Pita Hlɛ Shiinwo 2

1Kafinɛ Nyiɛkpↄↄ kee nyanyofɛɛnlɛ naa wa fawolo pre nu, pan chↄↄ kafinɛ kee nyinafɛɛnlɛ yiri e nu. Pie kala fnɛ mbe leele nyina kee nyjɛ yi n fna, mbe yiri mbe pe Tafun ŋmba u pe lↄ wre je, mbe yire ki na mbe sɛ fun. 2Lenɛɛrɛ we taa pe sisam kee yire na, a pe kee nyjɛ pie na pini yire we ti mbe lenɛɛrɛ paara mbe kpra kolo kre taan. 3Pie yire pe jajaara na, mbe kee tataara fnɛ, mbe yire yi na mbe tnu ta tataara. Pe kpra kunfun uyɛ kna mu tni fuŋga ma, a ŋmba we pe ndie tini kre, wree wa mu tni na pe sri, wraa sni. 4Nyjeeri bitumblↄ mblɛ pra sisaa pe kre, Nyiɛkpↄↄ nsra pe ti, wra pe wa lawee ŋga nu pe kuulo ndie tinii, bawa pe nyi wↄmu nu, a u jlↄnyi le pe na, pra Nyiɛkpↄↄ kpra kun ble kre sri. 5Leele mblɛ praa wa waŋgra nu fa kre, Nyiɛkpↄↄ nsra pe ti, pe mblɛ praa wa a pe nsra Nyiɛkpↄↄ shↄnli kre, wra tia nyumu na pan mu pe li peii. Leele mblɛ wra shↄ na lɛ, Noa na u leele kↄↄnashin pre, a Noa wra ketaan kre kpali. 6Nyiɛkpↄↄ na Sodom na Gomora leele gbun na pimi ni, mna kanhun tɛɛ mu pe kla, mbe leele pe nya, mbe chin na leele mblɛ pe n na lii Nyiɛkpↄↄ kee na kre, na pan we pe pe. 7Wra Lↄt shↄ, Lↄt na pe lewo ŋmba u fraka, a sisampefɛɛnlɛ pre na pe sisam kee tɛɛ mna u hau. 8Wre blↄ ŋmba wra pe lewo chichio, a wre na leele pre na tni mu chaa, nyjila kro nu wraa pe sisam kee yire nyaa, na yi ndru, a pe sisam kepele yire na u shian mu tro. 9A na Nyiɛkpↄↄ chin kolo ŋga we tro mbe u leele shↄ mbe yili penlee nu, mna chin kolo ŋga na we tro mbe sisampefun ndie tini mbe sɛ su u kpra kun ble kre nu, 10leele mblɛ pe taa pre titi nɛɛrɛ kee, na wejiniŋge sisaa kee na, mu Nyiɛkpↄↄ jaŋga le kewaa kre. Kafinɛ kee nyinafɛɛnlɛ pre, pee gbun ni, a pe kee ka ma ŋga kie pan ni, pe n na fiɛ na pie yɛnyiŋgefɛɛnlɛ mblɛ pee wa nyjeeri wa kre tɛɛlɛ. 11Nyjeeri bitumblↄ mblɛ faŋga ki kpↄↄ mu wɛ pre kafinɛ kee nyanyofɛɛnlɛ pre na kre, pre kuraa na pe tɛɛlɛ O Tafun wre yiɛ na. 12La, pre leele mblɛ jijiele lɛ, pan pe nyi na nyaalam yurɛ mblɛ pe se, mbe pe pe yii gbo lɛ. Yirɛ nyjɛ nↄↄ pe n na ndru yire pe tɛɛlɛ. Pie pe kla na nyaalam yurɛ lɛ. 13Kanyana nyjɛ pe tia leele na nyaa kre, yire kanyana yire ni pie tɛɛ mbe pe fↄlↄ tↄ. Ŋga ki pe yiɛshio yi wejiniŋge sisam kee nyjɛ pe pini lafo na. Na yire na pre chaa na lii kre, pe niŋge sisam kee yire na pe jawala nyi, a pan pe nyi e nu na nɛɛrɛ wa mbↄfiŋge na. 14Na mu pe nyiɛlɛ nya to, mu chin na tiɛrifɛɛnlɛ lɛ, nyjila kro nu sisam pe pini, na mblɛ pe n ta mu yire kre fana, pe jajaara kpↄↄ mu tro. Nyiɛkpↄↄ pe sun. 15Pe fun kpra kolo kre na, kolo ŋga Boso pↄ Balaam na wru kre, kre pe wru, wre wra yila swa ŋga we ta na mna sisaa pe, 16a wra u sisam kre yɛgbↄↄnrↄ ta. U Bubnↄ na paara u pan na ndro wi, mna u tↄ kee nyjɛ wraa shie sɛ pe yire kolo. 17Pre leele mblɛ pan pe nyi na bloe nyjɛ nu nyumu n wa yi, pan pe nyi na tloe nyjɛ fuflɛ gbuun na shie yi. Nyiɛkpↄↄ lawee cha mu tɛɛ pe pan wↄmu lawee jiom kre nu. 18Nyu kpↄↄmu, na jijiere kee pe yuu, pe yire pe niŋge sisaa kee yire na na leele mblɛ pe chaa mbe peyɛ kun sisampefɛɛnlɛ na kre fana. 19Pe nyu yuu pe pan na pie ti pe peyɛ ta, a pre titi pre tinlɛ lɛ, pe sisam nyjɛ na pie pe kla yire tinlɛ lɛ. Yira ŋga kɛɛ lewo we uyɛ wru mbe le kro ki tnu wi. 20Na lewo ja mu yire O Tafun, na o ŋmaashↄfun Yesu Kristo wre chiɛn na mu uyɛ shↄ mu yili waŋgra kefuɛn nu, na waa ndru mu sɛ uyɛ le yi nu na kre, kre ndro wre sisam weni u jle na. 21Na kre leele pre nsra kofrakaa kre chin kuraa kre, kaa kre prↄ ŋga pe pan mu ki chin, mu ndru mu krↄ kna mu wa mbra cheche nyjɛ pe pe ŋga yire na. 22Pe kepele yire tia yomini ŋga pe gbuun kre pe kpra mbo, "Nyukwan ndru mu sɛ na u tuuroo lala", a "Prako ŋmba pe weli ndru mu sɛ gbila u frɛrɛ nu".

will be added

X\