Korintoe Hlɛ Shiinwo 9

1Fuŋgaami ŋga ki n shian na mbe e nyunↄ yirɛ nyjɛ leele Nyiɛkpↄↄ leele pre kaan yire kee na. 2Ni chin na yire titi chaa mbe kɛ fa, a ki tia ni e tɛɛ mu niyɛ kpↄↄ Makedonia leele pan, ndaa yo pe pan na yire Achia leele na eyɛ kna ale, na chaa mbe Nyiɛkpↄↄ leele kɛ. Ŋga e chaa mbe pe kre tia pe nɛɛrɛ yiɛnyina. 3Ni o wolo mblɛ tuni e pan, imi kie pe mbe pe chin na, ŋga o e teeri na oyɛ kpↄↄri kre, na nyu kee ma o yuu. La, imi na ndaa yo pe pan kre, ni shↄnli na e eyɛ kna na chaa mbe kɛ. 4Na ki n pe ma, na mi na Makedonia leele pre plɛ waa pan, mu nya na e n eyɛ kna kre, nyifɛɛrɛ we mi na yire kro gbo, na o kaan e na. 5Ki tia ni ki pe keshian, mu o wolo mblɛ tali, mbe pe yiɛklu mbe pan mbe yirɛ nyjɛ e chaa mbe kɛ yire nyu ble. Kena mi naa paan wa kre, na kee kro pe nunu, kie nyina na yire titi e chaa mu yirɛ yire ŋga, ki n pe na fna ki fna mbe e yi ŋga. 6E kee ŋga mbe yo ŋga le chichie, ndro ŋmba u yirɛ ndru nɛɛrɛ kre kuun nɛɛrɛ, a ŋmba u ndru fiɛn kre na kuun fiɛn. 7Ndro kro u kɛ imi na u jawa u loloŋgo nu, wa waa shia yirɛ kɛ yɛjeere ni, ndee jaŋga ni, ŋgi na, Nyiɛkpↄↄ ndro ŋmba u yirɛ kee yɛshↄↄrↄ ni kre kori. 8A Nyiɛkpↄↄ we jaa mu ŋga mbe yi nɛɛ mbe wɛ imi mu chaa na, imi kie pe mbe mu nyjɛ mu chaa ta mbe yɛ kro. Mbe mu plɛ ŋga na yɛshↄↄrↄ ni. 9Imi na pe ki nyunↄ Nyiɛkpↄↄ hlɛ kre nu kre mbo, "U lɛɛ woni na shianfɛɛnlɛ kee, u chichie pee wa nyjila kro nu." 10A Nyiɛkpↄↄ ŋmba u falifun kaan yirɛ bie mbe u luu, mbe u ŋga sro mbe u li kre wre we e ŋga yirɛ bie nyjɛ yi e shian, mbe ti yi lɛ, mbe jaa sɛ nɛɛrɛ, ŋga e kee lɛɛ nunu ni kre na. 11Wre we ti e ta nɛɛrɛ, mbe jaa lɛɛ wↄ mbe kɛ nyjila kro nu, mbe ki ti lenɛɛrɛ yire yirɛ nyjɛ ee yire o na, mbe pe kɛ yire na, mbe Nyiɛkpↄↄ ŋga mboo. 12Na e kre tnumu ŋga tuni kre, ki n pe nyjɛ yi Nyiɛkpↄↄ leele shian chiin e pe kaan, la, e tia lenɛɛrɛ na Nyiɛkpↄↄ kaan mboo badaŋga. 13A leele we yire nyjɛ e piin yire na, mbe Nyiɛkpↄↄ ŋga yɛnyiŋge, ŋga e lii Kristo ketaan ŋga kro e yo e taa kre na, na imi e lɛɛ woni na pre na lenɛɛrɛ kaan yirɛ kre. 14A e la we pe ta, a ŋga Nyiɛkpↄↄ e dumi kpↄↄ kre na, pie nyiɛtali mbe e ŋga. 15E ti mbe o Nyiɛkpↄↄ ŋga mboo, na u o ŋga u Pↄ wre, hali o n chin imi nyini oo yo.

will be added

X\