TITUS 1

1Anak ambo Titus! Ambo, Paulus, mambuwek surek ko sabagai pi-suruah Allah, sarato sabagai rasul Isa Almasih. Ambo dipiliah, sarato di-utuih untuak manolong urang-urang piliahan Allah, supayo manjadi ku-waik dalam iman inyo tu. Ambo musti pulo mambimbiang inyo tu, supayo bi tawu jo ajaran nan bana, nan di-aja-kan dek ugamo kito. 2Ajaran tu bada-sarkan arapan, baraso kito ka mana-rimo iduik sajati nan kaka. Allah lah manjanjikan iduik nan kaka tu, sajak sabalun parmuloan jaman — nan Allah indak mungkin doh baduto. 3Pado wakatu nan tapek, Allah manyatokan janji-Nyo tu dalam pasan Baliau. Pa-san tu lah dipicayokan kabake ambo, nan ambo manyampaikannyo dek pa-rentah Allah Panyalamaik kito. 4Oih Titus, angkau adolah sung-guah-sungguah anak ambo, dek ka-rano, angkau jo ambo lah samo-samo ba-iman kabake Isa Almasih. Ambo ma-arokkan, mudah-mudah-an Allah Bapak, sarato jo Isa Almasih Rajo Panyalamaik kito, mambari ba-rakaik, sarato jo tanang santoso ka-bake angkau. 5Ambo maninggakan angkau di Kre-ta, supayo angkau dapek ma-uruih sagalo parkaro nan paralu juwo lai di-uruih. Sarato supayo angkau mana-taukkan pamimpin-pamimpin jamaat di satiyok kota. Sarato kana-ilah pitun-juak-pitunjuak ambo ko: 6Surang pa-mimpin jamaat andaklah urang nan indak bacacek; inyo musti urang nan mampunyoi bini hanyo surang; anak-anaknyo musti nan lah ba-iman kaba-ke Isa Almasih, sarato indak doh nan takato sabagai anak nan indak baka-tantuan, sarato nan indak bisa di-atur. 7Paniliak jamaat, adolah urang nan ma-uruih karajo Allah, inyo indak bu-liah doh urang nan bacacek. Inyo in-dak buliah doh tenggi ati, atau pam-bangih, atau pamabuak, atau nan suko bacakak, atau nan cangok jo pi-tih. 8Inyo musti suko manarimo urang di rumahnyo, suko kabake sagalo par-karo nan elok, dapek manahan diri, lu-ruih ati, suci sarato jo bataratik. 9Inyo musti bapacik taguah kabake ajaran nan dapek dipicayo, bakcando nan lah di-ajakan kabake inyo. Jo caro nan baitu inyo mampu manasiyaik-i urang, badasarkan ajaran nan bana, sarato mampu manyatokan kasalahan urang-urang nan manantang inyo. 10Dek karano, banyak urang nan bi kareh kapalo, tarutamu urang-urang nan dulunyo ba-ugamo Yahudi; inyo tu bi mangicuahi urang jo sagalo curito du-tonyo. 11Urang-urang nan bakcando itu musti dipakok muncuangnyo, dek ka-rano, inyo tu bi mangacaukan banyak kaluarga, jo sagalo ajaran nan indak-in-dak. Inyo tu bi mampabuwek nan baitu, hanyo dek karano niyo mancari labo nan indak patuik! 12Panah surang na-bi nan dari lingkuangan inyo tu sandiri, nan barasa dari Kreta pulo, mangatokan, ”Urang-urang Kreta taruih bi baduto, sarato ibaraik binatang buweh, nan ra-kuih, sarato nan pamaleh.” 13Apo nan dikatokan dek nabi tu iyo batua. Itu sa-bauknyo, angkau musti tarang-tarangan mamparingekkan inyo tu; supayo inyo tu tatauk bapacik kabake ajaran nan bana, 14sarato indak lai bapacik kabake curito urang Yahudi nan dibuwek-buwek, atau kabake sagalo paratuaran nan dibuwek dek urang-urang nan bi manulak ajaran nan bana tu. 15Sagalo sasuatu adolah suci dek urang-urang nan suci. Tapi, dek urang-urang nan pikierannyo kumuah, sarato nan indak ba-iman, indak ado ci-yek juwo doh nan suci dek inyo tu, dek karano, pikieran sarato jo ati ketek inyo tu lah kumuah! 16Inyo tu bi bakato, ba-raso inyo tu bi tawu jo Allah, padohal, apo nan dipabuwek dek inyo tu, bi ma-engkari Allah. Inyo tu manjajokkan, nan inyo tu indak bi namuah patuah; inyo tu adolah urang-urang nan indak bisa mampabuwek sasuatu nan elok.

will be added

X\