae kro pan mu pe leele nunu. U yire wre titi wejiŋge na, mu yira ŋga kraa pre leele mblɛ lalaa yↄↄlɛ, mu pe pe loŋgoolo kre kla. 15Wra Judae mbra yire, na yi kooloe tataara yire wↄ wa, imi kie pe mbe u ja mbe pre leele shiin mblɛ pe leele fumblↄ mbe pe pe mbe Kristo na pre pe nunu, mbe ki pan na wejinyiŋge ni. 16Kristo yire u kanyana kum kaan kre kumu na mu loŋgooro ŋga kii wa wa kre wↄ wa, mu yire u kumu kre na chↄↄ, mu pre leele shiin pre pe leele nunu. Mu ndru mu pan na pe ni Nyiɛkpↄↄ jaara. 17Kena Kristo na pan, mu ketaan ŋga ki paan na wejinyiŋge ni kre kpali ndro kro pan. Yire mblɛ e n pe Judae, a e haa na le na Nyiɛkpↄↄ ni kre, na Judae leele mblɛ pra mbra Nyiɛkpↄↄ na kro pan. 18Kristo na ki yire a Judae, na mblɛ pe n pe Judae kro, a o kro Kpra Ŋumu nunu wre ta, mu pan o Lɛ Nyiɛkpↄↄ wre yiɛ. 19Kena yire mblɛ e n pe Judae kre, waŋgra ka leele, ndee fumblↄ ma yire na, e pan mu pe Nyiɛkpↄↄ wre leele, na u sele leele. 20Nyuŋgo ŋga nↄↄ bitumblↄ pre, na Nyiɛkpↄↄ kee nyanyofɛɛnlɛ pre na le kre, kre na yire chↄↄ yire na, a Yesu wre titi wi nyuŋgo kre ndra. 21Wre u nyuŋgo kre yii mu mbra, mu tia kra lee, mbe sɛ pe suminyuŋgo cheche mbe o Tafun wre ŋga. 22Kena ŋga yire na Kristo wre pe nunu ŋga, pe yire na hamblɛ pre chaa na siin na nyuŋgo yi, mbe Nyiɛkpↄↄ yire u Kpra Ŋumu wre na mbe paan tni ki nu.

will be added

X\