TITUS 2

1Tapi nan angkau, Titus, andak-lah angkau ma-ajakan ajaran nan tapek. 2Nasiyaik-ilah urang laki-laki nan tuwo, supayo inyo tu bi manahan diri, bijaksano, sarato iduik sabagai urang nan patuik di aromaik-i. Inyo tu musti pulo bi bapacik kabake aja-ran nan bana nan dari Allah, manga-siahi jo sacaro nan samparono, sarato saba dalam kasansaroan. 3Baitu pulo, andaklah angkau manasiyaik-i urang-urang padusi nan tuwo, supayo ting-kah laku inyo tu, sasuwai jo apo nan patuik dek urang nan iduik sangajo untuak Allah. Inyo tu jan mampita-nah, sarato jan pancandu minunan kareh. Inyo tu musti bi ma-ajakan sa-galo parkaro nan elok, 4supayo jo sa-caro nan baitu, inyo tu dapek bi man-didik urang-urang padusi nan mudo, untuak mangasiahi junjuangannyo, sarato jo anak-anaknyo, 5manjadi bi-jaksano, iduik suci, sarato manjadi bi-ni nan elok di rumah tanggo, nan tun-duak kabake junjuangannyo. Jo caro nan baitu, indak ado urang nan ka da-pek mancacek barito nan dari Allah. 6Baitu pulo, nasiyaik-ilah urang-urang mudo, supayo inyo tu bi man-jadi bijaksano. 7Dalam sagalo parka-ro, andaklah angkau manjadi tuladan jo tingkah laku nan elok. Jikok ang-kau ma-aja, angkau musti luruih ati, sarato jo basungguah-sungguah. 8Pagunokanlah kato-kato nan bijak-sano, nan indak ka dapek dicacek urang, supayo urang-urang nan ma-lawan angkau bi manjadi malu, dek karano, indak ado parkaro-parkaro buruak, nan ka dapek dikatokan dek inyo tu tantang parkaro kito. 9Nasiyaik-ilah sudaro-sudaro kito nan manjadi budak, supayo inyo tu bi tunduak kabake induak samangnyo, sarato bi manyanangkan ati induak samangnyo tu dalam sagalo parka-ro. Inyo tu indak buliah doh manyo-lang, 10atau mancilok. Andaklah inyo tu mampaliyekkan, baraso inyo tu ta-tauk basikauk elok, sarato jo tuluih ati, supayo jo sacaro sikauk inyo tu, urang ka bi mamuji ajaran Allah, Pa-nyalamaik kito. 11Dek karano, Allah lah manyato-kan rahmaik-Nyo, untuak ka manya-lamaikkan kasadonyo umaik manusia. 12Rahmaik Allah tu mandidik kito, supayo kito indak lai iduik nan bala-wanan jo kahandak Allah, sarato in-dak lai ma-ikuik-i ka-inginan duniawi. Kito dididik untuak iduik dalam dunia ko, jo sacaro nan tawu manahan diri, tuluih, sarato indak barubah ati kaba-ke Allah. 13Kiniko kito sadang manan-tikan Ari nan kito arok-arokkan tu; di Ari tu, dunia ka bi maliyek kamuliyaan Isa Almasih, iyolah Allah Nan Basa, sa-rato Rajo Panyalamaik kito. 14Baliau lah mangarobankan diri Baliau untuak kito, untuak malapehkan kito dari sa-galo nan jahek, sarato manjadikan ki-to suatu umaik nan lah talapeh dari doso, sarato nan hanyo manjadi mi-liak Baliau sajo, sarato nan gigiah ba-buwek baiak. 15Ajakanlah kasadonyo tu, sarato nasiyaik-ilah, sarato paringekkanlah urang-urang nan bi mandanga angkau tu, jo sagalo kuwaso kapamimpinan angkau. Janlah ado urang nan ma-anggauk angkau randah.

will be added

X\