WAHYU 9

1Sudah tu, malekaik nan kalimo ma-ambuih tarumpiknyo, nan ambo maliyek sabuwah bintang jatuah dari langik ka muko bumi. Bintang tu dibari kunci jurang mauik. 2Kamudi-an, bintang tu mambukak jurang ma-uik tu, mako, kaluwalah asok dari da-lamnyo, bakcando asok dari tungku nan gadang. Matoari sarato jo awang-awang, manjadi kalam dek asok nan dari jurang mauik tu. 3Sudah tu, da-ri dalam asok tu kaluwalah bilalangbilalang nan turun ka bumi. Bilalang-bilalang tu dibari kuwaso nan samo, bakcando kuwaso nan dibarikan ka-bake kalo. 4Inyo tu indak dibuliahkan doh marusak rumpuik, atau batang-batang kayu, atau tinaman-tinamam lainnyo. Inyo tu hanyo buliah mang-gigik, urang-urang nan di kaniangnyo indak ado tando sege nan dari Allah. 5Bilalang-bilalang tu, indak dibuliah-kan doh mambunuah urang-urang tu, tapi, hanyo ma-ajauk urang-urang tu sajo salamo limo bulan. Raso sakik di-gigik dek bilalang-bilalang tu, samo jo bakcando raso sakik dipantak dek kalo. 6Salamo limo bulan tu, urang-urang tu ba-usawo supayo nak mati, tapi, inyo tu indak bisa doh mati; inyo tu niyo nak bi mati, tapi, mauik jauah dari inyo tu. 7Bantuak bilalang tu, bakcando ku-do nan siyauk untuak ka baparang. Di kapalo inyo tu, ado sasuatu nan kali-yatannyo bakcando mangkuto ameh. Roman muko inyo tu, bakcando ro-man muko manusia. 8Rambuik inyo tu, bakcando rambuik padusi, nan gi-gi inyo tu, bakcando gigi singo. 9Nan dado inyo tu, batutuik jo sasuatu nan ampia sarupo jo baju basi saradadu. Bunyi sayok inyo tu, bakcando bunyi sarombongan gadang bendi parang, nan sadang balari manuju paparang-an. 10Inyo tu mampunyoi ikua, sarato jo sangek bakcando sangek kalo. Nan di dalam ikua inyo tu lah, ado kaku-atan inyo tu untuak manyangek, sara-to untuak ma-ajauk manusia salamo limo bulan. 11Inyo tu mampunyoi ra-jo, nan mamarentahi inyo tu, nan rajo tu, iyolah, malekaik nan batangguang jawauk taradok jurang mauik. Dalam bahaso Ibrani, namonyo iyolah Aba-don; nan dalam bahaso Yunani Apo-lion, (nan aratinyo adolah ”Pambina-so"). 12Cilako nan partamu, lah salasai. Sasudah tu, ado duwo lai cilako, nan lah musti ka datang. 13Kamudian, malekaik nan ka-anam ma-ambuih tarumpiknyo. Ma-ko, ambo mandanga suwaro, nan da-tang dari ka-ampek suduik mezbah ameh, nan talatak di adok-an Allah. 14Suwaro tu bakato kabake male-kaik nan ka-anam tu, ”Lapehkanlah ka-ampek malekaik nan takabek di Sungai Efrat tu!” 15Mako, ka-ampek malekaik tu pun dilapehkan. Inyo tu lah disiyaukkan sangajo untuak jam, untuak ari, untuak bulan sarato jo un-tuak tawun tu, untuak nan ka mam-bunuah sapatigo dari kasadonyo umaik manusia. 16Ambo di-agiah ta-wu, baraso kasadonyo pasukan baku-do tu, ado sabanyak duwo ratuih ju-ta. 17Nan dalam pangliyatan, ambo maliyek kasadonyo kudo tu, sarato jo urang-urang nan maracaknyo. Urang-urang nan maracaknyo tu, mamakai baju basi sirah nyalo, sarato jo kula-bu lauik, bakcando colok rono batu nilam, sarato jo kuniang balerang. Ka-palo kudo tu bakcando kapalo singo, nan dari muncuangnyo kaluwa api, asok, sarato jo balerang. 18Sapatigo dari umaik manusia abih bi mati, dek bala bancano nan tigo tu; iyolah api, asok, sarato jo balerang nan kaluwa dari muncuang kasadonyo kudo tu. 19Kakuatan kasadonyo kudo tu, ado di muncuangnyo, sarato jo di ikua-nyo. Ikuanyo bakcando ula nan ba-kapalo. Jo ikuanyo tu, kasadonyo ku-do tu ma-ajauk manusia. 20Tapi, umaik manusia nan indak bi mati dek sagalo bala bancano tu, indak pulo doh bi batobaik dari pa-buatan tangan inyo tu. Inyo tu indak bi baranti doh manyambah setan, sa-rato jo barhalo-barhalo, nan dibuwek dari ameh, perak, timbago, batu, sa-rato jo kayu, nan kasadonyo tu, indak dapek doh maliyek, atau man-danga, atau pun bajalan. 21Inyo tu indak pulo doh bi ma-antikan saga-lo pabuatan inyo nan jahek, iyolah, mambunuah urang, alemu capak-ca-pak baruak, mampabuwek nan cabua, sarato jo mancilok.

will be added

X\