Korintoe Hlɛ Shiinwo 8

1O wolo, o chaa mbe e chin dumiɛ ŋga Nyiɛkpↄↄ Makedonia sumifɛɛnlɛ pre dumi. 2Kanyana badɛnyi na pe da, la, pe yɛshↄↄrↄ na kpↄↄ, hali pe shian nu kuraa kre, pra lɛɛ nunu tɛɛ mna yirɛ kɛ. 3Ni chaa mbe yo e pan na, pre titi chaara na kre, pra wↄ mu wɛ imi na pie ja na. 4Pra nyibinyiɛ tɛɛ mu o tali, na pe chaa mbe ya Nyiɛkpↄↄ sumifɛɛnlɛ mblɛ pee wa Judea na kre na. 5Imi na o naa jawa kuraa kre, pra pe mu wɛ ma na, ŋga ki yiɛ klu, pra klu mu peyɛ wru mu o Tafun wre ŋga, mna ndru mu peyɛ wru mu o ŋga, imi na Nyiɛkpↄↄ chaa. 6Ki tia o Tito ŋmba wra kre tnumu ŋga nↄↄhle e pan wa kre tali, mbe u paan ya e na, mbe e ja mbe kre koroo tnumu ŋga tun mbe kↄ. 7Nyjɛ e ta yire kro, e ta mu tro, e shↄ mu li, mu paara mu chin, mu kala chin, mu na gbeŋmba, a e o kori kpↄↄ. Ki tia o chaa mbe e lɛɛ wↄ mbe kɛ imi na ki fna. 8Mbra ma ni leni e pan jaŋga na. La, ni chaa mbe e nyina imi na plɛ yiɛ nyina na chaa mbe ya plɛ na. Kre kie ti mbe ni chin imi na e koroo nyi. 9E o Tafun Yesu Kristo lɛɛtnam kre chin, imi na wra yirɛ kro ta mu da, a wra yila e na mna uyɛ pe shianfun, mbe yire ki na mbe ti e yirɛ ta. 10Ni jawala ŋga ni ta mbe e ŋga kre kee ŋga ni yuu ŋga haa yi na, ki nyu mu e ŋga na ee tnumu ŋga nↄↄ e na hle ale kre tun mbe sɛ kↄ. Yire e na yiɛklu mna pan na ki jawala ni, hali mna kɛ imi na ki fna. 11Kena e taa e ki tnumu kre tun, e ti mbe e yiɛ nyina mbe e ki tun imi na e na ki jawa kre, e yirɛ nyjɛ yii wa e pan kɛ. 12Na mu chaa mbe yirɛ kɛ kre, ŋga kii wa mu pan mbe mu kɛ kre, kre Nyiɛkpↄↄ chaa. la, ŋga ki n wa mu pan ma u chaa mu kɛ. 13O n na chaa mbe plɛ wuu, mbe yire na kala nyaa, 14la, ŋga yire ta nɛɛrɛ fuŋgaami ŋga, ki nyu na ki fna e ya mblɛ pe shian kre na. Kena na yire waa shian, a pre waa ta kre, mbe pre kna mbe ya yire na. Na ki pan ma, kena e kro yila. 15Imi na pe ki nyunↄ Nyiɛkpↄↄ hlɛ kre nu mu tɛɛ kre mbo, "Ŋmba wra koli nɛɛrɛ kre, u nsra ta nɛɛrɛ, a ŋmba wra koli fiɛn kre, u nsra ta fiɛn." 16Ni Nyiɛkpↄↄ kaan mboo na e kee Tito shian, imi na e kee ni shian kre. 17Ki n pe na ŋga o u tali kre chiin yi, la, u yiɛshↄ na u paan mbe ya e na, ni shↄnli na wre titi chaa mbra pan wa fa. 18O wre Tito, na o ŋmbrↄ ŋmba sumifɛɛnlɛ pre kro yila u ketaan kpalaa na, na u kaan mɛɛ kre tuni e pan. 19A u kee ŋga ki ya yi na, sumifɛɛnlɛ pre pra u wↄ mu ya o na, mbe wre na wre sɛ na yirɛ nyjɛ pra wↄ yire ni Jerusalɛm na, kre tnumu ŋga kie o Tafun wre ŋga yɛnyiŋge, mbe nyina imi o chaa mbe ya oyɛ na. 20O chaa mbe ndro kro jawala saan u na yire yirɛ yire sɛɛ na. 21O tnumu yi na oo kee ŋga ki fraka pe, ki n pe o Tafun wre yiɛ na chiin ki fna o pe ma, la, ki fna o pe ma leele yiɛ na na. 22Ki tia o pre na o ŋmbrↄ wa tuni e pan, o u le, mu nya na nyjila kro nu, u chaa mbe ya leele na, kre kolo ŋga tia u yiɛshↄ, ŋgi na, u dankna e na kpↄↄ, na chaa mbe ya e na. 23Tito rɛ, mi na wre o tnumu tuni na yaa e na, la, o wolo hamblɛ pre rɛ, sumifɛɛnlɛ pre pe pe wↄ, mbe pe yire pe jeelee na mbe Kristo wre ŋga yɛnyiŋge. 24Kena e pe kori, mbe ki ti sumifɛɛnlɛ pre e koroo kre nya, mbe chin na, na o e teeri na oyɛ kpↄↄri rɛ, na kpra yi.

will be added

X\