Romanos 4

1¿Ti'tzu'n qma' ti'j Ab'raam ojtxi' qyajilb'en, tiloti' tkanb'a? 2Qu'n naqwit tu'n taq'unb'en Ab'raam ok q'ona' te tnik'alti'j, ojewtlo jawtnima'n tib' kwitz xjal ex myawtlo twitz Dyos. 3Qu'n chinaju' ntma'n toj Tu'jil: Okslante Ab'raam te Dyos, qu'mtzun oka' q'o'n te tnik'alti'j tu'n Dyos. 4Qu'mtzun qa ati jun xjal naq'unan, aju' twi'tk'u'j mya jun oyaj te, ate' lu chjob'lte tq'ij. 5Atzunte Dyos nkub' tnajsa'n tilju' aj il naqx tu'n qama tz'okqe tk'u'j ti'j, kxe'l tq'o'n chojb'ilte te xjal naqx tu'nju' tokslab'l, mya tu'n taq'unb'en. 6Expe' tmate' Dab'i qa nimxi'x tzalajb'il te jun xjal in mk'onjtz tu'n Dyos mya tu'n taq'unb'en. 7Iktzu'n tma Dab'i kjalu: ¡Tzalajb'ilxi'xte' kyeju' xjal nkub'najsa'n kb'inchb'aj taq'wixi'x ex ma tzik'tna'lju' kyil.! 8¡Tzalajb'ilxi'xte' teju' xjal mixti'tl ntzaj na'nju' til! chij. 9¿Ma o'kxtzulo kxe'la' q'o'nju' tzalajb'il lu kyeju' ati kyechel ti'j kychib'jil mujqa ikx kyeju' txqantl xjal? Matxi'na' txi' qmane' qa ok q'onte Ab'raam tnik'alti'j naq tu'nju' okqe tk'u'j ti'j te Dyos. 10¿Jtojetzun tokq'o'n Ab'raam tnik'alti'j tu'n Dyos? ¿Ma tzmaxi' tok q'o'nju' techil ti'j tchib'jil mujqa na'mxtaq? Nej ok q'onte Ab'raam tnik'alti'j tu'n Dyos mya tu'nwitju' techil ti'j tchib'jil. 11Yajxi'tltzun okq'o'n techil ti'j tchib'jil, te jun techlal qa ma'toq tz'ok q'o'n te tk'wal Dyos naqx tu'n tokslab'l ti'j. Qu'mtzun ate Ab'raam okq'o'n te manb'aj kye kkyaqilju' ati kyokslab'l, maskye mixti' kyechel ti'j kychib'jil; ex kkyaqilju' xjal nche okq'o'n te tnik'alkyi'j tu'n Dyos tu'nju' kyokslab'l ti'j Jesukrist. 12Ex axte' Ab'raam kmanju' ati kyechel ti'j kychib'jil qa ljo'n kyokslab'l kse'n tokslab'l Ab'raam ojtxi' qyajilb'en tej na'mtoq tok q'o'nju' techil ti'j tchib'jil. 13Tzaj ttziya'n Dyos te Ab'raam ex kyeju' tyajajil tu'n txi' tq'o'n twitz tx'otx' te kyetzb'il; ex myaju' tu'nwtju' japun kawb'il kyu'n, tu'nte ten kyokslab'l ti'j Dyos. 14Naqwit aye' che k'molteju' etzb'il aye' njapun kawb'il kyu'n, mixti'xwitlo tajb'enju' okslab'l ex k'elel toklenju' yol tziya'n tu'n Dyos. 15Qu'n ati tz'e'ysb'il witzb'aj toju' kawb'il; atzun jamixti'ya' kawb'il mixti'te' tz'e'ysb'il witzb'aj. 16Qu'mtzun tu'n lalun tz'el toklenju' tzajni tziya'n te Ab'raam tu'n Dyos kyeju' tyajajil, tb'incha Dyos jun xtalb'il te Ab'raam naqx tu'nju' tokslab'l. Aju' tzajni tziya'n mya o'kx kyeju' njapun kawb'il kyu'n, ikxkye kkyaqilju' ati kyokslab'l se'nte Ab'raam. Qu'mtzun oka' q'o'n Ab'raam te manb'aj kye kkyaqilju' ati kyokslab'l, 17kse'n ntma'nju' Tu'jil: Matxi' tz'ok nq'o'na manb'aj kye txqan tnam. Xi' okslana'te Ab'raam teju' Dyos nche jaw anq'in kyimni tu'n ex nche b'ant ti'xti' ak'a'j tu'n. 18Tej ttzaj ttziya'n Dyos te Ab'raam qa k'okyel te kman txqan xjal, ch'uẍ ela' toj twitz. Tetzunj tokslante Ab'raam ex tej tokqe tk'u'j ti'j Dyos ok te manb'aj kye txqan tnam kse'nxju' tzaj tma'n Dyos te: Txqanju' tyajajil che b'elpuqli twitz tx'otx', chi Dyos. 19Min kub'numjte Ab'raam toj tokslab'l, maskye ch'inxtltoq tjapun toj jo'k'al (100) ab'q'i tuk'i'l Sara ju' t-xu'jil exqa ma'toq che tijin tu'n tul jun kk'wal qu'n ch'inxtltoq kkyim. 20Mixti' jawjete' Ab'raam tk'u'j ti'ju' yol ojetoq tzaj tma'n Dyos te, ape' tb'inchaju' kub' tkuwsa'ntib' toj tokslab'l ex xitq'o'n chjonte te Dyos, 21q'uqloktoq tk'u'j b'a'nxi'x ti'j Dyos qa tu'n tipumal ktb'incha'ya' tzajni ttziya'n te. 22Qu'mtzun oka q'o'n te tnik'alti'j tu'n Dyos, naqx tu'nju' tokslab'l ti'j. 23Ex aju' tz'ib'a'n toju' Tu'jil tu'nju' k'amliju' Ab'raam tu'n Dyos mya o'kxtzu' nyolina ti'j Ab'raam; 24ex atzu' nyolina'te' tz'ib'a'n qi'j toj Tu'jil. Qu'n ikxqe nqo' okq'o'n tnik'alqi'j tu'n Dyos qama qo okslan teju' jaw anq'in Jesus tu'n kxol kyimni, 25aju' xiq'o'n toj kamik tu'n tpaj qil ex jaw anq'in tu'n qok te tnik'alqi'j.

will be added

X\