Jↄn Hlɛ Jle 1

1Kee ŋga nu ŋmaa nyi kre kee o nyunↄi na e kaan, kre kee ŋga naa wa, a pra chin mna yirɛ kro gbeele. O na kee kre loo, mu ki nya na nyini ni, mu ki yii na kɛ ni. 2Ŋga pra kre ŋmaa ŋga wↄ mu o nyina kre, o na ki nya, kre ki tia o na ki kee yuu na e nyina, kre blenyini ŋmaa ŋga na o Lɛ Nyiɛkpↄↄ wre praa wa, a u ki wↄ mu o nyina. 3Ŋga o nya, na ŋga mu loo kre, kre kee o yuu e pan kre, mbe ki ti mbe wre na yire pe nunu, mbe o kro nyu nunu ŋga kii wa wre na o Lɛ Nyiɛkpↄↄ wre na u Pↄ Yesu Kristo pan kre ta. 4O yire kee nyjɛ nyunↄi, imi kie pe mbe o kro yɛshↄↄrↄ ta kpↄↄ. 5Ketaan ŋga o loo mu yiri u pan, na ki yuu e pan yi na, Nyiɛkpↄↄ pe kania, a wↄmu ka n wa u nu. 6Kena na o yo na o pe nunu na u ni kre, mu je na nyaari wↄmu nu kre, kena kala o fnɛ, a o n taa kpra kre na. 7La, na o nyaari kania kre na, a uu wa kania kre nu kre, kena wre na wre pe nunu, a u Pↄ Yesu nyimi o weli, a o yili sisam kro nu. 8Na o yo na o n sisaa pe kre, kena o oyɛ fana, a kpra kre n wa o nu. 9La, na o nyu nyaa mu o sisam yo Nyiɛkpↄↄ pan kre, we li u kee ŋga u yo mu tɛɛ kre na, mbe ŋga ki fraka pe, mbe o sisam ti mbe o kɛ, mbe o weli mbe yili o sisam pe kro nu. 10Na o yo na o n sisaa pe kre, kena o Nyiɛkpↄↄ pe kafnu, a u ketaan kre n wa o nu.

will be added

X\