Jↄn Hlɛ Jle 5

1Ŋmba we shↄ mbe li na Yesu wi ŋmaashↄfun ŋmba Nyiɛkpↄↄ wↄ kre, kena Nyiɛkpↄↄ pↄ wi. A ŋmba we o Lɛ Nyiɛkpↄↄ wre kori kre, mu chin na pan u u Pↄ wre kori na. 2Ŋga ni oo chin na o Nyiɛkpↄↄ biile kori yi na, oo Nyiɛkpↄↄ wre kori, mbe li u mbra na. 3Ŋgi na, Nyiɛkpↄↄ koroo yi na oo li u mbra na. A u mbra n sheli mu tro. 4Ŋgi na, ŋmba u pe Nyiɛkpↄↄ pↄ kpan, uu jaŋga ni waŋgra na. Ŋga ni o waŋgra ja yi o shↄnlie. 5Ŋmbi we jaa jaŋga li waŋgra na hin? Fↄna ŋmba u shↄ mu li na Nyiɛkpↄↄ Pↄ wi Yesu wre bↄkↄ. 6Yesu Kristo wi ndro ŋmba wra pan, a pra u ndra je na nyumu ni, a wra ku a u nyimi na wo, nyumu ni ma wra pan, la, nyumu na nyimi ni wra pan. A Kpra Ŋumu wre titi ki dansiɛrɛ li na kpra yi, ŋgi na, Kpra Ŋumu wre pe kprafun. 7Yirɛ taarɛ yi u dansiɛrɛ li, 8Kpra Ŋumu, na nyumu, na nyimi, yire yi u dansiɛrɛ li, a yi kro taarɛ dansiɛrɛ nunu li. 9Na lewo dansiɛrɛ li, o ki shio na lii, a dansiɛrɛ kee ŋga Nyiɛkpↄↄ o ŋga mu wru u Pↄ wre haa yi kre jaŋgaa wa ki nu. 10Kena ŋmba u Nyiɛkpↄↄ Pↄ wre shↄ mu li kre, mu chin na u dansiɛrɛ kee kree wa u loloŋgo nu, la, ŋmba u n Nyiɛkpↄↄ shↄ mu li kre, u Nyiɛkpↄↄ pe kafnu, ŋgi na, u fun n Nyiɛkpↄↄ dansiɛrɛ ŋga u li mu wru u Pↄ wre haa kre shↄ mu li. 11U dansiɛrɛ kee kre yi na, Nyiɛkpↄↄ o ŋga blenyini ŋmaa, a u Pↄ wre nu blenyini ŋmaa kre nyi. 12Kena ŋmba u Pↄ wre ta kre, u ŋmaa kre ta, ŋmba u Nyiɛkpↄↄ Pↄ wre ta kre, u n ŋmaa ni 13Ni e nyunↄi yire kee nyjɛ mbe e chin na ee blenyini ŋmaa ni, yire mblɛ e Nyiɛkpↄↄ Pↄ wre shↄ mu li kre. 14O gbun ta mbe yire Nyiɛkpↄↄ yiɛ, ŋgi na, o shↄ mu li na, yira ŋga o u tali kpan, u chaara na kre, u ndru o pan. 15Na o u tali kpan, u ndru o pan, a o chin na kre kee ŋga pe kpra, ki tia a o chin na ŋga oo u tali kpan, we ki pe mbe o ŋga. 16Na wa u ŋmbrↄ nya a u sisaa ŋga kia sɛ na u ni kumu nu pe kre, ufun u Nyiɛkpↄↄ tali u sisaa pefun wre ŋga, mbe Nyiɛkpↄↄ u ŋga ŋmaa. Mblɛ sisam kia sɛ na pe ni kumu nu pre na ni nyi. Sisaa ka shie na lewo ni kumu nu, la, ni n yo e Nyiɛkpↄↄ tali mbe kre sisam kre na. 17Kee ŋga ki n fraka kro sisaa yi, la, sisam kro ma ki shie na ndro ni kumu nu. 18O chin na Nyiɛkpↄↄ pↄ wa n wa mbe kro mbra sisaa pini, ŋgi na, Nyiɛkpↄↄ Pↄ Yesu wre u shↄ mu yili sisam nu, a Sutna wre wa jaa u pe sisaa. 19O chin na Nyiɛkpↄↄ wolo lɛ wre, a nde Sutna wi waŋgra ŋga ŋunu. 20O chin na Nyiɛkpↄↄ Pↄ wre pan mu tia o nↄↄloo ta, ki tia o Kpra Nyiɛkpↄↄ wre chin. O ŋmaa wa kpra Nyiɛkpↄↄ wre kɛɛ, ŋgi na, o pe nunu na u Pↄ Yesu Kristo wre ni. Wre wi kpra Nyiɛkpↄↄ wre, a wre wi blenyini ŋmaa. 21Ni biile, e eyɛ wↄ e yili sɛɛnlɛ kafinɛ kee nu.

will be added

X\