Nyiɛkpↄↄ Bitumblↄ Hlɛ 6

1Nyjila ŋga nu twanfɛɛnlɛ pre naa nɛɛi na yaa kre, kee ka na pan Griikie pre na Judae pre lalaa, na pe blenyini yirɛ nyjɛ praa yↄↄlɛ kre, pe pre Griikie lekuchiɛlɛ pre kuun na waa. 2A kɛmbↄshiin pre na twanfɛɛnlɛ pre kro yeeri, a pra pan mu fni, a pra yo pe pan mbo, "Ki n fna mbe o Nyiɛkpↄↄ kee kre yoo ti, mbra sro yↄↄlɛ. 3Kena e le eyɛ nu e bilɛ kↄↄnashin mblɛ pee wa na mɛɛ chichie ni, a Kpra Ŋumu wree wa pe nu, a pe pe kachimblɛ kre, mbe e pe wↄ mbe o kre tnumu ŋga wru mbe le pe kɛɛ, 4la, wre we oyɛ wru mbe le nyiɛtalaa na Nyiɛkpↄↄ kee nyinaa tnumu kre nu." 5Kee kre pra yo kre na twanfɛɛnlɛ pre yiɛ nyi kama, a pra Stefano ŋmba nu Kpra Ŋumu wre na nyi, a u shↄnlie na kpↄↄ kre wↄ, na Filipo na Prokro, na Nikanↄ, na Timↄn, na Pamana, na Nikolao, wra yiri Antokia na, mna uyɛ chaa Judae nu. 6Pre leele mblɛ ni pra pan mu yire bitumblↄ pre yiɛ, a pra yiri mna kɛnyi taataa pe na mna nyiɛtali mu pe ŋga. 7A Nyiɛkpↄↄ kee kre na nyina kuraa mu sɛ lee, a twanfɛɛnlɛ pre naa nɛɛi na yaa Jerusalɛm na wa, a Juda sↄfue pre tataara na taa pe kee kre na. 8Bawa Stefano ŋmba wra dwamu na jaŋga ta kre, na kawako na kekpↄɛ pe waŋgra kre nu wa. 9Bawa leele plɛ, pra pe Judae fninyuŋgo ŋga praa yeeri "O oyɛ ta" kre wolo, na plɛ pra pe Kirenie, na Alɛksandria, a pe plɛ na yiri Kilikia na Asia na, mna yiri na nyu kna na Stefano ni. 10A pe nsra ja mbe Stefano nyu yii, kra yire u kachindɛ na Kpra Ŋumu wre wraa wa u nu a wraa paara kre na. 11A pra yiri wa mna sɛ nyu le na leele plɛ ni, a pra pan mna yo na, "O loo a Stefano jiɛnlɛ kee yo mu Mbose na Nyiɛkpↄↄ taan." 12Ki tia pra kanyaa le lenɛɛrɛ pre na loplombo na nyinafɛɛnlɛ pre nu, a pra pan mu Stefano tↄ mna u yii mna sɛ loplombo yiɛ na. 13A pra kafinɛ dansiɛfɛɛnlɛ ta, a pra sɛ dansiɛrɛ li mu u taan mbo, "Wre blↄ ŋmba, blenyini ŋga, pan u paara na o sumindoo cheche kre na mbra yire taanla. 14O loo a wraa yuu na, Yesu Nazrɛt wo wre we pan mbe lawee ŋga kla, mbe paala nyjɛ Mbose na o nyina yire krɛrɛ tↄ mbe pan fↄnyi ni." 15A leele mblɛ pra fni wa kre kro naa Stefano le komm mna u nya na u yiɛ pe na Nyiɛkpↄↄ bituŋu yiɛ yi.

will be added

X\