Korintoe Hlɛ Shiinwo 11

1Ni jawa na, na ni jijiere kee yo kuraa kre, ee eyɛ yii. E jande, e eyɛ yii. 2Ni yenyjam wii e na, imi na Nyiɛkpↄↄ yenyjam wii e na kre. Pan e nyi na bichable ŋmba u n blↄ chin wi, a ndaa u chaa mbe Kristo ŋga mbe u leŋge. 3La, ni fiɛ na imi na wↄↄ wre na u kachindɛ tɛɛ mu Hawa jawala kna kre, na aada plɛ we e jawala kna mbe laa Kristo sumiɛ cheche kre na. 4Na wa pan mu Yesu fↄŋgↄ wa kee yo e pan, a ki n pe ŋmba kee o yo e pan ŋga kre, ndee na e ŋumu wa sembremu ta, a u n pe ŋmba e na klu mu ta wre, ndee na e ketaan ka nyini loo, na ki n pe ketaan ŋga e na loo o pan kre, e yire shio na lii. 5Ni shↄnli na mblɛ pe peyɛ yeeri Nyiɛkpↄↄ bitumblↄ e pan pre n wɛ ni na kee ka na. 6Hali na ni n paara mu chin kuraa kre, ni chin yira ŋga kee ni yuu. O yire kolo kro na mu e nyina yira kro chasi leele yiɛ na. 7Ŋga ndaa Nyiɛkpↄↄ ketaan kre kpali e pan kre, ni nsra kↄbↄ yira shↄ e pan. Ndaa niyɛ nyjii imi kie pe mbe yire kpↄↄ, kena sisaa ndaa pe ree? 8Nyjila ŋga ni ndaa tnumu tuni e nu kre, na sumifɛɛnlɛ plɛ pe ni le. Pre pan ndaa shio na yaa e na. 9A nyjila ŋga ni ndaa wa e jaara kre, na shian ni yii kuraa, ni nsraa e wie swa. O wolo sumifɛɛnlɛ mblɛ pee wa Makedonia na kre naa paan na ni kaan yirɛ nyjɛ yi ni shian kro. Ni n yaka shↄ e pan tun, a mbaa yaka shↄ e pan na. 10Ŋga Kristo kpra kree wa ni nu ŋga, ndro n wa Achia tra nu, mbe yo ni pan na mbaa niyɛ kpↄↄ. 11Ŋgi ki tia ndaa yuu ma hin? Ni n e kori ree? Nyiɛkpↄↄ chin na ni e kori. 12Kepele ŋga ni piin kre, pan mbe na pini suwi, mbe ki ti ni jaa mblɛ pe kaan na o ni, na peyɛ kpↄↄri kre nyu gbo. 13Pre leele pre, kpra bitumblↄ ma, kafinɛ bitumblↄ lɛ, pra kpra yo, pe peyɛ pe na Kristo bitumblↄ lɛ. 14Ki n pe kawako, ŋgi na? Sutna kuraa ja na uyɛ kna na nyjeeri bituŋu wi. 15Kena ki n pe kekpↄↄ u sumifɛɛnlɛ pan na pie peyɛ kna na kpra sumifɛɛnlɛ pre lɛ, imi na pe kepele nyi, pan pe kↄlↄ we pe. 16Ni ki yuu e pan shiin wo na, wa waa shia jawa na jijuo wi mi, hali na e ni jawa ma, e ni yii na jijuo wi, mbe ni ja mbe niyɛ kpↄↄ fiɛn na. 17Kpↄↄmu kee ŋga ni yuu fuŋgaami ŋga, ni n na paara na o Tafun wre wi, ni paara na jijuo wi. 18La, ŋga plɛ waŋgra yirɛ teeri na peyɛ kpↄↄri ŋga, mbe jaa niyɛ kpↄↄ na. 19E jawa na e kala chin, nde e jijiele pre kee ndru mbe e yiɛshↄ. 20Mblɛ pe e pini tinlɛ, na lii e ndra na, na e frɛ na e yirɛ shio, na peyɛ kpↄↄri e na, na e yiɛ juari kre, pre kee e chaa. 21Nyifɛɛrɛ mi kuu na wre pↄlɛfɛɛnlɛ mblɛ we e pe yire kee nyjɛ. La, kee ŋga ni lewo we jaa uyɛ kpↄↄ kpan, ni paara na jijuo wi na, ni yuu e pan na mbe jaa ki tɛɛ mbe niyɛ kpↄↄ na. 22Hebrie lɛ ree? Pan ni pe Hebrie ndro. Israel leele lɛ ree? Pan ni pe Israel ndro na. Abraham nanae lɛ ra? Pan ni pe Abraham nana na. 23Kristo sumifɛɛnlɛ lɛ ree? La, mi Kristo sumi mu wɛ pe na, na ni yo ma, ni paara na tↄↄlↄfun wi ra? Ni tnumu tun kpↄↄ mu wɛ pe na, a pe ni yii mu le nyuŋgo gbee tataara, mu ni frↄ gbee tataara, a yi n nyu ni, a nyjila kro nu ni kumu nyaa. 24Judae ni yii mu ni gbun fotro ni gbee nununu fulo na kɛmbↄkↄↄnajirɛ ma gbee kunↄ. 25Romae ni yii mu ni gbun gbee kunↄ, a pe ni waari na dnɛ ni gbee nunu. Epo krↄ badɛnyi yire yɛ juari na ni ni lↄↄ gbee taarɛ. Ni kro lↄↄ yiɛ na gbee nunu, lafo na ble. 26Ni kolo kuun tataara nu, lↄↄ na chaa ni li yɛ nu, kokↄↄnlↄ na chaa ni gbo yɛ nu, ndaa kumu nya mi titi leele Judae na leele mblɛ pe n pe Judae kɛɛ, ni kumu nya kakpↄɛ na, mu kumu nya fimi lawee yire nu, epo kan na ni ni, a ni kumu nya kafinɛ Kristo sumifɛɛnlɛ kɛɛ. 27Ni tnumu tun a fnaa ni da, mu tni ma a nyiŋge ni se, klo ni gbo, a gbↄↄ ni gbo, a ni blefun nyjila tataara nu. Ni da mu tni a weere ni gbo. 28Nyjɛ yi ya yire kro yi tni mbɛɛ na, blenyini ŋga, sumifɛɛnlɛ pre kee ni shian. 29Na wa punu, mbe ki ti ni yiɛ je, na wa tia u ŋmbrↄ to sisam ka nu kre, mbe ni gbun na ni fiiri. 30Na mbe niyɛ kpↄↄ kre, kee nyjɛ yi tia leele na ni le fiɛn yire ni mbe niyɛ kpↄↄ. 31Nyiɛkpↄↄ na o Tafun Yesu Lɛ ŋmba u fna o na kaan mboo nyjila kro nu kre, u chin na kala ma ni fnɛ. 32Ŋga ndaa wa Damasko na kre, abani lopom ŋmba wraa wa ŋunu Areta jaara kre na tia pra sojae tɛɛ chia kre jlonwee na, mbe ni yii. 33La, Pra ni le kakɛɛ nu, mna ni wↄ tokro nu, a ndaa fɛ mu shↄ.

will be added

X\