WAHYU 7

1Sasudah tu, ambo maliyek ampek urang malekaik tagak di ka-ampek pinjuru bumi. Inyo tu bi mana-han ka-ampek angin di bumi, supayo jan ado angin nan barambuih di da-rek, atau di lauik, atau di batang-ba-tang kayu. 2Sudah tu, ambo maliyek surang malekaik nan lain, nan datang dari arah nan ka Ujuang. Inyo mam-bawok sege dari Allah nan iduik. Jo suwaro nan kuwaik, malekaik tu ma-imbau ka-ampek malekaik nan lah mandapek kuwaso dari Allah, untuak mambinasokan darek jo lauik. 3Ma-lekaik tu bakato, ”Jan dibinasokan dulu darek atau pun lauik, atau pun batang-batang kayu, jikok kami alun ma-agiah tando sege, di kaniang sati-yok pisuruah Allah kito.” 4Sudah tu, ambo di-agiah tawu, baraso ado saba-nyak 144 . 000 urang, nan di-agiah tan-do sege dari Allah di kaniang inyo tu. Urang-urang itu di-ambiak dari kadu-wo baleh suku banso Israel; 5dari sa-tiyok suku, 12.000 urang. Iyolah da-ri suku: Yehuda, Ruben, Gad, 6Asyer, Naftali, Manasye, 7Simeon, Lewi, Isakhar, 8Zebulon, Yusuf, sarato jo Benyamin. 9Kamudian, ambo maliyek pulo ba-liak, mako, nampaklah lauiktan manu-sia nan luwa biaso banyaknyo — indak ado surang pun juwo doh urang nan ka bisa ma-etong bara banyaknyo. Urang-urang tu, adolah urang-urang dari sa-tiyok banso, satiyok suku, satiyok ka-rajaan, sarato dari satiyok bahaso. Jo mamakai jubah nan sagalo putiah, sa-rato bi mamacikkan daun-daun palam di tangan, urang-urang nan banyak tu bi tagak ma-adok ka kurisi, sarato ma-adok ka Anak Domba tu. 10Sudah tu, jo suwaro nan kuwaik urang-urang tu bi bakato, ”Kasalamaiktan kito datang-nyo dari Allah kito, nan duduak di ateh kurisi, sarato dari Anak Domba tu!” 11Kasadonyo malekaik bi tagak ma-nguliliangi kurisi, baitu pulo sagalo pa-mimpin, sarato jo ka-ampek mukaluak tu. Malekaik-malekaik tu bi tasungkua di adok-an kurisi, sarato bi manyam-bah Allah. 12Inyo tu bi bakato, ”Amin! Tapujilah Allah kito nan mulie, sarato nan bijaksano. Baliau patuik manari-mo sagalo pujian syukur, sarato jo sa-galo aromaik. Baliau bakuwaso, sarato punyo kakuatan untuak salamo-lamo-nyo! Amin!” 13Salah surang dari pamimpin-pa-mimpin tu, batanyo kabake ambo, ”Urang-urang nan bi bajubah putiah ko, siyakoh inyo ko, sarato dari ma inyo ko bi datang?” 14Ambo manjawauk, ”Ambo indak ta-wu doh ngku. Angku sandiri nan tawu.” Mako, inyo bakato kabake ambo, ”Iko-lah urang-urang nan lah salamaik, sasu-dah malalui maso aniayo nan sangaik barek. Inyo tu lah bi manyasah jubah inyo tu, sarato mambuweknyo manjadi putiah jo darah Anak Domba tu. 15Itu-lah sabauknyo, inyo tu bi tagak di adok-an kurisi Allah, sarato ba-ibadaik ka-bake Baliau siang jo malam di dalam Baithullah. Baliau nan duduak di ateh kurisi tu, ka ado samo-samo jo inyo tu, untuak malinduangi inyo tu. 16Inyo tu indak lai ka bi marasokan paruik litak, atau pun auih; matoari, atau pun angek-nyo paneh, indak lai ka manimpo inyo tu, 17dek karano, Anak Domba nan du-duak di tangah-tangah kurisi tu, nan ka manjadi Panggubalo inyo tu. Baliau ka mambimbiang inyo tu ka mato ayie nan mambari kahidupan. Sarato Allah sandi-ri nan ka ma-apuih ayie mato, dari ma-to inyo tu.”

will be added

X\