Romanos 13

1Ilti'j tu'n knimane' kyeju' ati kyoklen toj tkawb'ilju' nimaqkawil.Qu'n mixti'xte' jun kawb'il myawit tu'n Dyos, ex ate Dyos xkyej q'onkyeju' kawb'il ate'qe'tl. 2Qu'mtzun qa ati jun xjal min nche'x tnima'n tzyul kawb'il, min nche'x tnima'n kawb'il b'ajkyej tnk'u'n Dyos. Ex alkyeqeju' mixti' nxi' tnima'n ok kb'el tz'e'ysa'n twitz; 3qu'n aye'ju' nche kawin mya kyaq'inju' tu'n kyokten xob'salkyeju' nche b'inchante b'a'n, naq o'kx nche xob'sana' kyeju' nche b'inchan taq'wixil. ┬┐Ma tajb'ila tu'n lalun tzaj xob'sa'na kyu'nju' kawil? Qanatzun ikju' b'inchanxa b'a'n ex aye'tzunju' kawil che yolil kyi'je' qa b'a'nqeye', 4qu'n ayekye' kawil nche ajb'en te Dyos ex tu'n kyajb'en kyeye'. Qatzun makb'inchaye' taq'wixil, atitzulo tu'n kxob'tziye' kwitz; qu'n mya noqkx gan kyoklenju' kawil xini q'o'n tu'n ttz'e'yset kwitz xjal, qu'n ajb'elqe' te Dyos. 5Qu'mtzun ilxi'xti'j tu'n qniman kyeju' kawil, myanaq o'kx tu'n lalun kub' tz'e'ysa'n qwitz, qu'n ana' ilti'j tu'n qb'inchanteju' b'a'n. 6Ex ilxi'xti'j tu'n qchjonte chojb'il teju' kawil; qu'n ina' che ajb'enju' kawil te Dyos ex inkyb'incha'nju' nk'u'n ti'j tu'n Dyos. 7Qu'mtzun kychjonxe' teyile junjun aju' ati tu'n kychjonteye'. Qa ati jun unb'ab'l tu'n kq'onteye' kychjonxe', mujqa aju' chojb'il kye kawil ex kychjonxe', ex tenx kychiylalju' nche kawin kyeye' ex che nimanqeye' kye. 8Lalun ten kk'ase' te juntel. O'kxte' kk'asjuye' tu'n tten aju' tu'n kk'u'jlante kyib'e'; qu'n alkye jun xjal intk'u'jla'n twnaqil matxi' japun kawb'il tu'n. 9Aye'kye' chaq'b'il nkyma'n kjalu: Lalun tb'inchaya ajpajil, lalun b'yon wnaqa, lalun tz'alq'ana, lalun pon tk'u'ja ti'j juntl ti'xti'; kkyaqilju' chaq'b'il lu nche ok toju' yol lu: K'u'jlama twnaqila iku' se'nx ntk'u'jla'n tib'a tib'xtib'a. 10Qa nche kk'u'jlane' kwnaqile' mixti'tzun nok kb'incha'ntze' taq'wix kye; qu'mtzun toju' tk'u'jlalil njapunaju' kawb'il. 11Tz'elx knik'e' ti'j se'n tu'n qnajana' toju' tq'ijlalil ja'lo, ex kanex toj knab'le' qa matxi' pon kanun kmuj tu'n telju' qwatl. Qu'n matxi' tzul lq'eju' kolb'il qk'etz se'n tnejel tej qb'inte tyol Dyos. 12Ch'inxtl qsqix ex ch'inxtl tjawil q'ij; qu'mtzun lalun che'x qb'incha'n txqantl ti'xti' toj qxopin ex qoksankju' spik'un qi'j te kolb'il se'nte jun xjal te q'oj najb'en tkolb'il. 13Qob'et toj tu'me'lxi'x, kse'n nqo b'et q'ijtl. Lalun qo'qe' b'etl kyoj nimaqwan ex tx'ujte'n, lalun qob'et toj ajpaji'n, lalun qoq'man xlab'yol ex lalun tx'a'lti'j qk'u'j ti'j juntel. 14Ape' kyb'inchamjuye': Kyoksankye' Jesukrist kyi'je' te kolb'ilkyeye' ex lalun txi' kq'o'ne' anb'il teju' kychib'jile' tu'n tb'inchante taq'wixil.

will be added

X\