Tesalonika Hlɛ Shiinwo 3

1Ni wolo, ŋga ki kro tↄ yi na, e nyiɛtali e o ŋga, mbe o Tafun wre kee kre kpali mbe sɛ yiɛ nyaanyaa, mbe yɛnyiŋge ta, imi na kra pe e nu kre. 2E nyiɛtali mbe Nyiɛkpↄↄ wre o wↄ mbe yili ndra shelifɛɛnlɛ, na sisam pefɛɛnlɛ pre kɛɛ. Ŋgi na, ndro kro ma u ketaan kre shↄ mu li. 3La, o Tafun wre pe kprafun, we e ŋga faŋga, mbe kɛ tↄ e na, mbe e shↄ mbe yili Sutna wre kɛɛ. 4O Tafun wre u ti mbe o dankna e na. O shↄ mu li na ee pe imi na o e nyina kre, mbe kro mbra pini ma nyjila kro nu. 5O Tafun wre u e jawala nyaa mbe e Nyiɛkpↄↄ koroo kre nya, mbe e jaa frↄ mbe Kristo shie. 6O wolo, o o Tafun Yesu Kristo wre mɛɛ tɛɛ na yuu e pan na, e eyɛ kun e wolo sumifɛɛnlɛ mblɛ pe gbashia lii kre na. Kooloe nyjɛ o pe nyina kre, pe yi je. 7Yire titi chin na imi o na pe kre, pan ki fna e pe. Nyjila ŋga ni o naa wa e jaara kre, o nsraa gbashia lii. 8Ndro nsraa wa a o na u sro li finfin. Ŋga ndro we ya o na mbe waa u fun fↄlↄ tↄ kre ndra na, o na tnumu tun kpↄↄ, lafo na blee, imi kie pe mbe waa e wa gbun na fↄlↄ ni. 9Ki n pe na kolo ki nsraa wa o pan, mbe o yaka shↄ e pan, kre ki tia o na ma pe. O naa chaa mbe e o le mbe twan, kre ki tia o na pe ma. 10Ŋga o naa wa e jaara kre, o na yo e pan na, "Ŋmba u n na chaa mbe tnumu tun kre, yaa ti mbe u li." 11Ŋga ki tia o na yuu ma kre, o loo na leele plɛ wa e nu mu na gbashia lii, pre leele pre n na yaka pini, la, leele kee nyjɛ nu pe n fna, u yuu na tro. 12O o Tafun Yesu Kristo mɛɛ tɛɛ na pre leele mblɛ jaari na, pe tni imi na ki fna, mbe tnumu tun mbe peyɛ le. 13O wolo, yire waa shia fna chichie pee na. 14Aada ndro waa wa e nu mbe wa li kee nyjɛ o e nyunↄi ŋga na, na ki pan ma kre, e u fun dↄↄta, e eyɛ kun u na, mbe ki ti mbe nyifɛɛrɛ u gbo. 15La, yaa u pe na e loŋgo wi, la, e u jaari na e ŋmbrↄ sumifun wi. 16O Tafun ŋmba u o kaan wejinyiŋge kre, u e ŋga wejinyiŋge nyjila kro nu, na kolo kro na. Yire na, o Tafun e tni. 17Mi titi kɛ nyu nyunↄmu yi nyjɛ; Mi Pↄↄl, e shaari. Na mi titi hlɛ nyunↄ, pan ni ki nyunↄi imi, mbe ni mɛɛ le ki jaara. 18Yire na o Tafun Yesu Kristo dumiɛ e tni kro.

will be added

X\