IBRANI 8

1Oto bulat bagania sangamberi siniboita ia te: Aian ka sita Imam Sabeu sikuddu kai kattoet uddenan purimataat Sipulubeunan ka sorga, 2samba sipasikeli pasikelat ka kudduat sipunenan, ia te sapou sipulelelek, sirioakenen Tuhan, ta sirioakenen sirimanua. 3Aipoi senen imam sabeu turioake bule ibuluake panguruat samba buluakenen; ia te lulunia Imam Sabeu Yesus buita ai leu buluakenennia. 4Ke ka polak bai ikuddu, ta leu ibabailiu nia imam, aian poi sia tai imam sibuluake buluakenen siripot aturan Surukat. 5Pugagalaira ia te tularat samba ailiggou sibabara ka sorga, kele sinegeakenen Taikamanua kai Mose, ka teteret igalai sapou, "Repdep," ngangania, "galai sangamberinia siripot tularat sinausau ka tubum ka uddut leleu." 6Kineneiget Yesus masisilo pasikelat sisaliu beunan pasikelatda siburu, bailiu poi nia Sipatalaga palelengan sisaliu latsat, sipubobongen ka palelengan sisaliu eru. 7Aipoi ke bai ta anai gulainia palelengan siboiki, taan leu tugagaba minca kudduat sikarua. 8Aiitco poi Taikamanua seleda sabangsania, kuanangan, "Babarangan le te gogoinia," ngangan Tuhan, kubaraake pakerekat baga sibau, aku, uman Israel samba uman Yuda. 9Taan kele pakerekat baga sigalaiku ka taikebbukatda, ka teteret akupalulu sia bela ka laggai Misir. Sia le poi amasipakatai pakerekat bagaku, aku leu, taan kupuuku sia," ngangan Tuhan. 10"Nean le pakerekat baga baraakenenku ka uman Israel pasat oggak nene," ngangan Tuhan. "Ka bagadangan le kukakau surukatku, ka paatuatdangan le kususurat nia, bailiu aku Taikamanuanda samba sia bailiu bangsaku. 11Taan pangangantoman sia pasasambada taikaumanda, ele saraina ka saraina masikua, 'Agai si Tuhan!' Sangamberidangan le poi iaagai aku, barania ka sigoiso aili ka sabeu. 12Kuaappeakean le poi seleda, joda leu taan kurerepdep." 13Ka bagat kukuana pakerekat baga sibau, sedda ipatoila siboiki amaburuan. Samba apa simabuburu samba simababaja, tataakenenan le.

will be added

X\