Pita Hlɛ Jle 3

1Pan chↄↄ ki fna mbe chiɛlɛ leŋgefɛɛnlɛ peyɛ nyjii mbe pe pilɛ ŋga, mbe ki ti na bilɛ pre plɛɛ wa a pe n Nyiɛkpↄↄ kee shↄ mu li kre, mbe pe jaa yire pe chiɛlɛ kepele na mbe kee kre shↄ mbe li, ki n pe mbe yire kee ŋga mu yo na. 2Ŋgi na, pie nya na e kepele pe cheche, a ee buuro ni. 3Yaa ti mbe imi e e ndrɛ nyjuroe gbeele, na yirɛ nyjɛ e teeri na eyɛ sani, na dodonyi nyjɛ e leni yire e gbeele fimi na. 4La, e ti mbe pe e nyumu nya e lolonyi nu, e nyumu ŋga pie nya kre e nyjiimu, na imi e pe brɛm kre nyumu kre ki nyu kre ki nyu Nyiɛkpↄↄ yiɛ na, a kia jaa kla fio. 5Pan fa chiɛlɛ mblɛ pra pe cheche, mnaa kaan Nyiɛkpↄↄ na kre kepele na nyu, ŋga praa peyɛ nyjiri na pe pilɛ kaan kre na. 6Pan Saara na nyi, wra li Abraham kee na, mnaa u yeeri, "Ni tafun." Fuŋgaami na e chichie pini, a e n na fiɛ wala, kena Saara bichiɛlɛ lɛ yire. 7A yire bilɛ leŋgefɛɛnlɛ chↄↄ, ŋga yire na e chiɛlɛ wa mu tni ŋga, ki fna e pe le mbe chin na pe n faŋga ni. Kena ki fna e pe ŋga buuro, ŋgi na, yire na pre kro ee chaa mbe Nyiɛkpↄↄ ŋmaa ŋga we o ŋga kre ta. E na pe pini ma mbe kee ka wa e nyiɛtalaa tↄ kolo. 8Ni kee yire haŋa yi na, e kro fna mbe jawala nunu ta, mbe eyɛ kanyana chin, mbe eyɛ kori na ndro na u chunu wi. Mbe e eyɛ nyjii, mbe e lɛɛ tna na eyɛ ni. 9Yaa sisaa tɛɛ mbe sisaa fↄlↄ tↄ, ndee mbra eyɛ suni, la, e na dwan e na eyɛ kaan. Ŋgi na, ŋga Nyiɛkpↄↄ na e yeeri kre, dwamu wra yo we e ŋga. 10Imi na Nyiɛkpↄↄ kee kre pe nyunↄ mu tɛɛ kre yo kre mbo, "Ŋmba u chaa mbe ŋmaa li, mbe ble tɛɛn nya kre, u fun u u nyu wↄ mbe yili sisam kee yoo nu, mbe kafinɛ kee yoo ti. 11U uyɛ wↄ u yili sisam nu, mbra chichie piin, u wejinyiŋge haa cha, mbe ti u yiɛ nyina ki na. 12Ŋgi na, o Tafun yiɛɛ wa mblɛ pe fraka kre na, a nyjila kro nu u pe nyiɛtalaa ndru, la, mblɛ pe sisaa pini kre, u yiɛ woni pe na." 13Na mu yiɛ nyina chichie pee na, ŋmbi we mu pe sisaa hin? 14La, na mu kala nyaa chichie pee saara na kre, Nyiɛkpↄↄ we mu dwan. Yaa lewo fiɛ, a yaa ti mbe e gbun yↄ e na. 15La, e Kristo chin e lolonyi nu na e Tafun wi. Nyjila kro nu e eyɛ kna na ee ŋmba we e wie dankna ŋga nu e nyi kre kee kpan, mbe e jaa ki nyu wↄ. 16La, e na paara, nyjiimu na buuro ni. E na kee ŋga ki fraka pini, kena mblɛ pe e tɛɛlɛ, na kee nyjɛ yi n fna yuu na taari e na kre, mbe nyifɛɛrɛ pe gbo e kepele chiriri nyjɛ e pini Kristo nu kre na. 17Ŋgi na, na chaa Nyiɛkpↄↄ chaa mbe e kala nya chichie pee nu kre, ki nyu mu wɛ ŋga mu kala nya sisaa pee nu. 18Ŋgi na, Kristo wre titi na ku e sisam ndra na gbee nunu, lewo ŋmba u fraka u ku mu leele mblɛ pe n fraka ŋga, mbe yire ki na mbe sɛ na e ni Nyiɛkpↄↄ jaara. Pra u gbo, la, Nyiɛkpↄↄ na u nyi na u Ŋumu wre ni. 19Ŋga u Ŋumu wre nsra ta mu pan mu le u wejiŋge kre nu kre, kre wra sɛ paara mna Ŋumu mblɛ pra yii mu le nyuŋgo kre nyina. 20Leele mblɛ pe nsra li Nyiɛkpↄↄ kee na Noa nyjila pre Ŋumu yiraa wa wa. Nyiɛkpↄↄ na frↄ pe na nyjila ŋga ni Noa naa krↄ kre gbeele kre, la, leele chiɛri plɛ praa leele kↄↄnataarɛ, pre pra le krↄ kre nu, a Nyiɛkpↄↄ na pe shↄ mu yili nyumu kre nu. 21Kre kolo ŋga, pan ki nyi na imi pe o ndrɛ jee ŋga yi, pe o ndrɛ jee mbe ki nyina na Nyiɛkpↄↄ o shↄ mu yili kumu nu. O wejinyi nɛɛrɛ ma pe jee na laari o na, la, jawala chichie o teeri na Nyiɛkpↄↄ tali, mu yire Yesu Kristo kunnyiɛ kre na. 22Wre u sɛ tni nyjeeri Nyiɛkpↄↄ kalie, na ŋunumu lii nyjeeri bitumblↄ kro na, pre na jaŋgafɛɛnlɛ, na faŋgafɛɛnlɛ mblɛ pee wa nyjeeri wa kro ni.

will be added

X\