3 Juan 1

1Ayine' tijwnaq, nxi' nq'olb'e'na Kayo, atixi'x nk'u'je' ti'ja. 2Witz'in, atixi'x nk'u'je' ti'ja, nchin kub'sane' te Dyos tu'n ttena b'a'n toj tkyaqil, ex b'a'na toj t-xmilala, kse'n tanmiya b'a'n ta' twitz Dyos. 3Ojexi'x chin tzalaje' tej kyul junjun okslal e'tzaj kyxole' ex kyma qa atixa toju' ax tzaj t-xnaq'tza'n Jesukrist qe. 4Awe' ntzalajb'il nimxi'x aju' ajnb'inteye' qa nche anq'inju' nk'wale' toju' ax tzaj tkyek'u'n Dyos qe. 5Witz'in, atixi'x nk'u'je' ti'ja, b'a'nte' ntb'incha'na tu'nju' n-onina kyi'j txqantl qtzik mo qitz'in, axi'xpe' kyeju' te junxi'tl najb'ilqe'. 6Kywitzku' okslal matxi' kymaya' qa nxi'x che tk'u'jla'na. B'inchama xtalb'il oninqe'xa toju' nojqelan kye tu'n txikyljo'n kyb'e, tu'n telb'a'n tajb'eb'la twitz Dyos. 7Qu'n matzyet kyb'e tu'n kyajb'en te Jesukrist, ex min nche k'mon o'nb'il kye xjal min nche niman te Dyos. 8Qu'mtzun ati tu'n qonin kyi'j toju' kyaq'un matxi' tzyet, tu'n kypakb'anteju' ax. 9Xintz'ib'a'ne' jun u'j kye okslal, atzu'n Dyotrepes min ntoksla'n qoklene' qu'n a tajb'ilju' tu'n tchaq'un kyxol. 10Qu'mtzun kb'ajel ntzak'u'ne' ajnpone', qu'n naq tok jk'ulyol ex chalyol qi'je'. Ex min nqe tk'u'j tu'nju' ntb'incha'n, min nche tk'mo'n qtzik e'qitz'in nche pon, qatzun ate' okslal kyajb'il tu'n kyk'monkye, min ntjo'n ex nche ex t-xla'ja'n kyxol okslal. 11Witz'in, lalun tz'el tkno'na taq'wix, a knomju'ya b'a'n. Ate' nb'inchante b'a'n, te Dyos; atzu'n nb'inchan myab'a'n, na'mx teltnik' te Dyos. 12Kykyaqil nche yolin b'a'n ti'j Demetryo, expe' ax. Ikxqe' nqo yoline' b'a'n ti'j ex kanli twitza nqma'ne' ax. 13Nimwe' nyol tu'n txinma'ne' teya, naq aju' lay txi ntz'ib'a'ne', 14qu'n wajb'ile' tu'n npone' tk'etza ex tu'n nyoline' tuk'i'la. 15Tenxwita toj nak'b'il. Nxi' q'olb'e'na kyu'n amiw. B'inchama xtalb'il, q'olb'enqe'xa qamiw.

will be added

X\