1 Jn 1

1Waa yaa dɛ ba a waa he be bola nɔ ɛ nɛn waa ɛ Korowii Nyoa Wobol dɛ dɔ mkpa dɛ do le le mumpar la bwa wa. Ya no o waa dɛ nao. Ya nyiŋu dɛ kpɔ ya nɔɔra lego. 2O fa lɔ Korowii be dɛ berɛ ba ɛ nɛn, asɛ ya nao. Anomanta ya dɛ bol o waa he be kɛŋɔ Yeesu Kristo waa ɛ saŋ bɛlbwa mkpa dɛ faa do o Mɛɛ be la, o ba ya be ya jemɔ. 3Anɔ la yaa naa dɛ no laanee yaa bol he ge be ásɛ he no dɛ ba ja ya Mɛɛ waa lɔ nyundua ne o bie Yeesu Kristo beŋkpoŋri ɛɛ la ta. 4Ya dɛ nyin kɛ ya bwa bwara sɔɔh yaa kɛrɛdɛ. A waa ya chwerɛ tɔn nɔ baa tɛ heyaa la. 5Waa yaa noa le Yeesu be dɛɛ bol he be laanee kɛŋɔ Korowii do kɛŋɔ kon waa chaahna ken. Wechɔga bɛlbwa toole o nɛ. 6Anomanta dɛ ya ŋɔ ya ne o ɛ beŋkpoŋ, kɛ dɛ berɛ dɛɛ ɛ biro bini wa aa, ya teŋe nyosone. Ya we-ɛɛla dɛ bagle kɛ ya waa ta kasinteŋ dɔe. 7Korowii waa aa chaahna la, dɛ ya dɛ ɛ ya waa bwa a chaah kɛ on aa, dɛ ya ne yabala pɛo dɛ ɛ beŋkpoŋ. Dɛ Korowii Bie Yeesu chal la laa ya wechɔga bɛlbwa dɛɛ kpɔ ya nɛ. 8Dɛ ya ŋɔ wechɔga toole ya nɛ aa, ya dɛ negre ya nyuune. Dɛ yaa kasinteŋ bol. 9Dɛ ya bol ya wechɔga bagle Korowii aa, o ɛ nɛndɛɛge dɛ ɛ kasinteŋ te dɛɛ teŋɛ o nyobaga ta. Wɛɛ kpɔɔ kɛ yaa dɛ laa doŋa bwa kpɔ ya nɛ. 10Dɛ ya ŋɔ ya ta wechɔga ɛɛ te naa, dɛ ya yerɛ Korowii nyosonteŋni. O waa la ge toole ya bini.

will be added

X\