Timotio Hlɛ Jle 4

1Kpra Ŋumu wre ki yo chasi na, ble hɛnyi yire nu leele plɛ we pe shↄnlie wa, mbe sɛ ndie tɛɛ kafinɛ ŋumu yire pan, mbe taa ŋumufuɛn kee nyjɛ pe nyina na. 2Kafinɛfɛɛnlɛ na fanafɛɛnlɛ pe yire kee nyjɛ nyina, a na pe kalafnɛ pe n na lɛɛlɛ kee ka na. 3Pre pe yuu na ki n fna mbe lewo leŋge, a sro yɛɛ wa yi n fna mbe lewo yi li. La, Nyiɛkpↄↄ wra yire sro yire gbeele, shↄnlifɛɛnlɛ mblɛ pe kpra kre nya kre, mbe pe nyiɛtali mbe wo yi na, mbe mboo ŋga yi na, mbe yi li. 4Yira ŋga Nyiɛkpↄↄ gbeele kro nyu, yaka n wa mbe o ki je, la, yira kro fna mbe mu nyiɛtali mbe wo ki na, mbe mboo ŋga ki na. 5Nyiɛtalaa kre we ti mbe ki pe cheche, ŋgi na, Nyiɛkpↄↄ yo na ki nyu. 6Na mu mu wolo sumifɛɛnlɛ pre nyina yire kee nyjɛ kre, mu pe Yesu Kristo sumifun chiriri ŋmba u uyɛ pↄↄri shↄnlie kee kre nu, mu taa kpra nyinaa na. 7La, muyɛ wↄ chalɛɛlɛ mbuura kewɛɛ yire nu, mu gbeŋmba mu Nyiɛkpↄↄ sumiɛ kolo chiriri twan. 8Na mu mu wejiŋge fiŋge, ki nyu kolo ka na, la, na mu Nyiɛkpↄↄ sumiɛ kolo chiriri wru kre, tnuu wa ki nu kolo kro na, ŋgi na, kie mu ŋga fuŋgaami na mbakↄ ŋmaa. 9Kre kee ŋga ni yo ŋga kpra kee yi, a ki fna mbe ndro kro ki shↄ mbe li. 10Kre ki tia o na wii, na tnumu tuni kpↄↄ, ŋgi na, o dankna Nyiɛkpↄↄ ŋmba u le wre na, wre wi ndro kro ŋmaashↄfun, la, mblɛ ŋmaa u shio titi lɛ shↄnlifɛɛnlɛ. 11Yire kee nyjɛ, pe nyina yi yi, mu pe jaari yi na chichie. 12Maa ti ŋga mu pe pↄ kre na, mbe ndro mu le na muu fiɛn, la, ti mbe shↄnlifɛɛnlɛ pre mu le, mbe mu twan, ti mbe mu paara, na mu kepele, na mu koroo, na mu shↄnlie, na imi mu pe cheche kre le mbe twan. 13Mu nyjila kro wru mna mu Nyiɛkpↄↄ kee kre pe nyunↄ mu tɛɛ kre tↄↄnri mna pe nyina pe fnihaa, mna paara pe pan, mna pe nyina mbe hɛ su na mbe pan. 14Ŋumu kɛyirɛ nyjɛ wra mu kɛ nyjila ŋga ni Nyiɛkpↄↄ kee nyanyofɛɛnlɛ pre na paara, a loplombo pre na kɛ taa mu na kre, maa shia yi ka ti. 15Yire kee nyjɛ krɛrɛ, muyɛ wru mu yi ŋga, mna yi pini, mbe ndro kro mu nya na mu ka pini. 16Muyɛ le chichie, mna kee nyjɛ mu nyina yire le chichie. Yiɛnyina mna yire kee nyjɛ krɛrɛ pini, Ŋgi na, na mu yi pini kre, ŋu titi we ŋmaa ta, a mblɛ pie mu kee yire loo kre we ŋmaa ta na.

will be added

X\