Tesalonika Hlɛ Jle 4

1Ni wolo, ni kee haŋa yi kre, e na o le mu twan, mu chin imi sembremu ee tni mbe ki Nyiɛkpↄↄ yiɛnyi, a kre tnimu kre nu e nyi kre. La, o e tali o Tafun Yesu mɛɛ ni, e pe mbe ki wɛ nyjɛ e pini yire na. 2Ŋgi na, kooloe nyjɛ o na yire o Tafun Yesu jaŋga na mna e nyina kre e yi chin. 3Ŋga Nyiɛkpↄↄ chaa yi na ee pe cheche, mbe eyɛ wↄ tiɛrɛɛ nu. 4Bilɛ pre kro fna mbe chin imi na blↄ na u chↄ jiin, mbe pe cheche, mbe peyɛ ŋga buuro, 5ki n pe mbe tni niŋge sisaa kolo na, imi na leele mblɛ pe n Nyiɛkpↄↄ chin pini kre. 6Kre kolo ŋga na kre, lewo n fna mbe u ŋmbrↄ sumifun pe sisaa kolo ka na. O klu mu kre kee ŋga yo e pan, mu chin na e jaari na o Tafun we leele mblɛ pe yire sisam nyjɛ nyini pini kre ndie tini. 7Nyiɛkpↄↄ nsra yo na o paan tni mbra tiɛri, la, wra yo o paan tni mbe pe cheche. 8Kena ŋmba we je a u n li yire kee nyjɛ na kre, lewo kee ma u je, la, Nyiɛkpↄↄ ŋmba u e kaan Kpra Ŋumu wre kee u je. 9Ki n shian na mbe e nyunↄ mbe yo e pan na e e ŋmbilɛ shↄnlifɛɛnlɛ kori, Nyiɛkpↄↄ wre titi e nyina imi na ki fna e eyɛ kori mbe da. 10A e ja mu li ki na mu e wolo shↄnlifɛɛnlɛ mblɛ pee wa Makedonia na pre kori. Kena o e tali na e pe mbe ki wɛ imi na e pini kre na. 11E tnimu nu kre, e eyɛ nyjii, e ti mbe e yiɛ nyina e tnumu na, mbe e jaa eyɛ le, imi na o klu mu yo e pan kre. 12Na e pe ma kre, mblɛ pe n pe shↄnlifɛɛnlɛ pre we na e kaan buuro, a yaa eyɛ wru mbe taa ndro na na u e le. 13O wolo, leele mblɛ pe ku kre, o chaa mbe e pe kee chin, mbe e yiɛ wa je na mblɛ pe n wa na kaanhaa ni pre lɛ. 14O shↄ mu li na Yesu na ku mu ndru mu nyi. Ki tia o shↄ mu li na mblɛ pe Yesu shↄ mu li mu ku kre, Nyiɛkpↄↄ we ti mbe pre na Yesu pan. 15O Tafun wre u o nyina kee ŋga, na o e nyina ki yi. Ŋga ble o Tafun wre we pan kre, wre mblɛ o le, a o n ta mu ku kre, waa yiɛklu mblɛ pe ku kre na. 16Oo mana kpↄↄ tiŋge loo, mbe nyjeeri bituŋu lopom gblee kpↄↄ le, mbe Nyiɛkpↄↄ bnↄ tin, mbe o Tafun wre titi yiri nyjeeri mbe tii tra. Mblɛ pe Yesu wre shↄ mu li mu ku kre we klu mbe nyi. 17Kena wre mblɛ oo wa na le, a o n ta mu ku kre, wre na mblɛ pie nyi kre kro we sɛ o Tafun fni nyiɛ yiɛ na. Kena mna o Tafun nyi kre, bawa oo pe nyjila kro nu. 18Kena e yire kee nyjɛ tɛɛ e na eyɛ leni gbeŋmbaa.

will be added

X\