Kokosae Hlɛ 3

1Nyiɛkpↄↄ yire na Kristo chaa mu nyi, mu e ŋga ŋmaa. Kena e e jawala taa yirɛ nyjɛ yii wa nyjeeri wa yire na, bawa Kristo nyi mu tni u ŋujↄↄn na Nyiɛkpↄↄ kalie. 2E ti mbe e jawala pe yirɛ nyjɛ yii wa wa yire na, yaa ti mbe e jawala pe tra mna yirɛ na. 3Ŋgi na, e ku, a e ŋmaa ŋga ee ta kree wa Kristo kɛɛ, a u ki ndra Nyiɛkpↄↄ nu. 4Kristo wi ŋmaa titi ŋga ee ta kre, kena ŋga ble we uyɛ wↄ kre, bawa yire na wre we chaa mbe yili, mbe e u yɛnyiŋge kre ka ta. 5Kena waŋgra ŋga niŋge kee nyjɛ yi tnumu tuni e nu kre, e yi gbo. Yirɛ nyi na, tiɛrɛɛ, nɛɛrɛ kepele, na chachaara, na niŋge sisaa, na jajaara. Ŋgi na, pan jajaara nyi na sɛɛn sumiɛ yi. 6Yire kee nyjɛ ndra na, Nyiɛkpↄↄ krↄ kuↄn kre we pan mblɛ pe n na lii u kee na kre na. 7A yire chↄↄ, yire kooloe nyjɛ na e naa tro fa. Kolo kro na, pan e tnimu na nyi. 8La, ŋga nu e nyi ŋga, ki fna mbe e yire kee nyjɛ krɛrɛ ti, krↄ kuↄn, gbun sisaa, na prara, na kroyoo, yaa ti mbe tɛɛlɛɛ na kefuɛn na yili e wa nyuu. 9Yaa na kalafnɛ eyɛ pan, ŋgi na, e kepele fuɛn nyjɛ e naa pini fa kre, e yire wa, 10mu kepele chiriri wru. Ki tia e kaari leele fumblↄ, a Nyiɛkpↄↄ ŋmba u e gbeele fↄŋgↄ kree wa na e kna nyjila kro nu, mbe e pe na wre wi, mbe chin imi na u nyi. 11Kre kee ŋga na kre, Judae, na mblɛ pe n pe Judae pre pe leele nunu, a mblɛ fɛnyi pe knumu, na mblɛ fɛnyi pe n knumu pre pe leele nunu, fuŋu n wa, ŋmba yiɛ ki nyaa n wa, tnu ndee lepↄↄ n wa, la, Kristo wi yira kro, a uu wa e nu kro. 12Nyiɛkpↄↄ leele lɛ yire, u e kori, mu e wↄ na u wolo lɛ yire. Kena e pe fooro chinfɛɛnlɛ, e na chichie pini, yaa na eyɛ kpↄↄri e eyɛ nyjii, e na frↄ. 13Kakrↄ ŋga kii wa, wa na u ŋmbrↄ lalaa kpan, e frↄ, e eyɛ sisam ti e eyɛ ŋga. Ki fna e eyɛ sisam ti mbe kɛ, imi na O Tafun wre e sisam ti mu e kɛ kre. 14Nyjɛ kↄkro ni kre, e eyɛ kori, koroo ki yirɛ kro yiri na mbra mbe yi pe nunu. 15Wejinyiŋge ŋga Kristo kaan kre, e ti mbe ki tni e lolonyi nu, ŋgi na, Nyiɛkpↄↄ e yeeri mbe e paan yire kre wejinyiŋge ŋga na mbe pe wejiŋge nunu, mbra Nyiɛkpↄↄ kaan mboo. 16E ti Kristo kee kre kro tni e lolonyi nu kpↄↄ. E na eyɛ nyina, e na paara e na eyɛ nyina kachindɛ ni. E na mɛɛ nyjɛ yi tna koni e na Nyiɛkpↄↄ kaan, mbra u kaan mboo e lolonyi nu. 17Kena ŋga ee pe, ndee ŋga ee yo kpan, e na ki pini o Tafun Yesu wre mɛɛ nu, e na yire u na e na o Lɛ Nyiɛkpↄↄ wre kaan mboo. 18Chiɛlɛ leŋgefɛɛnlɛ, e eyɛ nyjii e e pilɛ ŋga, ŋgi na, ŋga e pe Kristofɛɛnlɛ ŋga, pan ki fna mbe e pe. 19Bilɛ leŋgefɛɛnlɛ, e e chiɛlɛ kori, yaa na pe fiŋge. 20Biile, ŋga e pe Kristofɛɛnlɛ ŋga, e tnumu yi na ee ndie tɛɛ e loolo, na e lɛɛlɛ pan nyjila kro nu, ŋgi na, kre kepele kre na Nyiɛkpↄↄ yiɛshↄ. 21Loolo, na lɛɛlɛ, yaa ti mbe e biile krↄ na kuun, mbe ki ti mbe pe yiɛ na jee. 22Tinlɛ, e na e tafɛɛnlɛ mblɛ pee wa tra mna kre kee ndru kolo kro na, na pee wa e jaara na e le chiin ma ki fna e tnumu tun mbe pe e pni. La, e le imi na O Tafun wre nyi kre, e lɛɛ wↄ e tnumu tun. 23Yira ŋga ee pe kpan, e lɛɛ wↄ e ki pe, e pe na O Tafun wre e tnumu tuni na kaan, yaa na ki jawa na lewo e pini na kaan. 24E sↄↄnri na o Tafun wre we e ŋga fↄtↄↄrↄ ŋga ki fna. Yira ŋga u tɛɛ u leele pan kre, ee ki ta, ŋgi na, Kristo wi O Tafun titi, a wre e sumi. 25A sisam pefun, imi na u nyi kpan, Nyiɛkpↄↄ we u ŋga u sisam kre fↄtↄↄrↄ. Ŋgi na, na Nyiɛkpↄↄ kpra kuun, wra yoori.

will be added

X\