Korintoe Hlɛ Shiinwo 7

1Ni wolo, ŋga pe yire kee nyjɛ yo mu tɛɛ o pan mbe o yi ta ŋga, e ti mbe o oyɛ wↄ mbe yili kee nyjɛ yi lewo toni nɛɛrɛ ni nu, mbe pe cheche, mbe tni Nyiɛkpↄↄ fiɛrɛ nu. 2E lɛɛ wↄ e o kee kre loo. O n da mu e wa pe sisaa tun, a o n e wa wa mu fun, a o n e wa dnumu. 3Ni n na kre kee ŋga yuu mbe e gbun na pimi ni. Ŋgi na, ni klu mu yo e pan na o e kori, na o ku o, na o le o, wre na yire lɛ. 4Ni dankna e na mu tro, ni e teeri na niyɛ kpↄↄri, a kanyana nyjɛ nu kuraa kre ni kaan e na, a ni yiɛshↄ mu tro. 5Hali ŋga o na le Makedonia na kre, o n sra wuu. Mna oo tro kpan kanyana, na kakrↄ ni o fni, kra tia fiɛrɛ na o yii. 6La, Nyiɛkpↄↄ ŋmba u foorofun lɛɛ nyiŋgei wre na tia Tito na pan, a o gbun na nyjii o na. 7U paan kre chiin ma, la, mandiɛ ŋga wra o bↄ, na e na u gbeŋmba kre ya na. Wra yo o pan na e ni chaa mbe nya, a ŋga e na o mandiɛ loo kre, fooro na e yii kpↄↄ, a ni kee e shian, ki tia ni yiɛshↄ mu tro. 8Hali na ni hlɛ jle kre na tia e yiɛ na je kuraa kre, ki n na ni yaa na. Ŋga ndaa nya na hlɛ kre we ti mbe e yiɛ je kre, kra ni yaa chiɛri, la, ni nya na ki nsra tia e yiɛ na je mu sɛ yiɛ. 9Fuŋgaami ni yiɛshↄ na ndaa kre hlɛ kre nyunↄ, ki n pe ŋga kra tia e yiɛ na je kre na yi, la, ŋga e yɛjeere kre tia e chinɛ kre na yi. Kre yɛjeere kre Nyiɛkpↄↄ chaa. Kena o n e pe sisaa. 10Yɛjeere ŋga ni Nyiɛkpↄↄ paan kre, jawala chinɛɛ ni ki paan, mbe o yire ki na mbe ŋmaashↄmu ta. Kena na ki pan ma, fooro lie n wa ki nu, la, waŋgra yɛjeere rɛ, kumu ni ki paan. 11E yira ŋga Nyiɛkpↄↄ yɛjeere kre e ŋga kre le, imi ki tia e na dↄↄtaa, mu tia e jawala saan e na, a ki tia e na eyɛ woni sisam nu, mu tia e na Nyiɛkpↄↄ fiɛ, mu tia ni la e ta, a e na ni chaa mbe nya, na imi na e kpra lii, na sisam pefɛɛnlɛ ndie tinii! Kaalɛɛ yire kro nu, nɛɛrɛ ka n wa e na. 12La, ndaa e nyunↄ, a ki n pe ŋmba wra sisaa pe, ndee ŋmba na pra sisaa taa na ndaa yila mna e nyunↄ, la, imi kie pe Nyiɛkpↄↄ yiɛ na, mbe yire titi chichie ŋga e o pe nya. 13Mu yire yire kee nyjɛ krɛrɛ na kre, o gbun nyjii. A o gbunnyiŋge kre chiin ma, la, ŋga o na Tito nya a u yiɛ na shↄ e yaa ŋga e na ya u na kre na o yiɛ na shↄ mu tro. 14Ndaa e tɛɛ mu niyɛ kpↄↄ u pan, a e n tia nyifɛɛrɛ ni gbo. O kpra kre yo e pan nyjila kro nu. Pan chↄↄ kpↄↄmu ŋga o oyɛ kpↄↄ na e ni Tito pan kre, pe ma yɛŋgɛ. 15Ki tia na u sↄↄnri imi e kro na ndie tɛɛ, mna u yii fiɛrɛ, na seeree ni kre, ki tii mbe imi u e kori kre kpↄↄ mbe ya. 16Ni yiɛshↄ kpↄↄ a ndaa kaan e na.

will be added

X\