WAHYU 8

1Kutiko Anak Domba tu mamacahi sege nan katujuah, sarugo aniang indak badatiak salamo kiro-kiro satangah jam. 2Sudah tu, ambo maliyek katujuah malekaik nan tagak di adok-an Allah, nan inyo tu dibari tujuah buwah tarumpik. 3Mako, tibolah surang malekaik la-in, nan mambawok sabuwah tampaik pambaka sitanggi nan dari ameh, sa-rato tagak di adok-an mezbah. Ka-bake inyo dibarikan kumayan nan banyak sangaik, untuak ka dipasam-bahkannyo, samo-samo jo dowa-do-wa kasadonyo umaik Allah, di ateh mezbah ameh nan talatak di adok-an kurisi tu. 4Samo-samo jo dowa-dowa kasadonyo umaik Allah, asok sitanggi nan sadang manyalo tu, manggabubu nayiak dari tangan malekaik nan ta-gak di adok-an Allah tu. 5Kamudian, malekaik tu ma-ambiak tampaik pam-baka sitanggi tu, sarato ma-isinyo jo api nan dari mezbah, sudah tu, inyo baekan ka bumi. Mako, guruah pun manggaga, nan kilek sabuang-manya-buang, sarato tajadilah gampo. 6Sasudah tu, katujuah malekaik nan mamacikkan tarumpik ciyek su-rang tu, lah basiyauk-siyauk untuak ka ma-ambuih. 7Malekaik nan partamu, ma-am-buih tarumpiknyo, mako, mancoroh-lah ujan es salabek-labeknyo, sarato jo api nan bacampua jo darah, bi ja-tuah ka muko bumi. Mako, sapatigo dari bumi abih tabaka; baitu pulo sa-patigo dari batang-batang kayu, sara-to jo rumpuik nan ma-ijau. 8Sudah tu, malekaik nan kaduwo ma-ambuih tarumpiknyo, mako, nam-paklah sasuatu nan sangaik gadang, nan kaliyatan bakcando gunuang nan manyalo-nyalo dek api, dibae-kan masuak lauik. Mako, sapatigo la-uiktan barubah manjadi darah, 9sarato bi matilah sapatigo dari sagalo mukaluak nan di lauik; sarato abih binasolah sapatigo dari kapa-kapa nan ado. 10Kamudian, malekaik nan kati-go ma-ambuih tarumpiknyo, mako, nampaklah sabuwah bintang nan ga-dang, nan manyalo-nyalo bakcan-do suluah, jatuah dari langik, sarato manimpo sapatigo dari batang-ba-tang ayie, sarato jo mato-mato ayie. 11(Namo bintang tu si ”Payik”.) Ma-ko, sapatigo dari ayie nan ado, man-jadi payik, sarato sambuahlah urang nan bi mati, dek karano bi maminun ayie nan lah payik tu. 12Sudah tu, malekaik nan ka-am-pek ma-ambuih tarumpiknyo. Mako, rusaklah sapatigo dari matoari, sapa-tigo dari bulan, sapatigo dari bintang-bintang, sainggo ilanglah sapatigo da-ri kakuatan cahayonyo. Sapatigo dari ari nan siang, indak tarang lai, baitu pulo, sapatigo dari ari nan malam, ba-tambah kalam. 13Sudah tu, ambo maliyek, mako, ambo mandanga sikua buruang ga-rudo, nan sadang tabang tenggi di udaro, sambia bakato jo suwaro nan kuwaik, ”Cilako! Cilako! Cilakolah kasadonyo urang nan di muko bu-mi, jikok bi mandanga bunyi tarum-pik, nan ka di-ambuih isuak dek kati-go malekaik nan lainnyo tu!”

will be added

X\