Korintoe Hlɛ Jle 5

1Pe pan mu yo ni pan na tiɛrɛɛ wa e nu, hali leele mblɛ pe n Nyiɛkpↄↄ chin kuraa wa pe ma. Pe yo ni pan na wa u lɛ chↄ leŋge, 2a e je na eyɛ kpↄↄri, nyjila ŋga ni ki fna mbe e yiɛ na je, mbe e na ŋmba u kre kee ŋga pe kre wↄ e yɛ nu. 3Kii wa na ni wejikaara n wa e jaara, nde nii wa e jaara ŋumu nu. A o Tafun Yesu Kristo wree mɛɛ ni, ni ŋmba u kre kee ŋga pe wre gbun pimi ni fuŋga ma, na nii wa e lalaa. 4Na e fni eyɛ na, a ni ŋumuu wa e lalaa, a o Tafun Yesu wre jaŋgaa wa o kro lalaa kre, 5e ndro ŋmba u kre kee ŋga pe wre wↄ e Sutna ŋga, mbe u u wejiŋge kla, mbe ki ti mbe pe kↄↄ u ŋumu ŋmaa shↄ o Tafun ble kre nu. 6Imi e eyɛ kpↄↄri kre, ki n nyu. E n chin na yiisi chiɛri ka ki tii mbe paanu mimi kre poŋgo tin ree? 7E yiisi lɛɛ ŋga ki pe sisam yire wↄ e nu, e pe cheche. Kre ee pe fↄgŋↄ na paanu mimi ŋga nu yiisi n wa yi, imi na ni shↄnli na e nyi fa kre. Ŋgi na, pe o Klɛntro ble mbↄↄ ŋmba wi Kristo wre gbo. 8Kena e ti mbe o ble kre li, la, ki n pe paanu ŋga nu yiisi lɛɛ yire nyi ni oo ki li, sisam, na ndra shelee yiisi yire ni ma. La, paanu ŋga nu yiisi n wa, mu pe cheche, mu pe kpra ni kre, kre ni oo ble kre li. 9Hlɛ ŋga ndaa e nyunↄ kre, ndaa yo e pan na yaa na eyɛ chaa tiɛrifɛɛnlɛ nu. 10Ni n yo na waŋgra ŋga tiɛrifɛɛnlɛ, ndee jajaarafɛɛnlɛ, ndee juolo, ndee sɛɛn sumifɛɛnlɛ. Na e yo ee eyɛ kun pre na kre, kena yili ki fna e yili waŋgra ŋga nu. 11La, ndaa nyunↄ mu pan mu e ŋga na yaa na mbra ŋmba u uyɛ yeeri Kristo wo, mu na tiɛri, mu pe jajaarafun, ndee na sɛɛn sumi, ndee kabaarafun, ndee gbↄgbↄↄ, ndee jio na. Yaa shia chaa mbe li na ki fun ni. 12Ŋgi na, mi tnumu ma na mbe fimifɛɛnlɛ kpra kun. Nyiɛkpↄↄ we pe kpra kun. Kena e wolo sumifɛɛnlɛ pre kpra ma ki fna e kun ree? 13Pe ki nyunↄ Nyiɛkpↄↄ hlɛ mu tɛɛ mbo, "E sisampefun wↄ eyɛ nu."

will be added

X\