Korintoe Hlɛ Shiinwo 13

1Ni gbee taarɛ wo ni paan mbe e shaari wa kre. Kee ŋga na dansiɛfɛɛnlɛ shiin, ndee taarɛ nyi kpan we yirehaa ta. Imi na pe ki nyunↄ Nyiɛkpↄↄ hlɛ kre nu mu tɛɛ kre. 2Yire mblɛ e na sisaa pe fa, na e hamblɛ pre kro, ni chaa mbe e jaari, kee ŋga mbe yo ŋga, ndaa ki yo e pan, ni paan shiin wo kre nu, a ŋga ni n wa e jaara ŋga, mbe ndruu ki yo na. Na ndaa ndru mu pan na kre, wa n wa mbe shↄ ndie tinɛɛ kɛɛ. 3Yaka e chaa mbe nya, mbe chin na Kristo u yire ni na na paara. Yire titi chin na Kristo n pe pↄlɛfun e nu, u u jaŋga nyina e lalaa. 4U pↄlɛm nu pra u kan kanyana kumu kaan kre na, a u yire Nyiɛkpↄↄ jaŋga na mu ŋmaa ta. Kena ŋga wre na wre pe nuu ŋga, o pↄlɛ na, nde Nyiɛkpↄↄ saara na wre na yire we tni mbe o ya e na. 5E eyɛ le, na ee wa mu taa shↄnlie kre na rɛ. Ni shↄ mu li na e chin na Yesu Kristo wree wa e nu. Fↄna aada e to ya. 6Ni shↄ mu li na ee chin na o n to. 7O Nyiɛkpↄↄ tali na e kaan na yaa sisaa ka pe. Ki n pe ŋga leele we nya na e yire gbiŋmbi, la, na ee kee ŋga ki fraka pe, hali na pe o le na o to. 8Ŋgi na, waa jaa kee ka pe mbe kekpra kre taan, la, chichie o piin na ki kaan, 9a o yiɛshio na o pↄlɛ, a yire na faŋga taa, ŋga o tali Nyiɛkpↄↄ pan yi na, ee sɛ yiɛ. 10Kre ki tia ŋga ni n wa e jaara kre, a ndaa e nyunↄi hlɛ ŋga. Kena na mbaa pan e nu kre, mbe mba pan na krↄ ni, ŋgi na, o Tafun wre jaŋga ŋga u ni ŋga kre ni ni paan mbe e le faŋga, e kla haa ma ni paan. 11Ni wolo, ŋga ki kro tↄ yi na, e ti mbe e yiɛshↄ, e ti mbe e yiɛ nyina kee ŋga ki nyu na. E ndie tɛɛ ni kee yire na, e ti mbe e nyu pe nunu, e tni wejinyiŋge nu. A yire na Nyiɛkpↄↄ koroo, na u wejinyiŋge e tni. 12E eyɛ shaari ni pan chichie. 13Nyiɛkpↄↄ leele mblɛ pee wa mna kre kro e shaari. 14Yire na o Tafun Yesu Kristo wre dumiɛ, na Nyiɛkpↄↄ koroo, na Kpra Ŋumu wre e tni.

will be added

X\