Korintoe Hlɛ Jle 3

1Ni wolo, ni nsra ja mbe paara na e ni na leele mblɛ nu Kpra Ŋumu wre nyi lɛ, la, ndaa paara na e ni na leele mblɛ nu Ŋumu wre n wa lɛ, na biile lɛ yire Kristo nu. 2Nyinimi nyumu ndaa e ŋga, a e na ŋgↄↄri, sro titi na ma, ŋgi na, e nsra ja mbe sro shelee li, a hali fuŋgaami, yaa jaa ki li. 3Ŋgi na, ee wa mu pe na waŋgra wolo lɛ yire tɛ. Ŋga kɛyira sisaa na kakrↄↄ wa e nu ŋga, ki n na nyina na waŋgra ŋga wolo lɛ yire, a e na nyaari waŋgra ŋga kooloe na ree? 4Na plɛɛ wa na yuu tɛ na, "Pↄↄl wo wi mi," a plɛ na yuu na, "Apolo wo wi mi," kena pan ma e piin na waŋgra wolo pre lɛ ree? 5Kena ŋmbi wi Apolo, a ŋmbi wi mi Pↄↄl hin? o kro pe Nyiɛkpↄↄ sumifɛɛnlɛ, a ki yire o na a e shↄ mu li. O Tafun wre o ŋga o tnumu nununu, a o na tuni. 6Mi ndaa yira bie kre luu, a Apolo na nyumu wo ki na, la, Nyiɛkpↄↄ u tia ki lɛ. 7Kena ŋmba u ki luu, na ŋmba u nyumu wo ki na kre, wa ma u yaka pe, la, Nyiɛkpↄↄ ŋmba u tia ki lɛ kre, wre u ka pe. 8Ŋmba u ki luu kre, na ŋmba u nyumu wo ki na kre, pe kro yila, imi na pe tnumu tun mu da, pan pie pe fↄtↄↄrↄ ta mbe da. 9Nyiɛkpↄↄ tnumu tunfɛɛnlɛ lɛ wre, a yire lɛ Nyiɛkpↄↄ see. Nyiɛkpↄↄ nyuŋgo lɛ yire. 10Nyiɛkpↄↄ sumiɛ ŋga u ni ŋga kre na, ni pe na nyuŋgo sinchifun titi wi, a ni nyuŋgo nↄↄ le, a lefuŋu na paan mbe sin mbe taa ki na, la, ŋmba we sin mbe taa ki na kpan, u u siɛn kre dↄↄta. 11Ŋgi na, Nyiɛkpↄↄ Yesu Kristo wↄ na wre nunu chom wi nyuŋgo kre nↄↄ. Fↄŋgↄ ka n wa mbe ya u wo kre na na. 12Plɛ we swa nyiɛ, ndee swa fiŋge, ndee dnɛ chichiele tɛɛ mbe sin mbe taa nyuŋgo kre nↄↄ na, mbe plɛ kɛɛn, ndee nyaa, ndee bleju kɛɛn tɛɛ mbe siin taa ki na. 13Na Kristo ble kre waa da, kie ndro kro tnumu ŋga u tun wↄ mbe nyina. Ki ble kre, kanhun we ndro kro tnumu wↄ mbe nyina. Kanhun kre we ndro kro tnumu pe mbe le, mbe chin imi na ki nyi. 14Kena na ŋga mu sin mbe taa nyuŋgo kre nↄↄ na kre nsra shↄ kanhun kre nu, mu fↄtↄↄrↄ chiriri ta. 15La, na mu tnumu ŋga mu tun kre waa shↄ kre, ma fↄtↄↄrↄ ta, la, ŋu titi we ŋmaa ta, pan kie pe na lewo fɛ mu yili kanhun nu. 16E n chin na Nyiɛkpↄↄ suminyuŋgo lɛ yire, a Nyiɛkpↄↄ Ŋumuu wa mu tni e nu ree? 17Kena na wa Nyiɛkpↄↄ suminyuŋgo kla kre, Nyiɛkpↄↄ we ufun kla na. Ŋgi na, Nyiɛkpↄↄ suminyuŋgo kre pe cheche, a yire lɛ suminyuŋgo kre. 18Wa waa shia uyɛ fana. Na waa wa e nu na uyɛ jawa kachiŋu waŋgra ŋga nu kre, ufun u uyɛ pe jijuo, kre we pe kachiŋu titi. 19Ŋgi na, waŋgra ŋga kachindɛ pe jijiere kee Nyiɛkpↄↄ yiɛ. Imi na pe ki nyunↄ Nyiɛkpↄↄ hlɛ kre nu mu tɛɛ kre mbo, "Nyiɛkpↄↄ kachimblɛ yii pe kachindɛ na." 20A pe ki nyunↄ mu tɛɛ na mbo, "O Tafun wre chin na kachimblɛ kachindɛ jawala pe waara." 21Kena ndro waa na uyɛ kpↄↄri ŋga lewo pini pe na. Ŋgi na, yirɛ nyjɛ kro e wee yi. 22Pↄↄl o, Apolo o, Pita o, waŋgra ŋga o, ŋmaa o, kumu o, fuŋgaami o, mbakↄ o, yirɛ nyjɛ kro e wee yi. 23A Kristo wolo lɛ yire, a Nyiɛkpↄↄ wo wi Kristo.

will be added

X\