Nyiɛkpↄↄ Bitumblↄ Hlɛ 14

1Ŋga pra le Ikoniↄm na wa kre, a Pↄↄl na Banabas na ndru mna sɛ le Judae pre fninyuŋgo ka nu wa mna ketaan kre yo na. A Judae pre na mblɛ pe n pe Judae pre tataara na kee kre shↄnli. 2A Judae ndikambla mblɛ praa wa wa kre na kanyaa le leele mblɛ pe n pe Judae pre nu mna pe ŋga jawala fↄↄn shↄnlifɛɛnlɛ pre haa. 3A Pↄↄl na Banabas na tni chia kre na mna mu, mna gbuntitirem tɛɛ mna o Tafun wre kee kre paara. A o Tafun wre titi na u kee kre praa yuu kre dansiɛrɛ li, mna yire pe na mna kawako kee pe tataara wa. 4Ŋga kra pan ma kre, chia kre leele pre na peyɛ yↄ shiin, a plɛ na taa Judae pre kro, a plɛ naa wa bitumblↄ pre kro. 5A kra pan na leele mblɛ pe n pe Judae pre na Judae pre na pe loplombo kro na pe jawala pe na pe shie sɛ Pↄↄl na Banabas fiŋge mbe pe waari na dnɛ ni. 6A pra ki chin mna fɛ mu sɛ Listra na Dɛbi na seechiɛ nyjɛ yii wa Lakonia tra nu kre na. 7A pra tni wa mnaa ketaan kre yuu. 8Kre nyjila kre, na fna blↄ waa wa Listra na wa, mu fuuru mu yire u bimi, ki tia u nsra da mu yiri mu nyaari. 9Ŋga wra loo na Pↄↄl ketaan kre yuu kre wra ndie tɛɛ na kee kre ndru, a Pↄↄl na u le dumm mna nya na shↄnlie wa u nu na we saanla. 10A Pↄↄl na fuu mna yo mbo, "Le, yiri mu yire sholo!" To, a blↄ wre na taan mu yiri mu yire na nyaari. 11Ŋga lenɛɛrɛ pre na kee ŋga Pↄↄl na pe kre nya kre, a pra kna na yuu Lakonia yolo nu mbo, "Wolo, sɛɛnlɛ yi yɛ kna leele mu pan mu chaa mu tni o nu." 12A praa Banabas yeeri Zeus, pe sɛɛn ka mɛɛ na, mna Pↄↄl ŋga Hɛmɛs, na Pↄↄl rɛ, na wre wi pe paarafun, kena pra wre mɛɛ tɛɛ pe sɛɛn ŋga kraa paara kre na. 13A Zeus ŋga nyuŋgo kraa wa chia kre nyu na kre kↄmfuↄ na sɛ nablɛm yii na toto nyjɛ pe pↄ ni, mna pan na yi ni chia nyu na wa na chaa mbe wre na lenɛɛrɛ pre u gbo mbe sra wↄ. 14Ŋga Pↄↄl na Banabas na kee kre loo kre, kra pe yaa kuraa mu tro, a pra pe dodonyi tini mu knumu peyɛ na, mna gble fↄↄri mu le, mna tin mna sɛ le lenɛɛrɛ pre nu. 15Mbo, "Bilɛ e le, mni a e na piin ma hin? Leele lɛ wre chↄↄ na yire lɛ, a o pan na ketaan kre yuu e pan na e laa sɛɛnlɛ wɛɛ nyjɛ kro, e pan e taa Nyiɛkpↄↄ ŋmba wa ku wre kro. Wre u nyjeeri na tra gbeele, na epo na yirɛ nyjɛ yii wa yi nu kro ni. 16Nyjila ŋga ki pan mu tro kre, wre wra waŋgra leele kro ŋga kolo na pra tro kolo ŋga pre titi chaa na. 17A nde wra tia pra chin na uu wa na pe pini chichie, na pe kaan nyumu na nyjila ŋga nu sro paan, na pe kaan sro na yɛshↄↄrↄ pe lolonyi nu." 18Ŋga Pↄↄl na Banabas na yire kee nyjɛ yo leele pre pan a pra loo kre, kre ni pra ja mna leele pre sↄↄnrↄ gbo chiɛri, a pra sra kre wↄↄ ti. 19A Judae plɛ na kↄ mu yiri Antokia na Ikoniↄm na, mna pan Listra na wa, mna pan mu paara mu leele pre gbee a pra Pↄↄl waari na dnɛ ni, mna yo chiin u ku, mna u fulo mna sɛ u wa chia kre mbookrↄ. 20Ŋga twanfɛɛnlɛ mblɛ praa wa wa kre na sɛ Pↄↄl kun mu le lalaa kre, a wra yiri mna le chia lam. Ŋga nyiŋge na se kre, a wre na Banabas na sɛ Dɛbi na. 21Ŋga pra sɛ ketaan kre yo wa kre, pra twanfɛɛnlɛ tataara ta wa mblɛ pra pe jawala chinɛ. A Pↄↄl na Banabas na ndru mna sɛ Listra na Ikoniↄm na Antokia na, 22mna sɛ gbeŋmbaa le twanfɛɛnlɛ mblɛ praa wa wa kre nu, na pe tni shↄnlie kre nu, mna pe nyina na oo kala nya tataara mbe chiin sɛ Nyiɛkpↄↄ ŋunumu kre nu. 23Bawa Pↄↄl na Banabas na loplombo wↄ wↄ mu tɛɛ tɛɛ pe suminyinyi yire nu. Mna blefuↄn na nyiɛtalaa wru mna pe wru mu le o Tafun ŋmba pra shↄnli wre kɛɛ. 24Ŋga pra yiri wa kre, a pra tro Pisidia tra nu mna sɛ to Pamfilia tra na. 25A pra ketaan kre yo Pɛge na, mna yire wa mna sɛ Atalia na. 26Ŋga pra yiri wa kre, a pra krↄ wru mna ndru mu sɛ Antokia na, chia ŋga na pra pe wru mu le Nyiɛkpↄↄ kɛɛ a pra chin mu sɛ kre na. 27Ŋga pra le kre, a pra shↄnlifɛɛnlɛ pre kro fni titɛɛ, mna kee nyjɛ Nyiɛkpↄↄ na pe tɛɛ mna pe yire krɛrɛ yo pe pan, na imi na Nyiɛkpↄↄ hɛ shↄnlie kolo nyaa mu leele mblɛ pe n pe Judae pre ŋga. 28A pra tni twanfɛɛnlɛ pre ni Antokia na wa mna mu.

will be added

X\